Sarah Fergsuson lætur plata sig

Eins og sést á þessu myndandi hér, sem sýnir Söru Ferguson hertogaynju bjóða kaupsýslumanni aðgang að Andrew Bretaprinsi fyrrum bónda sínum og viðskiptatengslum hans fyrir hálfa milljón punda, er konan ekki með sjálfri sér. Sjálf segist húnn hafa verið drukkin en það er eitthvað afar einkennilegt við hegðun hennar. Hún drafar og nýr saman höndunum og lætur eins og hún sé að leika hlutverk í lélegri kvikmynd. Hinsvegar leikur leyniþjónustumaðurinn hlutverk sitt mjög vel.

 

 

Kennir eigin heimsku og skuldum um

Egyptaland opnar landamæri sín að Gaza strönd

Egyptaland hefur brugðist við atburðum síðast liðins sólarhrings með því að opna landmæri sín við landamærastöðina Rafah. Rafah er eina landamærastöðin inn í Gaza sem ekki er líka stjórnað af Ísraelsmönnum. Egyptaland hefur tilkynnt að landamærin munu verða opin um ótilgreindan tíma.

Fram að þessu hefur landamærastöðin verið að mestu lokuð vegna þess að stjórnarandstöðuflokkurinn í Egyptalandi er talin hafa náin tengsl við Hamas sem náðu völdum á Gaza fyrir þremur árum.

„Alþjóðlegur glæpur Ísraels“

Klúðrið um borð í Mavi Marmara

Þá byrjar fjölmiðladansinn fyrir alvöru. Ísraelsmenn vita að árásin var klúður en reyna samt hvað þeir geta til að réttlæta aðgerðir sínar.

En þeir gæta þess um vel leið, til að byrja með a.m.k. að engir fjölmiðlar komist í tæri við þá sem voru um borð í skipinu. Þannig verður það á meðan það versta blæs yfir.

Fjöldi þjóða hefur þegar fordæmt árásina á skipið en um borð voru að mestu leyti Tyrkir en einnig farþegar af öðrum þjóðernum eins og lesa má um hér.

Árásin mistókst

"Floti haturs" stöðvaður - stutt yfirlit

Meðlimir öryggisráðs Sameinuðu Þjóðanna hafa fordæmd gjörðir Ísraela áður en ráðið sjálft hefur fundað um málið, eftir að ráðist var á skipið Mavi Marmara sem sigldi ásamt nokkrum öðrum skipum með hjálpargögn til Gaza. Sumir, þ.á.m. neitunarvaldshafar eins og Frakkar, Rússar og Kínverjar hafa kallað eftir því að herkví Ísraela um Gazaströnd verði aflétt.

A.m.k. níu andófsmenn um borð í Mavi Marmara,  sumir hverjir tyrkneskir, létu lífið í átökum við ísraelska hermenn þegar þeir réðust um borð í skipið sem statt var á alþjóðlegri siglingaleið.

Flotin, sem talsmaður Ísraelsstjórnar kallaði "flota haturs," samanstóð af þremur vöruflutningaskipum og þremur farþegaskipum.

Dauðsföllin urðu um borð í Mavi Marmara sem er farþegaferja, eitt af þremur skipum frá Insani Yardim Vakfi (IHH) . IHH eru tyrknesk hjálparsamtök sem njóta mikils stuðnings stjórnarflokksins í Tyrklandi en eru bönnuð í Ísrael vegna tengsla sinna við Hamas og al-Qaeda.

Hin skipin eru frá Free Gaza Movement sem eru alþjóðleg regnhlífarsamtök fyrir andófsfólk sem styður Palestínuaraba. Um borð í þeim skipum var ýmis varningur; sement, hjólastólar, pappír, og vatnshreinsunarefni svo dæmi séu nefnd.

Um borð í farþegaskipunum voru meira en 700 farþegar, aðallega frá Tyrklandi en einnig frá Bandaríkjunum, Kanada, Grikklandi, Belgíu, Írlandi, Svíþjóð, Bretlandi, tveir blaðamenn frá Ástralíu og tveir þingmenn  frá þýskalandi.

Í Tel Aviv, sagði talsmaður Ísraelska sjóhersins sem stjórnaði aðgerðunum að hermenn hefðu farið um borð í fimm skip en aðeins mætt mótspyrnu í  Mavi Marmara.

