Nubo segir erjur milli pólitískra andstæðinga á Íslandi ástæðu höfnunarinnar

Það er fróðlegt að lesa viðtal Huang Nubo við China Daily í kjölfarið á að umsókn fyrirtækis hans um jarðarkaup á Íslandi var hafnað. Nubo segir að ósýnilegur veggur komi í veg fyrir kínverskar fjárfestingar í öðrum löndum.

Hann segir að neitunin sé tap fyrir kínverska fjárfesta og Íslendinga en sjálfur hafi hann ekki tapað neinu.

Huang heldur því fram að höfnunin sé undarleg því í könnunum hafi það sýnt sig að 60% íslensku þjóðarinnar hafi verið kaupunum fylgjandi.

Huang segir að ráðuneytið sem fjallaði um umsóknina hafi ekki verið mjög hjálpssamt og erfitt hafi verið að fá upplýsingar um hvað gæti orðið til að hraða meðferð málsins.

Huang gefur lítið fyrir þær ástæður fyrir höfnuninni sem ráðuneytið gaf út og segir að ástæðan fyrir henni geti verið pólitískar erjur milli stjórnmálamanna á Íslandi. Hann vitnar í Sigmund Ernir í því sambandi og umsögn forsætisráðherra um málið.

Þá varar Huang við tvískinnngshættinum sem kemur fram í þessari ákvörðun, því vesturlönd sækist eftir að koma vörum sínum á kínverska markaði en loka um leið fyrir fjárfestingar Kínverja í sínum löndum.

Hann hvetur kínverska fjárfesta að kynna sér vel aðstæður og lög landa áður en þeir láta til skarar skríða því ekki sé mikið að marka það sem sum þeirra predika um stöðugleika fyrir erlenda fjárfesta.

Þá segir Huang að Jóhannes Hauksson, einn af eigendum landsins, muni verða af miklum peningum vegna höfnunarinnar.

Ekki hlutverk ráðuneytisins

Beijing Zhongkun Investment Group Co

Hér að neðan er listinn yfir fyrirtækin sem Beijing Zhongkun Investment Group Co eru eigendur að. Huang Nubo er aðaleigandi Zhongkun Investment og hann vill bæta Grímsstöðum á fjöllum við þessa súpu. Nokkur af þessum fyrirtækjum eru sögð ferðaþjónustufyrirtæki en þegar þau eru googluð líta flest þeirra út fyrir að vera skúffufyrirtæki í aðalstöðvum Zhongkun Investment í Beijing.

Huang sem segist hafa orðið ríkur á fasteignaviðskiptum, vill greinilega reyna að ýta undir þá ímynd að hann sé mikill mannvinur. Á heimasíðum þeirra fyrirtækja sem hann á og yfirleitt hafa heimsíðu, er langur listi yfir þær viðurkenningar sem fyrirtæki hans og hann sjálfur hefur hlotið prívat og persónulega, aðallega frá kínverskum yfirvöldum. Annað sem er einkennilegt við prófíl Huang er að hann virðist ekki vera til fyrir árið 1999.

Eitt fyrtækja hans sem virðist vera ferðaþjónustufyritæki hefur enska netsíðu, en nánast engar upplýsingar um ferðirnar sem það býður. Síðan er með langa rullu um Huang Nubo, ferðir hans um heiminn og hversu mikill leiðtogi hann er.

Myndir af Huang sýna einatt snyrtilegan mann sem er að tefla skák eða lesa ljóð. Huang er fyrst og fremst ímyndarsmiður en kann sér samt ekki hóf eða ofmetur hreinlega hversu ginkeyptir vesturlandabúar eru fyrir þessari ímynd mannvinar og milljónamæringsins sem hann vil gefa af sér. 

En hver er þá þessi Huang Nubo sem ólmur vill kaupa Grímsstaði á fjöllum. Kannski þessi glans ímynd sem Huang varpar fram af sjálfum sér og fyrirtækjum sínum, hafi eitthvað með fortíð hans að gera.

Herra Huang er kínverskur auðmaður sem lengst af ævi sinnar starfaði fyrir Áróðursdeild kínverska Kommúnistaflokksins.

Áróðursdeild kínverska Kommúnistaflokksins er ekki sögð hluti af kínversku ríkisstjórninni. Samt er hún mjög valdamikil stofnun sem farið getur sínu fram án sérstakra lagaheimilda. Hlutverk hennar er að sjá um að allir fjölmiðlar landsins leggi áherslu á það í fréttaflutningi sínum, sem er í samræmi við þá ímynd sem ríkistjórnin og kommúnistaflokkurinn vill að gefin sé af samfélaginu í Kína. Deildin er oft kölluð "Sannleiksráðuneytið".

