11 bestu setningarnar um Icesave

Hverjir komast best að orði við að tjá hug sinn og tilfinningar til Icesave? Um það eru sjálfsagt deildar meiningar og fer niðurstaðan eflaust í flestum tilfellum eftir því hvort þú ert með eða á móti, sammála eða ósammála þeim sem talar eða ritar. 

Sigmundur Davíð Gunnlaugsson, formaður Framsóknarflokksins, er einn þeirra sem oft reynir að enduróma vinsælar skoðanir, en allir sem til hans þekkja vita að hann er fyrst og fremst lýðskrumari. Fréttin mbl.is hér að neðan er talandi dæmi um það.   

Ég hef tínt saman nokkur ummæli sem mér fundust annað hvort kjarnyrtust eða dæmigerðust fyrir umræðuna eins og hún kemur mér fyrir sjónir.  Hér á elleftu stundu koma ellefu bestu setningarnar um Icesave; 

1. Froðufellandi af reiði og gnístandi tönnum ætla ég því að merkja við JÁ á kjörseðlinum á laugardaginn kemur. 

Hörður Sigurðsson á facebook

2. Gerum mannkyninu greiða og segjum nei.

Sigurður Högni Sigurðsson á Facebook

3. Eftir myndum að dæma af því fólki sem, NENNIR ekki, að seja NEI sýnist mér þetta fólk allt vera framapotarar, á spena íslenskra skattgreiðenda og eða í biðstöðu um að ESB samþykkir að setja okkur á spena þýskra skattgreiðenda.

Guðrún Norberg á Facebook

4. Samkvæmt annálaskrifum voru íslensk börn seld í ánauð til námuvinnu á Bretlandseyjum á fimmtándu öld.

Egill Ólafsson í auglýsingu

5. Ef Íslendingar hafna Icesave-samningnum í þjóðaratkvæðagreiðslunni 9. apríl blasa grafalvarlegar afleiðingar við þjóðinni.

Jón Gnarr á blaðamannfundi í Vín

6. Þurfti maður að vera fábjáni til að halda að Íslendingar, með sitt örsmáa hagkerfi, hefðu fundið upp einhvern fjármálagaldur? Ja, maður þurfti í það minnsta að vera dálítið illa gefinn.

David Ruffley, þingmaður breska íhaldsflokksins í ræðu í breska þinginu 
 

7. Þeir sprikla í netinu, Icesave-sinnarnir. Það liggur við að maður vorkenni þeim...

Jón Valur Jensson á bloggsíðu sinni.

8. Ávinningurinn af því að samþykkja samninginn á móti áhættunni og kostnaðinum af því að bíða eftir niðurstöðu er slíkur að ég kýs með Icesave III með hagsmuni barnanna minna í huga.

Þórhallur Hákonarson á Vísi.

9. Menn verða að hafa bein í nefinu til að vera óvinsælir.

Tómas Ingi Olrich, fyrrum þingmaður, ráðherra og sendiherra á Vísi.

10. The agreement should also help unlock remaining program bilateral financing and bolster market confidence in Iceland.

Úr skýrslu AGS

11. Og Íslendingar húka fastir á vanskilaskrá heimsins. En með prinsippin á hreinu.

Guðmundur Andri Thorsson í Vísi

Gengur gegn lýðræðinu

Athugasemdir

[Jakobína Ingunn Ólafsdóttir, 6.4.2011 kl. 13:38]

Já margar kjarnyrtar og góðar en bera með sér vissa þröngsýni í mörgum tilfellum.

Nr. 11 t.d. Líkur á vanskilum munu aukast ef ríkið tekur á sig skuldbindgar sem því ber ekki að taka á sig. Það er ágætis prinsíp að taka ekki á sig skuld sem að maður er ekki borgunarmaður fyrir. 

[Svanur Gísli Þorkelsson, 6.4.2011 kl. 14:19]

Sæl Jakobína; Já þröngsýni er það kallað að tala út frá sínum bæjardyrum. En við hverju öðru á maður að búast? -

[Haraldur (IP-tala skráð) 7.4.2011 kl. 10:14]

Sæll. Mæli með því að þú horfir á heimildarmyndina um fjármálahrunið í Argentínu og baráttuna við Alþjóða gjaldeyrissjóðinn sem Hreyfingin auglýsti á sínum tíma. Hún er á youtube. Alþjóðagjaldeyrissjóðurinn lýgur meira en hann mýgur. Hann er bara frontur fyrir einkavæðingu, og hvert sem hann fer rísa einkafyrirtæki í erlendri eign, yfirleitt með sömu eigendur...Það er því ágætis venja að taka flestu frá Alþjóðagjaldeyrissjóðnum með svipuðum fyrirvara og andskotinn átti að lesa Biblíuna og lesa það hreinlega aftur á bak. Þetta er engin góðgerðarstofnun og það er engin hugsjón sem stírir henni önnur en dollarinn og alþjóðlega einkavinavæðingin með sínum hræðilegu afleiðingum fyrir fátækar þjóðir um allan heim.