Þeir sem skipulögðu flotann fullyrða að meira en 30 mans hafi særst. Ísraelsmenn segja að tíu hermenn hafi særst og þar af einn mjög alvarlega.

Ísraelsmenn hafa fært skipin til hafnar í hafnarborginni Ashdod.

Tyrkneski utanríkisráðherra hefur kallað gjörðir Ísraelsmanna "morð á vegum ríkisins".

Talmaður Ísrael hjá sameinuðu þjóðunum segir að hermennirnir hafi snúist til varnar þegar á þá var ráðist. Þessu neita andófsmenn.

Særðir andófsmenn hafa verið fluttir á sjúkrahús í Ísrael, 12 þeirra hafa verið handteknir en aðrir bíða þess að verða vísað úr landi.

Ísrael hefur komið á upplýsingabanni í tengslum við atburðina sem gerir það erfitt að fá upplýsingar frá fyrstu hendi um þá.

Um borð í skipunum voru um 10.000 tonn af hjálpargögnum en ætlunin var að landa varninginum á Gaza strönd sem Ísrael hefur haft í herkví í meira en þrjú ár.

Flestir andófsmannanna sem létu lífið voru Tyrkneskir. Tyrkland hefur haft sig mest í frammi við að mótmæla gjörðum Ísraela.

Líklegt er að þessir atburðir hafi mikil diplómatísk eftirköst fyrir Ísrael. Þrýstingurinn á að enda herkvína um Gaza mun aukast, bæði frá samherjum Ísraela og óvinum þeirra.

Það sem eftir var af sambandi Ísraels við Tyrkland hefur beðið mikinn hnekki. Tyrkland hefur hingað til verið í lykilhlutverki við að miðla málum meðal Íslamskra ríkja og Ísrael. Ólíklegt er að þau samskipti haldi áfram í bráð.

Spurningin er hversu mjög Bandaríkin munu reyna að útvatna sín viðbrögð. Samband þeirra við Ísrael hefur verið frekar stirt upp á síðkastið. Viðræðurnar sem þeir hafa stýrt milli Palestínu og Ísrael munu líklega halda áfram, þótt yfir þær hafi óneitanlega fallið dimmur skuggi.

Talmaður utanríkisráðuneytis Bandaríkjanna  Philip Crowley sagði um atburðina að Bandríkin hörmuðu mjög þau líf sem höfðu glatast en að búist væri  fastlega við fullri og marktækri rannsókn Ísraela á atburðinum.

Sakar Ísrael um hryðjuverk

Heimskuleg hugmynd?

Íslenska ríkið (við) eigum 81% af Landsbankanum. Við höfum grætt 8,3 milljarða á honum fyrsta fjórðung ársins og talsvert í viðbót í formi skatta. Landsbankinn er góð mjólkurkú, engin vafi.

Nú þarf einhver snjall að reikna út hversu marga miljarða í viðbót Landsbankinn (við)  þarf að græða svo ekki þurfi að selja á nauðungarsölu ofan af fólki sem á sínum tíma fékk lán og getur ekki borgað vegna atvinnumissis eða stórkostlegra hækanna erlendra myntlána í kjölfar hrunsins.

Og svo þarf einhverja aðra eldklára manneskju til að útskýra fyrir mér hvers vegna það er alls ekki hægt að gefa fólki eftir skuldir (sem það í raun efndi ekki til)  en  hneppa það frekar í ævilangt skuldafangelsi ef það vill eiga þak yfir höfuðið.

Eru þessir aurar ekki okkar sameiginleg eign?

Og er hægt að nota þá í eitthvað þarfara?

8,3 milljarða hagnaður Landsbanka

Allt í plati, he he.

Af ummælum Dags og þeirra félaga Jóns og Óttars má ráða að stefna Besta flokksins og Samfylkingar eigi mikla samleið. Stefna samfylkingarinnar hefur verið birt og gefur því góðar vísbendingar um stefnu Besta flokksins þótt ekki hafi þeir viljað birta hann kjósendum fyrir kosningar. 

Jón vill t.d  feta gömlu leiðina og mynda meirhluta og meinti greinilega ekkert með þessu tali um að ekki væri endilega nauðsynlegt að mynda meirihluta til að fara með mál borgarinnar.   

Allt í plati, he he.