 Til að framfylgja þessum markmiðum heldur deildin m.a. vikulega leynifundi með helstu ritstórum kínverskra fjölmiðla þar sem komið er á framfæri "réttu línunni" í öllum mikilvægum málum. Viðurlögin fyrir að framfylgja ekki stefnmörkun deildarinnar út í hörgul, eru starfleyfissviptingar og útilokun starfsmanna frá frekari afskipum af fjölmiðlun.

Mikil áhersla hefur verið lögð á það að halda tilmælum "Sannleikráðuneytisins" leyndum, enda mörg þeirra fram sett til að fela sannleikann. Með tilkomu netsins og twitter hafa margar af gerræðislegum fyrirskipunum deildarinnar komist í hámæli. Fræg urðu t.d. fyrirmæli hennar um að "allar vefsíður í Kína skyldu nota skærrauðan lit til að fagna 60 ára afmæli lýðveldisins og að neikvæð umfjöllun um gíruga forsprakka í flokknum megi ekki fara yfir 30%."

Þeir sem starfa fyrir deildina hafa hlotið sérþjálfun og pólitískt uppeldi innan kommúnistaflokksins. Reglulega eru haldin námskeið fyrir starfsmennina þar sem tryggð við flokkinn er áréttuð og flokkspólitískri innrætingu er viðhaldið.

Í samræmi við "breytta tíma" í Kína, hafa í seinni tíð nokkrir af dyggustu tarfsmönnum "Sannleiksráðuneytisins" komið sér fyrir sem athafnamenn í "einkageiranum" og náð þar undramiklum árangri á afar skömmum tíma.

Umsýsla þeirra og skjótur uppgangur í hinum mismunandi geirum athafnalífsins í Kína og einnig í öðrum þjóðlöndum heimsins hafa vakið mikla athygli og greinilegt að þar fer fólk sem hefur réttu samböndin og kann til verka við að sannfæra viðsemjendur sína um að áhugi á verndun mannlífs á náttúru séu megin hvatinn að áhuga þeirra á viðkomandi verkefni.

Hér kemur fyrirtækjalistinn;

Beijing ZhongKun-JinXiu Real Estate Development Co., Ltd ●　Beijing ZhongKun-ChangYe Real Estate Development Co., Ltd ●　Beijing ZhongKun-YuHe Property Management Co., Ltd ●　Beijing ZhongKun-ChangHe Estate Brokerage Co., Ltd ●　Beijing Zhongkun Hongye Culture Communication Co., Ltd. ●　Beijing ZhongKun Online Network Technology Co., Ltd ●　DaZhongsi Commercial Co., Ltd ●　Beijing DaZhongsi International Plaza Property Management Co., Ltd ●　Beijing ZhongKun-TaGe Tourism Landscape Planning & Design Co., Ltd ●　Beijing Gold Sorghum Cateing Managment Co., Ltd ●　Beijing ZhongKun-TaGe International Travel Service Co., Ltd ●　Beijing ZhongKun-BlueSun Advertising Co., Ltd ●　Beijing Zhongkun-Lingchuan Tourism Development Co., Ltd ●　Beijing ZhongKun Kangxi Grassland Tourism Development Co., Ltd ●　Beijing ZhongKun Luoying Wine Chatean Co., Ltd ●　China Tennis School ●　Beijing ZhongKun Tennis Club Co., Ltd ●　Beijing Daxing ZhongKun Training Centre ●　Beijing Meiya School ●　Beijing Daxing Meiya School ●　Huangshan JingYi Tourism Development Co., Ltd ●　Huangshan JingYi Tourism Development Co., Ltd Hongcun Tourism Development Branch Company ●　Huangshan JingYi Tourism Development Co., Ltd Nanping Tourism Development Branch Company ●　Huangshan JingYi Tourism Development Co., Ltd Guanlu Tourism Development Branch Company ●　Huangshan Jing Yi Real Estate Development Co., Ltd ●　Huangshan Zi Lu Yuan Cemetery Co., Ltd ●　Hunan Zhongkun Dongtinghu International Tourism Co., Ltd ●　Tongcheng ZhongKun Resort Development Co., Ltd Of Tongcheng in Anhui Province ●　Muztagata - Hongcun in Kun Tourism Group Co., Ltd ●　Kezhou ZhongKun Tour Service Bus Co., Ltd ●　Kezhou ZhongKun Mountaineering & Exploration Club Co., Ltd ●　Kashgar ZhongKun Real Estate Development Co., Ltd ●　Kashgar ZhongKun Hotel Co., Ltd ●　Kashgar ZhongKun International Travel Service Co., Ltd ●　Kashgar ZhongKun Golf Club Co., Ltd ●　Kashgar ZhongKun Properties Limited Co., Ltd ●　Kashgar ZhongKun Travel Co., Ltd ●　Kashi Zhongkun Earthenware Products Co., Ltd. ●　AkeSu Zhongkun Travel Co., Ltd ●　Kuche Travel Co., Ltd ●　ZHONGKUN GROUP USA INC ●　ZHONGKUN GROUP INC.

