Orð sem vert er að kunna skil á

Íslamfóbían er svo áleitin við suma moggabloggara (sem betur fer ekki margra enn sem komið er ) að jafnvel væg gagnrýni kristins manns á Bingó-spil vantrúaðra á páskum er notað til að gera harða árás á Íslam af einum Íslamfóbíusjúklingnum. Hræðslan og skelfingin skín úr hverri setningu og þegar slíkar tilfinningar ráða för, fer sannleikurinn fyrir lítið. Hann slær um sig arabískum orðum sem merkja allt annað en hann tilgreinir og vekja mikinn misskilning. Hér kemur stuttur orðalisti yfir Íslamísk hugtök og hvað þau þýða.

Ég vil taka það fram að ég er ekki múslími og að trúsystkini mín hafa verið ofsótt af ofstækismönnum sem tilheyra Íslam frá upphafi trúar okkar sérstaklega í Íran og Írak.

 Orð úr Íslam

Alhamdu lillah	Lof sé Guði
Allah	Guð
Allahu Akbar	Guð er mestur
Amanah	Traust
Assalamu Alaikum	Friður sé með yður (Íslamísk kveðja)
Assalamu Alaikum wa Rahmatullahi wa Barakatuh	"Friður og náð og blessun Guðs fylgi yður" (Framhald kveðjunnar)
Astaghfir Allah ta	Ég leita fyrirgefningar Guðs (Notað þegar minnst er á eitthvað sem brýtur í bága við Íslam)
Ayah/Ayat	Vers Kóransins
Bid`ah	Ákall, viðbót við trúarlegar skyldur
Bukhari	Einn fremsti safnari hadith. Safn hans er þekkt sem Sahih Bukhari
Bismillah ar-Rahman ar-Rahim	Í nafni Guðs, Hins náðugasta, Hins miskunnsamasta
Da'wa	Ákall (fyrir mannkynið að koma til Íslam)
Du`aa	Tilbeyðsla
Eid	Íslamískur helgidagur
Fatwa	Íslamísk lagaákvæði
Fiqh	Íslamísk lög eins og þau eru túlkuð af fræðimönnum
Fitnah	Spilling og ringulreið. Einnig freisting
Hadith	Arfasögn um ummæli eða gjörðir Spámannsins
Haj	Pílagrímsferð
Halal	Leyft (samkv. Íslamískum lögum)
Haram	Bannað (samkv. Íslamískum lögum)
Hazrat/Hadrat	Göfgandi - Sæmandi
Hijab	Auðmýkt í klæðnaði og hegðun (inniheldur höfuðklút fyrir konur)
Imam	Leiðtogi
Iman	Trú
In Shaa Allah	Ef Guð lofar. (Notað þegar rætt er um eitthvað sem á eftir að gerast)
Injeel	Ritning sem opinberuð var spámanninum Issa (Jesús)
Isnad	Söguhlekkir, skrá yfir fólk sem arfsögnin er höfð eftir
Jannah	Paradís
Jazakallah Khair	Megi Guð veita þér það sem er gott. (Oft notað eins og "Takk fyrir"
Jihad	Barátta fyrir Íslam, hvort heldur hún er friðsamleg eða ekki. (Ekki heilagt stríð)
Jinn	Ósýnilegar verur, sem líkt og mönnum er gefin frjáls vilji.
Kafir	Sá sem afneitar sannleikanum. Bókstaflega sá sem"hylur" sannleikann (Stundum haft um þá sem ekki eru múslímar).
Khalifah	Kalífi: Leitogi þjóðar múslíma
Khilafah	Kalifat
Khutba	Guðsþjónusta
Kufr	Höfnun sannleikans, uppreisn gegn Guði
La Ilaha Illa Allah	Það er engin guðdómur nema Guð
Ma Shaa Allah	Guðs vilji! (Venjulega notað til að tjá sig um undur sköpunarverksins)
Madhhab	Hugmyndafræði Íslamískrar réttarfræði
Makruh	Fyrirlitið, en ekki bannað (Samanb. Íslamísk  lög)
Mandoub	Lagt til, en ekki krafist (Samanb. Íslamísk lög)
Mubah	Hvorki lagt til eða krafist. Hlutlaust (Samkv. Íslamískum lögum)
Mushrik	Sá sem fremur "Shirk" sjá neðar á listanum
Muslim	Sá sem lýtur Guði og er múslími; Einnig nafn eins af merkasta  hadíða fræðimanns sem uppi hefur verið. Safn hans nefnist Sahih Muslim
Nabi	spámaður
Qur'an	Orð Guðs eins og þau voru gefin okkur af spámanninum.
PBUH	Friður sé með honum. Sama og SAW
RAA	(Radia Allahu Anhu/Anha.) Megi hún/hann vera Guði þóknanlegur
Rasool	Boðberi (Spámaður sem fengið hefur guðlega opinberun)
Rasool Allah	Boðberi Guðs (átt er við Múhameð Spámann)
Sahaba	Félagar Spámannsins. Eintalan er "Sahabi"
Sahih	"Kveða isnad." Tæknilegur eiginleiki "isnad" hadíðunnar.
Salaam	Friður. Stytting á Íslamískri veðju
Salaat	Bæn
SAW	(Salla Allahu Alaihi Wa Sallam.) Friður sé með honum
Sawm/Siyam	Fasta
Seerah/Sirah	Ævisaga Spámannsins
Shahadah	Að bera þess vitni að engin sé Guð nema Guð og að Múhameð sé spámaður Hans.
Shari'ah	Guðleg lög
Sheikh	Fræðimaður (einnig öldungur eða virtur maður)
Shirk	Félagar (aðstoðarmenn) Guðs
Shura	Samráð Múslíma
Subhan Allah	"Deyrð sé Guði"
Sunna/Sunnah	Hefðir Spámannsins
Surah/Sura	Kafli í Kóraninum
SWT	(SubHanahu Wa Ta`ala.) Dýrð sé honum. Aðeins notað um Guð
Tafsir	Túlkun
Tawraat	Ritningar opinberaðar spámanninum Musa (Móses).
Ulama	Fræðimenn trúarinnar
Umma	Þjóð, samfélag.
Ustadh	Kennari
Wassalaam	Og friður.Merkir  "bless, eða sæl"
Zakat	Ölmusa sem skylt er að gefa

