Spáði Páll kolkrabbi rétt?

Ótrúlegt en satt, Spánverjar orðnir heimsmeistarar og Páll kolkrabbi sá það allt fyrir. Sjá Kolkrabbar raunverulega fyrir framtíðina eða bara Páll? Eða er hann bara að giska? Kannski eru allir kolkrabbar skyggnir?

Reyndar held ég að Páll hafi ekki séð úrslitin fyrir heldur hafi hann ráðið þeim.

Spánverjar voru greinilega betri að spila hollenska knattspyrnu en Hollendingar sjálfir. Þess vegna unnu þeir Hollendinga og um leið alla sem Hollendingar hafa unnið á leiðinni að þessum úrslitaleik.

Spánverjar eru vel að þessum sigri komnir, jafnvel þótt leikurinn hafi lengstum verið hundleiðinlegur og ekki sambærilegur t.d. við leikinn um bronsverðlaunin.

Verst að Hollendingar verða áfram besta liðið sem aldrei hefur unnið heimsmeistaratitilinn og eru nú orðnir einir um þá nafnbót.

Til hamingju Spánverjar og Palli.

Spánverjar heimsmeistarar

Athugasemdir

[hilmar jónsson, 11.7.2010 kl. 23:11]

Þetta hefur víst lengi loðað við kolkrabba Svanur. Rækjur eiga þetta líka til á góðum degi..

[Friðrik Friðriksson, 11.7.2010 kl. 23:46]

Rækjurnar klikka ekki....he he en Spánverjar gætu núna kannski ættleitt Palla kolkrabba því hann á ekki von á góðu frá Þjóðverjum svo eitt er víst

[Freyr (IP-tala skráð) 12.7.2010 kl. 00:07]

„Spánverjar voru greinilega betri að spila hollenska knattspyrnu en Hollendingar sjálfir. Þess vegna unnu þeir Hollendinga og um leið alla sem Hollendingar hafa unnið á leiðinni að þessum úrslitaleik."

 Þannig að Svisslendingar eru heimsmeistarar?

[Grefill (IP-tala skráð) 12.7.2010 kl. 00:34]

Svisslendingar spiluðu ekki til úrslita, Freyr minn. Til að vera heimsmeistari í fótbolta þá þarf maður að spila til úrslita í úrslitaleiknum. Get it?

[Svanur Gísli Þorkelsson, 12.7.2010 kl. 08:56]

Þjóðverjar munu gæta véfréttarinnar Páls afar vel næstu vikurnar því honum hafa borist ýmsar alvarlegar hótannir. Margir eru greinilega þeirrar skoðunar að Páll sé ekki forspár heldur stjórni hann gangi mála og segi aðeins frá því sem hann hefur ákveðið. Sjávarréttasúpa, kannski með ofur-rækjum,  er því mörgum hugleikinn réttur um þessar mundir.