Kanni áhuga Huang á fjárfestingum

Vill Jóhanna að Ögmundur brjóti lögin?

Ögmundur fullyrðir að umsókn Huang eða réttara sagt fyrirtæki hans hafi ekki "uppfyllti ekki lög og reglugerðir á Íslandi."

Hvað vill Jóhanna að hann geri?

Vill hún meina að Ögmundur hefði átt að brjóta íslensk lög.

Átti hann að finna leið fram hjá þeim, af því að einhverjir flokkshestar þekkja Huang.

Eða er Jóhanna að meina að Ögmundur sé ekki að segja satt og að engin lög hefðu verið brotin ef umsókn hans hefi verið samþykkt.

Umsókn Huang var fyrir undanþágu frá gildandi lögum og reglugerðum og allir eiga að vera jafnir fyrir þeim.

Hvers konar rassavasa ríkisstjórn rekur Jóhanna annars?

Andvíg ákvörðun Ögmundar

„en þeir peningar finnast hins vegar hvergi“

Merkilegt að Pálmi Haraldsson skyldi fá setninguna „en þeir peningar finnast hins vegar hvergi“ dæmda ómerka. Merkilegt vegna þess,  að í málinu Sem  Eiður Smári höfðaði gegn DV  fyrir að fjalla um fjármál hans opinberlega, segir hæstiréttur "að þegar metið sé hvar mörkin liggi milli tjáningarfrelsis og friðhelgi einkalífs verði að líta til stöðu þjóðfélagsmála á hverjum tíma, hvaða málefni hafi borið hæst í opinberri umræðu og séu almennt talin miklu varða."

Hæstarétti hefur sem sagt ekki fundist setningin „en þeir peningar finnast hins vegar hvergi“ í tengslum við Pálma Haraldsson vera í takti við stöðu þjóðfélagsmála á þeim tíma.

Samt er t.d. Hvítbókin á netinu um Pálma  full af miklu verri aðdróttunum ef ekki beinum ávirðingum,  eins og fólk getur kynnt sér. - Hvar sem Pálmi hefur komið við sögu í viðskiptum liggur  slóðinn af gjaldþrotum. En samt hefur hann ætíð haft fullar hendur fjár til að fjármagna næstu fléttu sína.

Ein ummæli í fréttinni ómerkt

Höfum aftur efni á því að spara

Eitt af merkjum þess að kreppan sé liðin hjá á Íslandi er að aftur fjölmenna frónbúar til útlenda í innkaupaferðir. Í fyrra slógu þeir farþega met til Boston og á þessu ári bæta þeir enn í og auka traffíkina þangað um 10%. - Bandaríkjadalur er tiltölulega hagstæður og vörur þar vestra mun ódýrari en gengur og gerist á Íslandi. Svo segir fólk alla vega.

Íslendingar hafa aftur efni á því að spara með því að versla erlendis sem hljóta að vera góð tíðindi fyrir ríkisstjórn sem leitar allra leiða til að hækka skatta í landinu. Peningarnir eru til, það þarf bara að finna þá. "The Skattman cometh"

Sú var samt tíðin að verðlag á Íslandi var svo gott á sumum vörum að fólk flykktist til Reykjavíkur frá Bandaríkjunum og víðar að, til að kaupa sér þessa eða hina merkjavöru. - Það var eitt af þessum dularfullu fyrirbærum gullátsáranna sem aldrei var að fullu skýrt. -

Nýtt met í Boston-ferðum

Hundurinn sem bítur

Hundsbit kallar Gunnar Gunnarsson hjá Verkalýðs- og sjómannafélagi Keflavíkur og nágrennis, að 30 manns var sagt upp störfum þegar flugfélagið Astraeus fór á hausinn. Við þá tölu bætist a.m.k. 20 íslenskir flugmenn og ótaldar eru þá íslenskar flugfreyjur og flugþjónar sem störfuðu fyrir félagið. Það er ansi mildilega komist að orði, sérstaklega þegar atvinnuleysi er hvergi meira á landinu enn á Suðurnesjum.