Athugasemdir

[Jenný Anna Baldursdóttir, 25.3.2008 kl. 00:19]

Takk fyrir þetta.  Fróðlegt og skemmtilegt.

[Svanur Gísli Þorkelsson, 25.3.2008 kl. 00:55]

Já Jenný, ég veit líka að það á ekki að blogga svona eftir myrkur :)

[Sigurður Árnason, 25.3.2008 kl. 19:35]

Sæll Svanur

Íslamfóbían er ekki það sama og múslimafóbía. Það er alveg réttmætt hjá fólki að gagnrýna Íslam því enginn trú á skilið jafnmikla gagnrýni og hún. Það er einfaldlega mikið að gagnrýna og margt sem brýtur gegn eigin siðferði. Ég veit að Báb var múslimi áður en hann varð fyrir innblástri guðs orð og sagðist vera 12 Ímaminn. Ég veit líka að það á viðurkenna Múhameð sem spámann guðs í Bahaí trúnni, en ég tel að hann hefði ekki komist langt með boðskapinn ef hann hefði ekki gert það. Það sem ég er að segja að það er eitthvað mjög rangt við Íslam. Þú finnur ekki annað trúarbragð sem gerir út á önnur með nafni og þú finnur ekki fylgjendur annara trúarbragða fara út á götur og hóta öllu illu út af teikningum. Þessi orð Geert Wilders segja held ég allt sem segja þarf um Íslam:

And what is his main message to the non-Muslims who see his film?

‘Stop being a cultural relativist and be proud of who you are, and fight for it especially if, you know, I mean these people are not Buddhist. I wrote an article a few weeks ago that said, imagine if I would have said last year that I wanted to burn the Bible, that I want to make a movie to show the fascist character of Christianity. Would there be extra meetings of the government? Would there be evacuation plans of our embassies in Rome, Berlin and Brussels? Would there be bishops like grand muftis who say there would be bloodshed?... The answer of course is “no”. So it proves my point already. All the reactions of the Islamic world, even unfortunately from the Dutch government, show that Islam is something different, has to be treated differently, as something entirely beside our own culture and values.’

