Eitraði Loftur Altice fyrir Árna Johnsen?

Það hlýtur að teljast til tíðinda að hægt sé að auglýsa hér  á blogginu eftir eitri til að granda fólki. Slíkt gerir samt Loftur Altice óáreittur, þar sem hann auglýsir á bloggi sínu eftir nógu sterku eitri til að geta drepið Össur Skarphéðinsson utanríkisráðherra sem hann er ósammála í Evrópumálum. Þannig tilheyrir Össur einhverju "liði" sem Loftur vill láta drepa.

Ef Loftur ætti heima í Úkraínu mundu fátæklega dulbúnar hótanir hans eflaust vera teknar alvarlega. Þar kom upp frægasta eiturbyrlunar mál seinni tíma og sem átti rætur sínar að rekja til pólitískra erja. Eitrað fyrir Viktori Jútsjenkó sem bauð sig fram til forseta Úkraínu ( 2004) , gegn sitjandi forseta sem studdi samstarf við Rússland á meðan Jútsjenkó vildi auka samstarf við Vesturlönd.

Loftur virðist vita það fyrir víst að venjulegt flugnaeitur komi ekki til að duga til verksins og vill finna eitthvað sterkara. Það bendir til þess að hann hafi gert tilraunir með flugnaeitur á mönnum og er þess vegna svona viss í sinni sök.

Spurningin er bara,  á hverjum gerði Loftur tilraunir sínar?

Eins og fram kom í fréttum á sínum tíma, telur Árni Johnsen að sér hafi verið byrlað eitur. Því hafi verið blandað í fæðubótarefni sem hann tók inn. „Þetta var bara fæðubótarefni sem er hrært út í mjólk eða vatn, í staðinn fyrir máltíð. Mér til láns notaði ég þetta mjög lítið, kannski í hlutfallinu þrisvar í staðinn fyrir þrjátíu og fimm sinnum. Svona er þetta þó maður búi ekki í Úkraínu.“ sagði Árni um atvikið. Eitrið var samt ekki nógu sterkt til að granda honum, en olli því að hendur hans þrútnuðu. Árni segir að hann viti hver kom eitrinu fyrir en hann hafi engar sannanir.

Ég fæ ekki betur séð en að Loftur hafi með auglýsingu sinni komið upp um sig. Það var augljóslega hann sem eitraði fyrir Árna Johnsen. Árni  hefur löngum þótt hálfgert olnbogavarn í sjálfstæðisflokknum og kannski hefur Loftur ætlað að slá tvær flugur í einu höggi með því að eitra fyrir Árna. Loftur hefur viljað gera flokknum sínum greiða og losa hann við Árna og reyna í leiðinni að afla sér nokkurra atkvæða í formannsslaginn sem hann tók þátt í. -

En allt þetta mistókst reyndar eins og oft áður hjá Lofti. Lofti tókst ekki að granda Árna og Loftur varð ekki formaður Sjálfstæðisflokksins. - Spurningin er hvort honum takist að drepa Össur eða finna einhvern sem er tilbúin til þess?

Athugasemdir

[Grefill (IP-tala skráð) 12.7.2010 kl. 11:19]

Einhver hefur skipað Lofti, eða Ólofti, eins og mér finnst vera ágætt á hann úr þessu, að fjarlægja umrædda færslu. Ég vona að Óloftur verði sóttur til saka fyrir hana. Ótrúlega margir samt sem sáu ekkert athugavert við þetta ... fannst þetta bara "flott hjá karlinum".

[doctore (IP-tala skráð) 12.7.2010 kl. 11:23]

Þetta er lýsandi dæmi með sjálfstæðisflokk... menn innan flokks mega segja hvað sem er, mega hóta lífláti; Allt í fína lagi...

Svo kem ég og segi að geðveik kona sé geðveik.. BANG bannaður :)

Til hamingju ísland

[Grefill (IP-tala skráð) 12.7.2010 kl. 11:31]

Já, maður er búinn að uppgötva síðan maður byrjaði að blogga af krafti að "ritsjórnarstefna" mbl.is/blog.is fer ekki eftir reglum, heldur geðþótta einhvers sem blandar persónulegri skoðun í málið og hangir auk þess í einhverjum strengjum. Það er alveg greinilegt.