Og hver er hundurinn sem þarna bítur? Hann heitir Pálmi Haraldsson og hundsbitin sem fólk hefur orðið að þola af völdum hans eru orðin æði mörg.

En illur fengur illa forgengur segir máltækið og hér má lesa um hvernig þetta flugfélag komst í eigu Pálma.

Iceland Express, einnig í eigu Pálma, er frekar illa þokkað fyrirtæki en það heldur áfram rekstri enn um sinn.  Pálmi hlýtur að hafa nóg fé milli handanna til að halda því gangandi um sinn, eftir að hafa svikið út rúmlega fjóra milljarða króna úr Gamla Landsbankanum eins og lesa má um hér. og 7,2 milljarða út úr Glitni sem  lesa má um hér.

En engin lög ná yfir þessa og aðra álíka verknaði (og þar er af nægu að taka) Pálma Haraldssonar.

Saga hans síðustu árin er eins og hún birtist okkur í fjölmiðlum landsins, er saga samfelldrar svikamillu, þar sem stórkostlegar upphæðir eru sviknar út úr bönkum og fyrirtækjum, án þess að nokkur lög nái þar yfir eða nokkrir fái því við gert. -

Langlundargeð landsmanna við Pálma jafnast aðeins á við bíræfni hans við að halda ferli sínum áfram, án þess að skeyta nokkuð um afleiðingar gjörða sinna.

Hundsbit fyrir Suðurnesin

Svikamillan Astreus / Iceland Express

Svikamillan Astreus / Iceland Express er sprungin. Flugfélagið Astreus hefur ekkert að gera eftir að ferðaskipuleggjandinn Iceland Express sagði upp samningum við það og það fer í þrot. Áður hafði eigandi beggja félaganna, Pálmi Haraldsson, blóðmjólkað Astreus. -  þetta kann Pálmi Haraldsson að gera. Hann hefur gert það oft áður. - Keflavik Flight Services og starfsfólk þeirra er meðal fjölda fólks sem verður illa úti í þessari nýjustu lykkju í  "viðskiptafléttu" Pálma. Eftirfarandi frétt er enn öllum í fersku minni býst ég við;

Breska flugfélagið Astraeus, sem meðal annars leigir Iceland Express flugvélar, var fært undan Fons til félaga tengdra Pálma Haraldssyni áður en Fons var sett í gjaldþrot, að því er Morgunblaðið greinir frá og mbl.is vitnar til. Heimildir blaðsins herma að lágmarksverð hafi verið greitt fyrir. Pálmi var aðaleigandi Fons áður en félagið fór í þrot.

Í fréttinni segir síðan:

Færði líka Iceland Express

„Í vikunni var sagt frá því að hlutafjáraukning í Iceland Express, sem einnig var í eigu Fons, hinn 24. nóvember 2008 væri til skoðunar hjá skiptastjóra í þrotabúi félagsins. Þá var hlutafé aukið um 300 milljónir króna að nafnvirði. Fengur, annað félag í eigu Pálma, skráði sig fyrir öllu hlutafénu og eignaðist við það um 92 prósent hlut í flugfélaginu. Nokkrum vikum síðar var Fons lýst gjaldþrota.

Landsbankinn, sem átti veð í hlut Fons í Iceland Express, vissi ekki af hlutafjáraukningunni fyrr en hún var yfirstaðin, samkvæmt heimildum Morgunblaðsins. Bankinn heldur nú á þeim tæpu átta prósentum í Iceland Express sem ekki eru í eigu Fengs.

Miklar arðgreiðslur fyrir árið 2007

Fons greiddi sér 4,4 milljarða króna í arð vegna árangurs félagsins á árinu 2007. Arðgreiðslan var greidd til Matthews Holding S.A. í Lúxemborg, eignarhaldsfélags í eigu Pálma og Jóhannesar Kristinssonar.

Hagnaður Fons á árinu 2007, að teknu tilliti til óinnleysts hagnaðar og matsbreytinga hlutabréfa, nam um 4,7 milljörðum króna og bókfært eigið fé félagsins var 39,3 milljarðar króna. Samkvæmt ársreikningi voru eignir félagsins 112 milljarða króna virði.

Rúmu ári síðar var Fons tekið til gjaldþrotaskipta. Þá var talið að eignir félagsins næmu á bilinu tíu til tólf milljörðum króna. Íslensku bankarnir þrír eru helstu kröfuhafar í þrotabú Fons.“

Þrjátíu sagt upp störfum

Molbúar að monta sig

Þessi tilraun bandaríkjamannsins til að gera mikið úr verslunarferðum þjónustustúlkunnar til Mílanó sýnir hversu illa hann þekkir til hátta á Íslandi.