Það sem fólk sem ver Íslam virðist oft ruglast á er að það er ekki verið að gagnrýna múslima heldur verið að gagnrýna Íslam. Kristnin hefur fengið sinn skerf af gagnrýni, en því er ekki tekið eins og það sé verið að gagnrýna alla kristna einstaklinga. það sem mér finnst verst er að múslimar og ég tek vin minn sem dæmi eru að halda því fram að þetta séu allt guðs orð og þeir eru taka upp hanskann fyrir fjölkvæni T.d sem er einfaldlega rangt gagnvart kvenfólki og Sömuleiðis að það megi berja eiginkonuna sína eftir að hafa reynt sumt áður. Það eru einfaldlega ekki guðsorð heldur karlsmannsorð. Kóraninn er rit sem mér einfaldlega brá við að lesa og sá margt sem mundi flokkast undir illsku. Ég er því miður ekki að kaupa það að Íslam hafi verið innblásinn af guði. Heldur einfaldlega orð frá karlmanni.

Kveðja Sigurður 

[Svanur Gísli Þorkelsson, 26.3.2008 kl. 03:29]

Þakka þér Skúli.

Ég veit að þér eru þessi orð hugleikin og ég hef oft séð þau í greinum eftir þig, og þessvegna góð ástæða til að láta þau fylgja. 

Orðið er hægt að rita Jizya,  jizya eða jizyah og er heiti á nefskatti sem kaliföt frtíðarinnar lögðu á þær þjóðir sem múslímir lögðu undir sig en ekki gengu Íslam á hönd. Þinn ritháttur Skúli "Jiziyah" er eiginlega aðeins notaður á bandarískum anti Íslam áróðurssíðum sem gerir lesendum afar auðvelt að sjá hvaðan þú hefur þína visku.  Það sama er að segja um rithátt þinn á orðinu Taqqyiah (ritast Taqiyya eða Taqiya)

Taqiyya sem á rót sína að rekja til Shi´a grein Íslam en er nú líkameðtekin og stunduð af öðrum greinum er vísvitandi heimildavilla sem ætlað er að vernda Íslam eða múslíma. Kitman er mildara form af slíkri heimildavillu.

Taqiya, er að láta ekki uppi trú sína og þykjast vera eitthvað annað, fela eitthvað, eða segja ósatt til þess að vernda Íslam. "Taqiya" (eða taqiyyah) er skylt orðunum "taqwa'" og "taqi'" sem bæði  hafa sömu merkingu "að "gæta" eða "vernda"

Talaq (Skilnaður, stundum kallað þrefalt talaq) er afar umdeild leið Suni greinar Íslam þar sem eiginmaður getur skilið við konu sína með því að segja við hana þetta orð þrisvar. Shi´a réttarfar lýtur á Talaq sem ákveðin feril er verður að fylgja frekar en ákvörðun sem tekin er á staðnum og framfylgt með þessu orðum. Sá ferlill getur verið all flókinn og fer hann eftir löndum.  

[Svanur Gísli Þorkelsson, 26.3.2008 kl. 03:42]

Sæll Sigurður

Það er erfitt fyrir okkur 21. aldar fólkið að setja upp einhver sjöttu aldar gleraugu og hverfa aftur til söguslóða Arabíuskagans, skilja eftir kúnstarinnar reglum blæbrigði máls (arabískunnar) þar sem hver snúningur pennans getur breytt blæbrigðum textans. - Mér finnast lýsingar Kóransins erfiðar að skilja og stundum jafnvel óhugnalegar. En það sama verð ég að segja um Bhagavad Gita og GT.