Það læðist að manni sá grunur að hér kunni að vera á ferðinni best útfærða og útsmognasta pólitíska gabb-flétta allra tíma á Íslandi. 

Fólk verður að vera ansi múlbundið við flokksvagnana til að sjá ekki að það eru bein tengsl á milli Búsáhaldabyltingar og kosningasigurs Besta flokksins í Reykjavík.

Búsáhaldabyltingin var ákall um grundvallarbreytingar á stjórnarháttum í íslensku samfélagi.  Stjórnmálamönnum var gefið tækifæri til að verða við því ákalli fyrir og eftir síðustu alþingiskosningar.

Þrátt fyrir raunhæfar ábendingar um ýmsar úrbætur eins og að koma á persónukjöri og efna til stjórnlagaþings, ákváðu valdhafar að hafa ákallið að engu.

Allt í plati, he he.

Fáránleg viðbrögð stjórnmálmanna við kröfum almennings urðu til þess að hann ákvað að svara í sömu minnt. Svar Búsáhaldabyltingarinnar var að mæta fáránleikanum með fáránleika og fann hann í  andófsframboði Besta flokksins.

Nú virðist sem Jón Gnarr hafi raunverulega alltaf verið að segja sannleikann þegar hann sagðist hafa stofnað Besta flokkinn til að fá völd og góð laun.

Allt í plati, he he.

Opinberir leynifundir

Bye Bye Blackbird

Það gengur bara nokkuð vel að flæma atvinnu-pólitíkusana burtu af Alþingi. Allir eru þeir skilgetin afkvæmi löngu úreltra pólitískra flokka og uppeldi þeirra er eftir því.

 Allar tilraunir til að endurbæta gamla fjórflokkinn hafa mistekist og eru dæmdar til að mistakast. Félagsleg sundurþykkja og persónulegt framapot er harðkóðað í eðli þeirra.  

Þeir geta ekki annað en verið það sem þeir eru, nátttröll að morgni sólríks dags.

(Merkilegt annars hvernig pólitíkusar þráast við að skilja gefin skilaboð. Þeir virðast vera til í allt, jafnvel að taka grínframboð alvarlega svo fremi sem það þýðir að þeir geti komist til valda.)

En þeir klárustu skynja tímanna tákn, kyngja stoltinu og taka pokann sinn.

Segja má að þeir séu fórnalömbin sem verður að fórna á altari hins Nýja Íslands sem er smá saman að rísa úr öskustó hrunsins. Fyrstu sprota hins nýja meiðs má greinilega sjá í úrslitum bæjarstjórnarkosninganna í Reykjavík og á Akureyri.   

Breytt tungutak breytir ekki innri gerð þinni eins og Steinunn Valdís virðist halda.

Þeir sem enn binda trúss sitt við fjórflokkinn, gera það á sömu forsendum og þeir halda með fótboltafélaginu sínu, sama hversu illa því gengur.

Það kallast tryggð á íslensku.

Að halda tryggð við flokkinn sinn er talið lofsvert.

En aðeins fyrir fylgjendur hans, ekki endilega fyrir þá sem leiða hann. Þeir mega gjarnan skipta um flokk og gera það oft. Alveg eins og í fótboltanum. 

Bye Bye Blackbird

Pack up all my care and woe
Here I go swingin' low
Bye, bye, black-bird

Where somebody waits for me
Sugar's sweet, so is she
Bye, bye, blackbird

No one here can love or understand me
Oh, what hard luck stories they all hand me

Make my bed and light the light
I'll be home late tonight
Blackbird, bye, bye

Pack up all my care and woe
Here I go swingin' low
Bye (bye), bye (bye) blackbird (duoo-duoo-duoo-duoo-duoo-duoo)

Where somebody waits for me
Sugar's sweet, so is he
Bye (bye), bye (bye) blackbird (duoo-duoo-duoo-duoo-duoo-duoo)

No one here can love or understa-a-and me (ah-hah-hah)
Oh, what hard luck stories they all ha-a-and me (ah-hah-hah)

Make my bed and light the light
I'll be home late tonight
Blackbird

Make my bed and light the light
I'll be home late tonight
Leave your perch and take the sky
Too-da-loo, (farewell) bye, bye
Blackbirrrd, go take a fly oh little blackbird, bye

Make my bed and light the light
I'll be home late tonight
Blackbirrrrd, bye bye

Þingmenn breyti tungutaki

Óbærilegur léttleiki tilverunnar í Reykjavík

Hvað tekur nú við, hugsa eflaust margir eftir að söguleg úrslit í borgarstjórnarkosningunum urðu ljós á sunnudagsnótt.