[Svanur Gísli Þorkelsson, 12.7.2010 kl. 11:44]

Jamm Grefill, Ég sé nú að búið er að fjarlægja færsluna. En henni var leift að standa nógu lengi til fjöldi manns gæti tjáð sig um hana og aðrir bloggað um hana. Og það leit út fyrir að hún fengi að standa.

 - Sjálfsagt hefur einhver sem hefur völd kvartað við mbl.is og mbl.is í kjölfarið heimtað lokun.

Doksi hefur því eins og oft, mikið til síns máls þegar hann talar um óréttlæti í aðförinni gagnvart honum.

[Axel Jóhann Hallgrímsson, 12.7.2010 kl. 12:58]

Hún stóð það lengi færslan hans Lofts að fjarlæging hennar er ekki annað en málamyndagjörningur. Ætti ekki krafa um afsökunarbeiðni að fylgja fyrirmælum mbl.is ef þeim er alvara.

Við önnur blogg hefur ekkert hik verið á þeim mbl.is mönnum - lok, lok og læs og allt í stáli.

[H.T. Bjarnason (IP-tala skráð) 12.7.2010 kl. 13:24]

Þessi færsla hans er að vísu ekki lengur hér á blog.is en hún lifir góðu lífi á öðru bloggsvæði sem Loftur bloggar á. 

[doctore (IP-tala skráð) 12.7.2010 kl. 13:27]

Málið er borðleggjandi, mbl opnar fyrir mitt blogg aftur... eða lokar bloggi Lofts.
Það er ekki neinn millivegur í þessu... málið er hjá mbl, ætla þeir að vera asnar eða ekki.
Sjáum til :)

[hilmar jónsson, 12.7.2010 kl. 13:28]

Ég er hjartanlega sammála doctore í síðasta kommenti.....

[Svanur Gísli Þorkelsson, 12.7.2010 kl. 13:34]

Doksi, ertu í sambandi við þá á mbl.is út af þessu?

[doctore (IP-tala skráð) 12.7.2010 kl. 13:47]

Nei hef ekkert talað við þá síðan Loftur gaf í skyn að taka ætti suma af lífi án dóms og laga...
Ég spurði mbl hvers vegna bloggi Lofts sé ekki lokað.. þar sem það væri mun svæsnara en nokkuð sem ég hef gert; Ekkert svar.

En miðað við hvernig mbl hefur lokað á marag bloggara... þá er ekki smuga í helvíti fyrir þá með að halda bloggi Lofts opið.

Tek fram að ég er á móti ritskoðun yfirhöfðu... vill bara að jafnt gangi yfir alla... varla ætlar sjálfstæðisflokkurinn að sýna okkur hræsnina, einkavinavæðinguna... það er akkúrat það sem þetta er;

[Óskar Þorkelsson, 12.7.2010 kl. 16:56]

góður Svanur :)

Ég er mest hissa á því að þessi maður skuli starfa sem kennari .. gersamlega snarruglaður og til í hvaða sem er .. fyrir málstaðinn

[Vilhjálmur Örn Vilhjálmsson, 12.7.2010 kl. 17:27]

Sæll Svanur, sumir menn eru svo eitraðir, að þeir geta vart talist vistvænir. Ég nefni ekki nein nöfn. En einhvern veginn sé ég ekki glæpinn í þessu myndmáli Lofts. Nöfn stjórnmálamanna í Frakklandi hafa verið notuð á sjúkdóma. Össur verður bara að venja sig að siðum í ESB. En ekki hefur hann kvartað, er það?

[Grefill (IP-tala skráð) 12.7.2010 kl. 17:28]

Sé nú reyndar ekki betur en að færsla Lofts lifi enn góðu lífi hér. Hann hefur bara "falið" hana, ekki eytt henni út.

Skyldi karlinn svo vera að nýta sér einhverja strengjabrúðuna á blog.is til að fá allar tengingar og gagnrýni á færsluna þurrkaðar út?