[Sigurður Árnason, 26.3.2008 kl. 10:22]

Það er nú samt ekki það erfitt þar sem Arabískan er mál sem er notast enn við í dag og það er ekki það erfitt að þýða það yfir í Ensku á okkar tímum. þetta er ansi slöpp afsökun frá mörgum múslimum sem er einfaldlega vilja afsaka ljótan boðskap Kóransins, Það er ekki sömu sögu að segja um sanskrít sem er um 3700 ára gamalt tungumál sem var hætt að notast við fyrír um 2000 árum eða meira .

Gamla testamentið er Óhugnanlegt á köflum, en ég tel að nýja testamentið hafi gefið boðskap sem hafi stangast svo sannarlega við gamla testamentið. Það sem ég er að segja að Kristni og gyðingdómur voru orðin útbreidd á Arabíuskaga fyrir tíma Íslams og það hefði haldið áfram að breiðast út og það var ekki þörf fyrir íslam þar sem það var skref afturábak á miðan við kenningar Kristninnar. Þú getur lesið í Hadith um vini og kunningja Múhameðs sem sneru til Íslams frá kristni. Ég tel að það geti orðið ansi erfitt að nútímavæða Íslam þar sem hvert skref frá boðskapi Kóransins er Ávísun á Helvítisvist, en það jákvæða er að í sumum múslimalöndum er að boðskapurinn farinn að ofbjóða þeirra siðferði og þeir eru farnir að banna sumt sem er leyft er í kóraninum eins og T.d Fjölkvæni í Túnis, Tyrklandi, Bosníu-herzegóvinu.

Þetta vers úr kóraninn gefur því miður ekki mikið svigrúm fyrir annan boðskap:

033.040 
Muhammad is not the father of any of your men, but (he is) the Messenger of Allah, and the Seal of the Prophets: and Allah has full knowledge of all things.

Kveðja Sigurður

[Svanur Gísli Þorkelsson, 26.3.2008 kl. 11:07]

Góðan daginn Sigurður

Eitt eru allir sagnfræðingar sammála um í tengslum við mannlífið á Arabíuskaganum fyrir 1500 árum og það er að boðskapur gyðingsgóms og kristni höfðu ekki náð neinni almennri útbreiðslu. Samfélagið var ótrúlega barbarískt og átrúnaður eiginlega viðskiptalegs eðlis, nánast eins og hann er stundaður núna í vesturheimi. Lög Kóransins eru mörg hve hastarleg og nákvæm sem mótvægi við þessar aðstæður.

Arabískan sem er talin flóknasta tunga jarðarinnar af mörgum málamönnum, er ekki afsökun heldur áskorun um að skyggnast á bak við tjöldin. Ég er sammála þér um að Íslam gefur ekki mikið svigrúm fyrir önnur trúatbrögð enda trúi ég því að Íslam hafi runnið sitt skeið og sé ekki lengur nothæf leið fyrir mannkynið eða einhvern hluta þess. - Það dregur ekki úr gildi Íslam sem opinberunnar. Ekki frekar en vítisboðskapur kristinnar kirkju dregur úr gildi kenninga Krists þótt ég álíti þær líka úreltar.

[Sigurður Árnason, 26.3.2008 kl. 11:35]

Sæll Svanur

Þau hafa runnið sitt skeið, en ég tel að boðskapur Krists hafi verið svo misskilinn í gegnum tíðina. Hafi boðaskapurinn verið skilinn rétt af mönnum, þá gæti ég talið hann eiga við í dag, en ég hef ekki sömu sögu að segja um Íslam. 

En segðu mér Svanur hvernig aðferðir notið þið við að nálgast guð Í Bahaí trúnni. Stundið þið Bænir eða hugleiðslu eða Bæði? 

[Svanur Gísli Þorkelsson, 26.3.2008 kl. 12:41]

Fyrir bahá'ía er tilgangur lífsins að þekkja og elska Guð og að þroskast andlega. Eins og í flestum öðrum trúarbrögðum, eru bæn og hugleiðsla frumskilyrði til þess að öðlast andlegan þroska. Bahá'u'lláh samdi sjálfur hundruð bæna. Þar eru bænir til almennra nota, lækningabænir, bænir um andlegan vöxt, erfiðleikabænir, bænir fyrir hjónabandinu, fyrir samfélaginu og fyrir sjálfu mannkyninu.