Eflaust fljúga brandararnir vinstri hægri í samningarviðræðunum við Samfylkinguna og Besta flokks fólk gerir sitt ýtrasta til að halda gríninu áfram, eins og því ber skylda til. Til þess voru þau kosin. 

Eitt er víst að Jón Gnarr fær borgarstjórastólinn og  mun sitja á honum með fulltingi Dags og Samfylkingar. Saman mynda Besti flokkurinn og Samfylking meirihluta. Hlutverk þeirra verður að bræða saman ábyrga gamaldags stjórnarhætti og óbærilegan léttleika tilverunnar.

Utangarðs verður Sjálfstæðisflokkur og VG. Saminingaviðræður standa yfir um hvernig málflokkum borgarinnar verður skipt á milli flokkanna. Enn sem komið er bendir ekkert til að miklar breytingar á stjórnarháttum séu í aðsigi. Fram að þessu hefur allt farið fram með hefðbundnum hætti. Yfir samningaviðræðunum hvílir sama leyndin og venjulega. Það væri nú of langt gengið að þær færu fram fyrir opnum tjöldum.

Auðvitað veit enginn hvað Jón Gnarr er að hugsa. Hann hagar sér eins og venjulegur pólitíkus, nema að honum er mikil alvara í að halda gríninu til streitu. Á það eitt getum við stólað.

Er ekki lífið yndislegt?

Besti og Samfylking ræða saman

Hvað ef Spánn hefði unnið?

Lag sem er númer tvö á svið  í júró keppninni hefur aldrei unnið. Spánn var einmitt númer tvö. Svo kom Jimmy Jump, sem ég hélt til að byrja með að væri einn af fígúrunum sem fylgdu spánska söngvaranum.

Uppákoman verður til þess, í fyrsta sinn í júró sögunni að ég held, að lag er flutt tvisvar á meðan öll önnur heyrast aðeins einu sinni.

Hvað hefði gerst ef spánska lagið hefði unnið. Allt orðið vitlaust spái ég. Þeir fengu að flytja lagið sitt tvisvar og áttu þannig síðasta orðið.

Eins gott að þeir fengu bara jafn fá stig og venjulega.

Smyglaði sér á sviðið

The Monster raving looney party systurflokkur Besta flokksins

Brandarakallar hér í Bretlandi kalla ekki allt ömmu sína þegar kemur að því að blanda gríni og þjóðfélags gagnrýni. Monty Python gengið og Sacha Baron Cohen eru nærtækustu dæmin um skemmtikrafta sem hafa náð að hreyfa við samfélaginu með skopi. -

En engin hinna frægu spéfugla Breta hefur nokkru sinni þorað að setja saman pólitískt framboð. En ef hægt er að tala um að Besti flokkurinn eigi sér systurflokk í Bretlandi væri það helst The Monster raving looney party.

Flokkurinn er alvöru grínflokkur, vettvangur fyrir grínara og spaugara sem bjóða fram bæði til alþingiskosninga og sveitarstjórna, þar sem  einhver (hver sem er) vill fara fram. Engin þeirra hefur fram að þessu nokkru sinni hlotið kosningu.

Það er eins og margir haldi að allt í einu hætti grínframboðið að vera grín og einhver alvara taki við. Það mundu vera mikil svik við kjósendur ef það gerðist.

Það er alveg klárt að Besti flokkunin er grín og ætlar að stjórna með gríni. Þannig á það að vera. Grínið er best og það á heima í besta flokknum.

Alvaran er hundleiðinleg og óheiðarleg þar að auki.

Og hver segir að ekki sé hægt að stjórna litlu sveitarfélagi á borð við Reykjavík með gríni? Sérstaklega þegar tekið er tillit til þess að það sem hefur verið að gerast og átti að vera alvara, var bara skoplegt.

Sigur Besta flokksins vekur athygli

Stútaði Jón Gnarr fjórflokknum

Það var grátbroslegt að hlusta á formenn og oddvita þingflokkanna í beinni útsendingu á kosninganóttu. Afneitunin skein út úr öllu sem þeir sögðu. Afneitunin á að eitthvað hafði gerst íslenskum stjórnmálum sem gæti skipt verulegu máli fyrir framtíð landsins.