Virkar svoleiðis.

Sjálfur eyddi hann öllum athugasemdum sem voru honum ekki að skapi, þar á meðal nokkrum frá mér.

[Grefill (IP-tala skráð) 12.7.2010 kl. 17:32]

"Ef einhver getur losnað við Össur, án þess að nota á hann viðeigandi skordýra-eitur, þá er það bara gleðiefni ... Viðkvæmar sálir og sérstaklega skordýra-vinir verða að taka sér tak, bíta á jaxlinn og beita þeim útrýmingar-aðferðum sem duga." - Loftur Altice.

Sérðu virkilega ekkert athugavert við þetta Vilhjálmur Örn?

[Grefill (IP-tala skráð) 12.7.2010 kl. 17:42]

Og hvað með þessa setningu?

"Þetta fólk (Þorsteinn Pálsson, Össur Skarphéðinsson, Jóhanna Sigurðardóttir og Jón Baldvin Hannibalsson - mitt innskot) er ennþá að vinna að sínu heldsta áhugamáli, að valda þjóðinni sem mestum skaða. Er til nógu sterkt skordýraeitur til að vinna endanlega á þessu liði ? - Loftur Altice.

Þetta er þá líka í lagi að þínu mati, Vilhjálmur? Hvar sérðu annars "myndmál" í þessum texta Lofts?

ps. Loftur breytti færslu sinni, líklega í morgun, þannig að þessi setning er ekki þarna lengur. En hún var þarna upphaflega og alveg þangað til núna. Ég á afrit af upphaflegu færslunni og nokkrum kommentum sem Loftur strokaði út.

[Grefill (IP-tala skráð) 12.7.2010 kl. 17:47]

Sé reyndar að Loftur er enn að breyta færslunni. Síðasta breyting er 17:15 í dag.

Hann er sem sagt að reyna að falsa færsluna/umræðuna sér í hag.

Svo vill hann láta taka sig alvarlega?

[Grefill (IP-tala skráð) 12.7.2010 kl. 17:53]

Svona var upphaflega færslan. Berið hana saman við færsluna eins og hún er núna. Sjá hér. Þetta afhjúpar loddaraskapinn í þessum manni.

"Er hægt að stöðva fíflið með skordýraeitri?

Auglýst er eftir sterku skordýraeitri sem hægt er að nota á fífl eins og Össur Skarphéðinsson. Hann veður um Evrópu þvera og endilanga og slær um sig með kjánalegum yfirlýsingum, sem jafnvel Jón G. Narr myndi skammast sín fyrir. Það versta er þó að Össur er að valda orðspori landsins miklum skaða.

Í höfuðborgum Evrópu flytur Össur sömu fráleitu rulluna um undirgefni og jafnvel ást Íslendinga á hugmynd Sossanna um stofnun Þriðja ríkisins. Væri ekki nytsamara að Össur tæki sér fyrir hendur, að útskýra fyrir vankunnandi félögum sínum á vinstri kantinum, það sem allur hinn upplýsti heimur veit, að Íslendingar hafna allri undirgefni við Evrópusambandið.

Til að þjóna sinni upphöfnu ásýnd, sem ekkert er nema lágkúra og narr, þá reynir Össur að telja fólki trú um að bankahrunið hafi bara stafað af því að ekki var fylgt hans ráðleggingum um að innlima Ísland í Evrópusambandið. Allir sem kynnt hafa sér málið vita, að bankahrunið var bein afleiðing inngöngu landsins á Evrópska efnahagssvæðið.

Sú heimskulega ákvörðun, að landið gekk í Evrópska efnahagssvæðið var afleiðing þráhyggju Sossa eins og Össurar Skarphéðinssonar, Jóhönnu Sigurðardóttur, Jóns Baldvins Hannibalssonar og Þorsteins Pálssonar. Þetta fólk er ennþá að vinna að sínu heldsta áhugamáli, að valda þjóðinni sem mestum skaða. Er til nógu sterkt skordýraeitur til að vinna endanlega á þessu liði ?" - Loftur Altice, 09.07.2010 kl. 15:41.