Bahá'u'lláh bað fylgjendur sína einnig að velja sér eina af þremur „skyldubænunum“ til að fara með daglega. Stysta bænin er aðeins þrjár málsgreinar. Hún segir mikið um samband Guðs og manna og hljóðar svo:

Ég ber þess vitni, ó Guð minn, að þú hefur skapað mig til að þekkja þig og tilbiðja. Ég staðfesti á þessu andartaki vanmátt minn og mátt þinn, fátækt mína og auðlegð þína. Enginn er Guð nema þú, hjálpin í nauðum, hinn sjálfumnógi.

Orðið skyldubæn, sem notað er um þessar bænir, lýsir skilningi bahá'ía á því, að mennirnir hafa vissar andlegar skyldur gagnvart Guði. Bahá'u'lláh hvatti fylgjendur sína einnig til að verja tíma til hugleiðslu á hverjum degi. Einkum og sérílagi hvetur hann átrúendurna til að íhuga á hverju kvöldi gerðir dagsins og leggja mat á gildi þeirra.

Bahá'u'lláh mælti ekki fyrir um neina sérstaka hugleiðsluaðferð, svo sem að sitja með krosslagða fætur eða nota sérstaka öndunartækni. Þess í stað er hver maður frjáls að því að velja sér þá hugleiðsluaðferð sem hann kýs.

[Sigurður Rósant, 26.3.2008 kl. 21:09]

Svanur - "Bahá'u'lláh mælti ekki fyrir um neina sérstaka hugleiðsluaðferð, svo sem að sitja með krosslagða fætur eða nota sérstaka öndunartækni. Þess í stað er hver maður frjáls að því að velja sér þá hugleiðsluaðferð sem hann kýs."

Ertu nú ekki aðeins að sleppa smá úr þarna? Mig minnir að Baháíar þurfi að stunda bænir meða handa- og höfuðþvotti svona af og til. Bænir fyrir ferðalög o.s.frv. Margt líkt og muslimar þurfa að gera.

[Svanur Gísli Þorkelsson, 27.3.2008 kl. 00:04]

Sigurður, við erum að tala um hugleiðsluaðferðir í þessu tilviki. Vissulega eru táknrænar hreyfingar hluti af tilbeiðslu og við öfum bænir fyrir margar aðstæður. Já við öndum líka eins og Kristnir .....og múslímar þurfa að gera:)

Hlutir eru ekki greindir í tegundir eftir því hvað þeir eiga sameiginlegt heldur hvað greinir þá að. En þetta veistu Sigurður.

Menningarlegur skyldleiki Bahaia við Íslam er óneitanlegur líkt og  Kristni er skyld gyðingdómi. Reyndar eru öll sematísku trúarbrögðin náskyld.

[Margrét St Hafsteinsdóttir, 27.3.2008 kl. 00:18]

Þetta er áhugavert!  Takk fyrir.

Ég get bætt við einu orði en það er HABIBI sem þýðir elska eða ást. Inda habibi = elskan mín

[Sigurður Árnason, 27.3.2008 kl. 01:30]

Sæll Svanur

Þakka fyrir fróðleikinn, alltaf gaman að vita meira:)

Kveðja Sigurður 

[Sigurður Rósant, 27.3.2008 kl. 10:05]

Þakka þér fyrir að vera háll sem áll í tilsvörum þínum Svanur.

En ég kíkti í Kitáb-i- Aqdas af þessu tilefni og fann miðlungs langa skyldubæn þar sem minnst er á handa- og andlitsþvott samfara bæn.

Í þessari bók Kitáb-i-Aqdas er að finna helstu tilskipanir Bahá´u´llah, eða boð og bönn. Hvar er minnst á hugleiðslu eða hugleiðsluaðferðir í ritum Baháia?

Hvernig skilur þú orðið "skyldubæn"? Geta menn sleppt þessum tveimur lengri og haldið sig einungis við stystu "skyldubænina"? Spyr nú af því að ég veit ekki, Svanur.