Jú, Jóhanna talaði reyndar um að hún sæi eitthvað skrifað á vegginn, eða "upphaf endalokana fyrir fjórflokkinn" sem gæti jú alveg verið satt.  Birgitta var greinilega með á nótunum þegar hún útskýrði fyrir hinum að ástæðan fyrir því að Jón Gnarr segði lítið og léti ekkert uppi um ætlanir sínar væri af því hann talaði eins og þeir sjálfir. Þeir urðu hálf kindarlegir við að heyra það.

Framsóknardrengurinn og  Sjálfstæðisstrákurinn og Vinstri grænn stukku beint ofaní skotgrafirnar um leið og þeir fengu tækifæri til og byrjuðu að haga sér nákvæmlega eins og fólk er að gagnrýna þá fyrir  með stuðningi sínum við Jón Gnarr. Niðurstöður kosninganna á Akureyri og í Reykjavík virkuðu á þá eins og pirrandi sísuðandi húsfluga sem ekki fer í burtu þótt þeir veifi af og til hendinni í áttina að henni. Þeir neita að taka hana alvarlega og kannski geta þeir það ekki.

Allir foringjarnir nema kannski Birgitta virðast ekki vera búnir að fatta hvað er að gerast í íslenskri pólitík. Fái sjónamið þeirra að ráða,  er borin von um að nokkuð komi til með að breytast í bráð meðal fjórflokkanna.

Bæði Framsókn, Sjálfstæðismenn og Vinstri grænir tala jafnvel um um sigra hér og hvar á landinu. Þeir bera sig vel.

 Fólk á Akureyri og í Reykjavík hefur hafnað flokksræðinu. Næsta verkefni andófsfólksins er að breiða Gnarrisman út um landið svo hann finni sér leið inn í landspólitíkina. Stjórnmálaflokkarnir verða að fatta að þeir eru steingervingar, tímaskekkja sem á að leggja niður í núverandi mynd.

Einhverjir þeirra hugsa sem svo að stjórnlagaþing og breytt kosningalög sem leyfi einverja útgáfu af persónukjöri muni virka eins og snuð upp í almenning. Þeim má ekki verða kápan úr því klæðinu, sérstaklega af því að ætlunin er að handstýra stjórnlagaþinginu með dyggum flokkshestum og í breyttum kosningalögum er áfram gert ráð fyrir flokka og lista vali.

Eini möguleikinn fyrir Ísland til að rétta fljótt úr kútnum fljótt og vel, er að losa sig algjörlega við áhrif fjórflokksins. Hann er krabbameinið sem þarf að fjarlægja svo þjóðarlíkamanum geti batnað. - Gott fólk sem vill leggja eitthvað af mörkum til samfélagsins ættu að koma til liðs við Jón Gnarr í öðrum sveitarfélögum og undirbúa framboð á landsvísu í næstu alþingiskosningum sem gætu orðið mun fyrr en fólk almennt grunar.

Besti flokkurinn stærstur

Fjórflokkarnir enn og aftur í naflaskoðun

Viðbrögð oddvita framboðanna í Reykjavík við fyrstu tölum eru um margt athyglisverðar.

Dagur segir skilaboðin vera skýr, fólk vilji breytingar. Hverju Dagur ætlar að breyta til að koma á móts við vilja fólksins er samt mikið spursmál. Naflaskoðun fjórflokkanna hefur ekki haft tilætluð áhrif, enda sömu gömlu naflarnir sem þeir rýna í.

Hann Birna er aftur á móti mjög kokhraust kona. Stórsigur Sjalla í höfn segir hún og fær mikið klapp frá klappstýrum flokksins. Mikil aukning frá því í alþingiskosningum þótt gengi flokksins í Borgarstjórnarkosningum hafi aldrei verið slakari. Hún þarf sem sem engu að breyta, stefna flokksins góð og gild og allt það. Hún segist jafnframt eiga fullt erindi í borgarstjórn.

Vinstri grænir skilja ekki neitt í neinu og segja niðurstöðurnar, koma virkilega á óvart, þrátt fyrir allar skoðanakannanirnar upp á síðkastið sem sýndu að þetta væri að gerast. 