Ferðir til útlanda þykja ekki tiltöku mál og hafa ekki gert það síðast liðin 30 ár, ólíkt því sem gengur og gerist í Bandaríkjunum þar sem sáralítil prósenta íbúa hefur vegabréf. Það er svo sem skiljanlegt þegar tekið er tillit til landafræðikunnáttu þeirra almennt, en það er annað mál.

Löngu fyrir hrun var hefð fyrir því að Íslendingar færu í verslunarferðir til útlanda. Þeir fóru til ýmissa borga í Evrópu og í Bandaríkjunum, eftir því hvert ódýrustu flugmiðanna var að fá og hvar hagstæðustu kaupin var hægt að gera á hverjum tíma. - Það var alltaf sérstök tilfinning að koma að hliðunum þar sem íslendingar biðu eftir að komast um borð í vélarnar heim. Húsakynnin ilmuðu af leðri og bjór. Leðurlyktin var af brakandi leðurdrögtum kvennanna og bjórlyktin út úr flestum körlunum.

Ef að sá bandaríski er að leita eftir grófum dæmum um sukk og sinnuleysi í hruninu á Íslandi, ætti hann að leita í smiðju þeirra sem þóttu flott að fara til ákveðinnar borgar og borða þar gull í kvöldmat. Sú borg heitir New York og er í Bandaríkjunum. Þangað fóru nefnilega nokkrir nýríkir íslenskir molbúar um tíma til að monta sig. Líttu þér nær John Lanchester.

Í verslunarferð til Mílanó fyrir kreppu

Bjargaði Gordon Brown Íslandi

Það verður athyglisvert að sjá Gordon Brown verja þá ákvörðun sína að beita hryðjuverkalöggjöfinni til að frysta eigur íslensku bankanna í Bretlandi. Hann hefur hingað til látið sem þar hafi hann ekki átt neina völ.

Brown heldur því fram að stjórnendur  bankana hafi staðið í því nótt sem dag rétt fyrir hrun, að koma umtalsverðum fjármunum undan,  þangað sem ekki væri hægt að ná til þeirra. Einu lögin sem hann gat notað til að stöðva þá, voru lögin um fjármálastarfsemi hryðjuverkasamtaka sem gætu verið ógnun við breska ríkið. - Hann hefur einnig sagt að hann hafi litið svo á að hann hafi verið að gera Íslandi greiða með því að stöðva þetta óhefta og að hans mati ólöglega fjárstreymi úr sjóðum bankanna korter fyrir hrun, yfir til félaga og einstaklinga sem í raun voru að stela þessum fjármunum með bókhaldsbrellum. -

Meining Browns er að ef ekki hefði verið gripið til aðgerða, hefðu verðmætar eignir sem skilanefnd Landsbankans er nú að gera sér góðan mat úr, ekki verið til staðar. Er það mögulegt að  Gordon Brown  hafi bjargað Íslandi frá enn meiri skaða en það varð fyrir, með að beita hryðjuverkalögunum til að frysta eignir íslensku bankanna í Bretlandi.

Skrifar á vef Landsbankans

Almenningur í gíslingu vissra fyrirtækja

Það eru mjög góðar fréttir að Landsbankanum gangi svona vel að þeir geti, ef þeir vildu, greitt ríkinu (okkur sem eiga stærsta hluta hans) 50 milljarða arð. Vonandi er þessi góða afkoma ekki byggð á blóðpeningum úr vasa fjölskyldanna hverra hag átti að standa vörð um, fyrir síðustu kosningar, en fórst síðan fyrir í öllum látunum við að afskrifa skuldir auðmanna.

Þessi góða afkoma var tilefni fyrir Vilhjálms Egilsson að leggja til að bankinn yrði einkavæddur sem fyrst, enda ómögulegt að einhverjir sem eiga svo mikla peninga að þeir geta keypt sér banka, fái ekki tækifæri til að auka auð sinn enn frekar.

Um hríð hafa Íslendingar upp til hópa þurft að kyngja óbragðinu sem upp í þá kemur í hvert sinn sem þeir neyðast til að versla við fyrirtæki sem eru í eigu bankaræningjanna og braskaranna sem annað hvort voru forsprakkar í útrásarflaninu eða græddu ótæpilega á að vera í slagtogi með þeim.

þannig er um alla bankana nema Landsbankann, Bónus og Iceland Express svo dæmi séu nefnd. Fólk skiptir enn við þessi fyrirtæki vegna þess að það neyðist til þess. Á vissan hátt er almenningi þannig haldið í gíslingu af þessum  fyrirtækjum.

Landsbankinn gæti greitt ríkinu 50 milljarða króna arð