[Svanur Gísli Þorkelsson, 27.3.2008 kl. 12:16]

 Sæll Sigurður

Til er þrjár skyldubænir og þú getur valið hverja þeirra þú segir. Skyldubæn þýðir nákvæmlega eftir orðsins hljóðan; það er trúarleg skylda hvers Bahaia að segja eina þeirra á hverjum degi.

Í bahai ritunum er fjallað um hugleiðslu ansi víða, en eins og komið hefur fram er ekki talað um að nein ein aðferð sé betri en önnur. Til eru fjöldi samantekta um efnið jafnvel á íslensku sem hægt er að nálgast á bahai.is.

[Svanur Gísli Þorkelsson, 27.3.2008 kl. 12:32]

Sæl Margrét.

Við bætum Habibi gjarnan við. Takk :)

[Sigurður Rósant, 27.3.2008 kl. 21:21]

"Í bahai ritunum er fjallað um hugleiðslu ansi víða"

Leyfir Baháítrúin að nota svona orð "ansi"?

Þessi spurning er nú svona aðallega til gamans, Svanur.

Ég get ekki fundið neitt um "hugleiðslu" á www.bahai.is . - Síðan er í vinnslu - kemur upp ef maður vill svala forvitni sinni.

Birtu mér einhverja setningu eftir Bahá´u´llah eða Shogi Effendi sem segir eitthvað um hugleiðslu. Hættu þessum flótta frá spurningunni.

Vertu heill í svörum þínum

[Svanur Gísli Þorkelsson, 27.3.2008 kl. 23:43]

 Görðu svo vel Sigurður. Afsakaðu að þetta er á ensku, en eins og ég sagði er hægt að nálgast efni á íslensku hjá bahai bósölunni á Bahai.is

"The inspiration received through meditation is of a nature that one
cannot measure or determine. God can inspire into our minds things that
we had no previous knowledge of, if He desires to do so."
(From a letter written on behalf of Shoghi Effendi to an individual
believer, January 25, 1943: Spiritual Foundations:Prayer, Meditation,
and the Devotional Attitude, op. cit.)

"Prayer and meditation are very important factors in deepening the
spiritual life of the individual, but with them must go also action
and example, as these are the tangible result of the former. Both
are essential."
(From a letter written of behalf of Shoghi Effendi to an individual
believer, May 15, 1944: Ibid)

"Through meditation the doors of deeper knowledge and inspiration may
be opened. Naturally, if one meditates as a Baha'i he is connected
with the Source; if a man believing in God meditates he is tuning
in to the power and mercy of God; but we cannot say that any
inspiration which a person, not knowing Baha'u'llah or not believing
in God, receives is merely from his own ego. Meditation is very
important, and the Guardian sees no reason why the friends should not be
taught to meditate, but they should guard against superstitious or
foolish ideas creeping into it."
(From a letter written of behalf of Shoghi Effendi to an
individual believer, November 19, 1945: Ibid)

"... It is not sufficient to pray diligently for guidance, but this
prayer must be followed by meditation as to the best methods of action
and then action itself. Even if the action should not immediately
produce results, or perhaps not be entirely correct, that does not
make so much difference, because prayers can only be answered through
action and if someone's action is wrong, God can use that method of
showing the pathway which is right."
(From a letter written on behalf of Shoghi Effendi to an individual
believer, August 22, 1957: From a compilation by the Research Department
on behalf of the Universal House of Justice on 'Teaching', p. 18)

[Svanur Gísli Þorkelsson, 27.3.2008 kl. 23:53]

Skúli, ég endurtek;

Taqiyya sem á rót sína að rekja til Shi´a grein Íslam en er nú líkameðtekin og stunduð af öðrum greinum er vísvitandi heimildavilla sem ætlað er að vernda Íslam eða múslíma. Kitman er mildara form af slíkri heimildavillu.

Varðandi  "muta" (orð sem þú ert að kynna til sögunnar núna fyrst) sem er orð yfir tímabundið hjónaband sem ekki ætti að vera neinu nútíma-vestrænu fólki framandlegt, geturðu fræðst um það hér. Muta er bannað samkvæmt Kóraninum.