Jón Gnarr segist hafa mikið að skoða. Hans bíða langar setur í rólegheitunum til að fara yfir stöðuna og allt og kannski ekkert kemur til greina. Verst að staðan er svona súrrealísk því Jón veit ekkert um súrrealisma eða kattasmölun. 

 

„Glaður og sáttur“

Fúll yfir gengi Íslands

Graham Norton breski BBC þulurinn náði ekki upp í nefið á sér af gremju yfir lélegu gengi Íslands.  Þýskaland  búið að vinna en Írland, Ísland og UK, allt lönd sem sitja eftir með sárara enni en flestar aðrar þjóðir. Miðað við hvernig kosningin fór  er afar slæmt að við eigum ekki landamæri við nokkuð annað land. Svíþjóð meira að segja hafði okkur að engu.

Lítið af stigum í Eurovision

Allir stóðu á fætur

Tvisvar hefur allt fólkið í salnum í Osló staðið á fætur til að fagna flutningi. Fyrst þegar írska dívan flutti lagið fyrir Írland og svo þegar að Hera Björk lauk sínu lagi.

Góð vísbending um framhaldið það.

Allt gekk eins og í sögu

Hera á góðan sjens í kvöld

Eftir að hafa eytt morgninum í að vafra um allar helstu júróvisjón netsíðurnar er útkoman sú að Hera Björk á verulega möguleika á að vinna keppina í ár.

Hún virðist sækja mest á og ef meðbyrinn helst, sérstaklega ef norðlöndin standa sig vel gagnvart Íslandi og fara ekki að sóa atkvæðunum á Danmörk eða Noreg mun Hera verða í fyrstu þremur sætunum. 

Flest stigin munu koma frá Svisslandi, Frakklandi, Bretlandi, Írlandi, Belgíu og  Hollandi. Vel má vera að Pólland og Þýskaland gefi Íslandi líka háu tölurnar.

Auðvitað mun austurblokkin gefa Armeníu og Azerbaijan mestan stuðning.  Óvissan er mest um atkvæði Möltu, Tyrklands, Ísrael og Ítalíu. Líklega falla stig þessara þjóða á mismunandi keppendur og koma til með breyta litlu til eða frá með þrjú fyrstu sætin.

Sem sagt, Hera á virkilegan góðan sjens í kvöld.

Átta lönd talin berjast um sigur

Verður Jón Gnarr næsti forseti Íslands

Það þykkir sýnt að Jón Gnarr mun vinna glæsilegan kosningasigur í kvöld. Borgarstjórastóllinn verður hans. Til hamingju með það Reykjavík. En hví skyldi Jón Gnarr láta þá forfrömun nægja.

Jón er ástsælasti maður landsins um þessar mundir, rétt eins og Jóhanna Sigurðardóttir var það þegar hún tók við forsætisráðherra embættinu forðum.

Jón getur ef hann vill, boðið sig fram til hvers sem er og fengið kosningu. Honum mundi ekki verða skotaskuld úr að koma nokkrum þingmönnum á þing og gerir það eflaust í næstu kosningum.

 Honum mundi takast það sem Hreyfingunum báðum mistókst.

Nú styttist einnig í forsetakosningar. Enginn líklegur kandídat í það embætti er sjáanlegur, nema auðvitað Jón Gnarr. - Mikið yrðu veislurnar á Bessastöðum skemmtilegri með Jón sem veislustjóra og áhugi fólks fyrir embættinu mundi stórlega aukast, að ekki sé talað um virðinguna.

Það er gömul regla í skemmtanabransanum á Íslandi að vegna fæðar landsmanna, verða þeir sem ná vinsældum að hamra járnið á meðan það er heitt og reyna að kreista allt sem hægt er út úr atriðinu, áður en fólk fær leið á því. 

Nú hefur Gnarr tækifæri til að tryggja sér sess meðal þjóðarinnar allrar til langframa. Hann gæti byrjað að undirbúa forsetaframboð sitt, en  hver veit hvað það kynni að leiða til ef hann hlyti kosningu.

The sky is the limit.

Oddviti Besta flokksins kaus í Ráðhúsinu

Hætt við spennufalli

Annað kvöld verður spennandi. Júróvisjón spennan nær hámarki og kosningaúrslitin strax þar á eftir. Hætt við að spennufíklar brenni yfir.

 Fyrst er spenningurinn í hvaða sæti Hera lendir og svo hvað marga borgarfulltrúa Besti flokkurinn fær, sex, sjö eða átta. Allt getur gerst!