[Svanur Gísli Þorkelsson, 27.3.2008 kl. 23:56]

Varðandi "hálfblótið" ansi Sigurður, er það púðurlaust skot.

[Sigurður Rósant, 28.3.2008 kl. 22:30]

Þakka þér fyrir greinargóð svör í lokin Svanur.

Ég sé að ég hef ekki nennt að lesa öll þau rit sem komið hafa út á íslensku og tengjast Bahaítrúnni.

En af varnarskrifum þínum að dæma ertu ekki síður muslimur en Baháíi. Kannski Saraþústratrúar líka?

Komdu nú í lið með okkur Skúla og berjumst gegn Islamisma með kjafti og klóm.

[Svanur Gísli Þorkelsson, 29.3.2008 kl. 10:07]

Sigurdur: Ef tu ransakar sogu Bahai truarinnar eru fair truarhopar sem hafa turft ad tola jafn miklar ofsoknir i islamiskum londum. Saraathustratruar folk hefur einng matt tola ofstaeki teirra i margar aldir. Min hugsuna er ekki ad verja illar gerdir muslima hldur ad syna fram a ad illvirki teirra eiga ser ekki uppsprettu i kenningum Muhameds. Zarathustra var vissulega einn af opinberendum Guds.

Skuli. Ter er velkomid ad trua hverju sem tu villt um muslimi og Islam, en haltu tvi sem augljoslega er sprottid af fordomum fyrir sjalfan tig. Ordautskyringar minar her ad ofan eru rettar og ekki er verid ad fela neitt. Hins vegar veit eg ad islamskir ofstaekismenn hafa skrumskaelt merkingu sumra orda og reynt ad rettlaeta ofbeldisverk sin med teirri skurmskaelingu. Lattu ekki glepjast af teim Skuli.

[Sigurður Rósant, 29.3.2008 kl. 11:40]

Svanur - "Min hugsuna er ekki ad verja illar gerdir muslima hldur ad syna fram a ad illvirki teirra eiga ser ekki uppsprettu i kenningum Muhameds."

Illvirki muslima eiga sér uppsprettu í Kóraninum. Veit ekki hvort hægt er að heimfæra þessar tilvitnanir upp á Múhameð eða einhverja nafnlausa fylgjendur hans.

Þessar tilvitnanir koma fram í myndinni "Fitna". Ég get ekki betur séð en að illvirkin eigi sér uppruna þarna og eru kennd börnum og ungmennum í öllum löndum muslima.

Allar útskýringar þínar um að þessi hótunarorð hafi verið ætluð einhverjum sérstökum andstæðingum Múhameðs eða muslima á hans dögum, eru mjög ótrúverðugar. Muslimar og Islamistar nota þessar tilvitnanir í dag gegn þeim sem ganga í þeirra gildrur.

[4.56] (As for) those who disbelieve in Our communications, We shall make them enter fire; so oft as their skins are thoroughly burned, We will change them for other skins, that they may taste the chastisement; surely Allah is Mighty, Wise.

[47.4] So when you meet in battle those who disbelieve, then smite the necks until when you have overcome them, then make (them) prisoners, and afterwards either set them free as a favor or let them ransom (themselves) until the war terminates. That (shall be so); and if Allah had pleased He would certainly have exacted what is due from them, but that He may try some of you by means of others; and (as for) those who are slain in the way of Allah, He will by no means allow their deeds to perish.

[4.89] They desire that you should disbelieve as they have disbelieved, so that you might be (all) alike; therefore take not from among them friends until they fly (their homes) in Allah's way; but if they turn back, then seize them and kill them wherever you find them, and take not from among them a friend or a helper.

[8.39] And fight with them until there is no more persecution and religion should be only for Allah; but if they desist, then surely Allah sees what they do.

[Svanur Gísli Þorkelsson, 29.3.2008 kl. 20:25]

Sæll Sigurður Rósant.

Fyrst að mínar útskýringar duga svona skammt þá er best að heyra þínar.

Varðandi Súru 4.56. Hvaða eldur brennir skinnið þannig að hægt sé að klæða viðkomandi nýju skinni? Hvaðan kemur nýja skinnið? Er mögulegt að  hér sé verið að tala á metaforískum nótum?

Sigurður ritar "Mislimar og Islamistar nota þessar tilvitnanir í dag gegn þeim sem ganga í þeirra gildrur."  Það eru ekki einungis fáfróðir bókstafstrúarmenn múslíma sem ganga í gildur "Íslamista" heldur einnig þeir sem ekki eru múslímar en eru að reyna að skilja Íslam. Túlkun "Íslamista" er afar bókstafleg og ætluð til að æsa upp múslíma í pólitískri baráttu um auðlindir austurlanda. Nærtækt og talandi dæmi er það sem er að gerast í Basra þessa dagana.

Varðandi Súru 47.4. Hversvegna eiga múslímar að gæta þess að deyða ekki óvinina heldur taka þá til fanga setja þá síðan frjálsa eða gefa ættingjunum kost á að leysa þá úr ánauð fyrir gjald. Hversvegna ekki að drepa þá eins og siður var og éta úr þeim lifrina eða gera þá að þrælum til lífstíðar eins og víða tíðkaðist um hertekið fólk á þessum tíma.

Varðandi Súru 4.89. Hversvegna átti að leyfa njósnurum frá Mekka að koma til Medína, njósna þar um hagi múslímana og snúa svo aftur óáreittir til Mekka og selja þar upplýsingar sínar óvinum Múhameðs? Og hversvegna átti að treysta þeim mönnum aftur?

Varðandi Súru 8:39. Hversvegna áttu múslímar ekki að hafa leyfi til að verjast þeim sem ofsóttu þá? Hversvegna áttu þeir ekki að hafa rétt til að stunda trúboð og láta Guði það eftir ef viðkomandi vildi ekki taka trú þeirra?

[Sigurður Rósant, 29.3.2008 kl. 21:32]

Þessi vers viðkomandi súra hafa engin skilaboð til nútímamannsins. Gallinn við þessi "heilögu rit" virðist mér sá, að það teljast helgispjöll að uppfæra þau.

Geert Wilders stingur upp á því í lok stuttmyndar sinnar "Fitnah" að muslimir fjarlægi þá ritningarstaði úr Kóraninum sem hafa að geyma þessar hótanir í garð Gyðinga, kristinna og vantrúaða. Mér finnst það mjög góð og málefnalegt innskot í þessi deilumál um Kóraninn.

Tímasóun að reyna að verja þetta á þann máta sem þú gerir, þó ég skilji að þú viljir vel.

[Svanur Gísli Þorkelsson, 29.3.2008 kl. 21:48]

Bahai trúin er uppfærslan :)

[. (IP-tala skráð) 31.3.2008 kl. 18:39]

Flottur pistill og skemmtilegar umræður.

Bendi á að Hazrat er einnig titill og minnir mig að hann hafi verið "Hans Heilagleiki" eins og í Hazrat'i'Bahá'u'lláh eða Hans Heilagleiki Bahá'u'lláh.  

[. (IP-tala skráð) 31.3.2008 kl. 18:48]

Svanur, hvar lærðirðu öll þessi orð? Ertu eitthvað að stúdera arabísku?

[Svanur Gísli Þorkelsson, 31.3.2008 kl. 19:01]

Sæll Jakob. Ekki Arbísku en Farzi eða persnesku sem inniheldur mörg arabísk orð.

[Svanur Gísli Þorkelsson, 31.3.2008 kl. 19:14]

Sigurður Reit:"

Geert Wilders stingur upp á því í lok stuttmyndar sinnar "Fitnah"að muslimir fjarlægi þá ritningarstaði úr Kóraninum sem hafa að geyma þessar hótanir í garð Gyðinga, kristinna og vantrúaða. Mér finnst það mjög góð og málefnalegt innskot í þessi deilumál um Kóraninn."

Hverskonar málsflutningur er þetta Sigurður. Því er haldið fram í sömu andrá að múslímar réttlæti gjörðir sínar með tilvitnunum í Kóraninn sem síðan eru fjarlægðar. Og þetta finnst þér gott og málefnalegt innlegg????