Hvað júró snertir segja veðbankar segja Azerbaijan vinni, júró fíklar Armenía, forkannanir Þýskaland, enda þýska lagið verið á toppnum þar í landi í nokkrar vikur. Sum þessara laga eru fín en illa sungin.

Önnur eru ekkert sérstök en vel sungin. Og þá eru þau sem eru bæði góð og vel sungin en framsetningin á þeim ekkert sérstök.

Eiginlega er þetta alveg eins í stjórnmálunum.

Vill hvítflibbafangelsi

Hera Björk í fyrstu setningu!

Bretar ætla greinilega að standa við sitt og styðja Ísland. Útsendingin á öðrum hluta undanúrslitana var varla hafin þegar að þulur BBC hóf að hæla Heru Björk sem hvergi kom þó beint við sögu í þeirri útsendingu.

Annars eru Bretar almennt merkilega súrir út í Júróvisjón. Ég held að ég þekki ekki hræðu sem sýnir keppninni einhvern áhuga. Bresku sjónvarpsþulirnir vita greinilega af þessu óþoli almennings og tala um allt og alla (nema Heru Björk) eins og þeim finnist þetta allt hálf hallærislegt.

Þeir lesa jafnóðum upp tölvupósta sem þeir fá frá áhorfendum og þeir eru allir á sömu leið, tómar blammeringar.

Einn þeirra sagði að hundurinn hefði hlaupið ýlfrandi út úr stofunni þegar að sá ísraelski hóf upp raust sína.

Um danska lagið varð þulnum tíðrætt um vindvélina sem sett var í gang í seinni hluta lagsins, hve söngvarinn væri "stór í Rússlandi" og að hann liti út eins og  markmaður.

Er andi í glasinu?

Draugaveiðarar og (fjöl) miðlar fjölmenna nú til The New Inn í Gloucester. Ástæðan er sú að fyrir fáeinum dögum tóku sjálfvirkar öryggismyndavélar staðarins myndir af ölglasi sem fer af stað af sjálfdáðum að því er virðist og skellur á gólfinu eins og sjá má hér. 

Myndbandið er talið vera óbreytt.

Þrátt fyrir nafnið er "The New Inn" alls ekki ný krá. Húsið var upphaflega byggt á 14 öld til að hýsa pílagríma sem komu til að heimsækja gröf Eðvarðs konungs II  sem er í dómkirkju staðarins.

Eigendur krárinnar halda því fram að reimt sé í kránni og að óútskýranlegir atburðir séu þar daglegt brauð.

Kráin býður enn upp á gistingu en þetta kvöld sem andinn hljóp í glasið var verið að undirbúa spurningakeppni á barnum. Við sjáum hvernig spurningakeppnisstjórinn setur glas sitt fullt af bjór niður á borð og fer síðan burtu. Eftir skamma stund hendist það af stað út af borðinu og mölbrotnar á gólfinu og gestirnir stara á í forundran.

PS. Eitthvað finnst mér fámennt á spurningarkeppniskvöldinu. En það er fátt sem trekkir meira en krassandi draugasaga.

Skot í augað

Eitt sinn gekk sú saga að læknastúdentar hefðu fundið upp aðferð til að drýgja vín með því að sprauta því beint í æð. Það kann vel að vera flökkusaga.

Í Skotlandi,  (Skotar kalla ekki allt ömmu sína þegar kemur að drykkjuleikjum) tíðkaðist það fyrir mörgum árum að hella kanilblönduðum Vodka í auga sér, sem hlýtur að hafa verið óhemju sársaukafullt. Sem betur fer lagðist sá leikur af mjög fljótlega.

Nú berast þær fréttir að þetta gamla trix hafi verið endurvakið í Bandaríkjunum þar sem gengilbeinur á börum hafi byrjað að hella óblönduðum Vodka í augu sér til að auka við þjórfé sitt.

Síðan hafi kaldir kallar sem spiluðu ruðning fyrir háskólanna byrjað að mana hvern annan til að prófa og nú sé þessi ósiður orðinn vinsæll drykkjuleikur meðal unglinga þar í landi.

Afleiðingarnar láta ekki á sér standa. Að verða blindfullur fær hér nýja merkingu.

 

 

Hættulegur drykkjuleikur nær vinsældum