[Svanur Gísli Þorkelsson, 12.7.2010 kl. 17:54]

Já sæll Vilhjálmur. "Glæpur" Lofts er að afmennska í skrifum sínum ákveðin hóp af fólki fyrir ákveðnar skoðanir. Pöddum (maurum) og öðrum skordýrum skal eyða séu þau til óþurftar, ekki rétt? Kannastu ekki við orðalagið?  - Þótt að ég velji að hafa orð Lofts hér í flimtingum, er engin vafi á að honum er dauðans alvara.

[Grefill (IP-tala skráð) 12.7.2010 kl. 18:04]

Vilhjálmur Örn hefði orðið mjög reiður ef Loftur hefði verið að tala um gyðinga og ísraelsmenn. Þá hefði hann beitt sér fyrir því að bloggi Lofts væri lokað í hvelli. En af því Loftur er bara að tala um nafngreinda, íslenska einstaklinga og í raun alla sem ekki eru sammála honum varðandi ESB þá sér Vilhjálmur "ekki glæpinn".

Furðulegt.

[Grefill (IP-tala skráð) 12.7.2010 kl. 18:17]

Eitt enn ... Efnislega þá minna skrif og skoðanir Lofts og viðhlæjenda hans mjög á efni fundarins sem haldinn var í Wannsee árið 1942 undir stjórn Reinhard Heydrich þar sem "Lokalausnin á gyðingvandamálinu" var að lokum samþykkt með afleiðingum sem öllum eru kunnar.

[Birna Jensdóttir, 12.7.2010 kl. 19:16]

Jæja Grefill getur þú frætt mig um hvað þú hefur uppúr því að velta þér uppúr þessari færslu Lofts,sem náttúrulega er of gróf? að mínu mati.Það er enginn að viðhalda umræðu um þetta nema þú.Þær færslur sem manni líka ekki á að hunsa og þegja í hel.

[Vilhjálmur Örn Vilhjálmsson, 12.7.2010 kl. 19:27]

Grefill, nú er það því miður svo að Steini sendiherra, Jón Baldvin sendiherra og Össur yfirsendiherra og Ingibjörg með hlutverk að sendast á meðal þjóðanna eru ekki gyðingar. Þá hefði ekki allt farið til fjandans á Fróni. Frú Bryndís mun þó sem Madame ambassadeur í Washington hafa gefið það í skyn, að Schram væri fín gyðingaætt frá Holtsetalandi. En það er nú ekki satt.

Svanur, Össur, Örn, Grefill (sem mér sýnist af myndinni þinni vera algjör asni): Allir eru eins konar dýr og fyrir Drottni bara ryk. Hvaða dýr Loftur er, er mér ekki ljóst, en líklegt þykir mér, að hann sé einhvers konar rándýr, en ekki eins dýr og Jón Ásgeir eða Össur eyðslumeistari.

Ég skil ekkert í ykkur að æsa ykkur út af hressilegu myndmáli Lofts. Auðvitað ætlar hann sér ekki að útrýma Samfyllingunni. Þess þarf ekki. Hún gengur frá sér sjálf. Maður þarf bara að bíða.

[Svanur Gísli Þorkelsson, 12.7.2010 kl. 19:46]

Þetta er alveg kýrskýrt hjá þér Vilhjálmur.

Ef þau Steini, Jón, Össur og Ingibjörg væru gyðingar væru ummæli Lofts merki um stækt gyðingahatur því það er svo lítill munur á þeim og því orðfæri sem nasistarnir notuðu um gyðinga.

En af því að þau fjögur eru ekki gyðingar eru umrædd ummæli Lofts aðeins "hressilegt myndmál."

[hilmar jónsson, 12.7.2010 kl. 19:47]

Birna. Málið er bara ekki alveg svona einfalt.

Það er óásættanlegt að verða vitni að því að mbl.is lokar á síður af mun minna tilefni en þessu.

Því hlýtur það að vera krafa að mbl sé sjáfu sér samkvæmt og loki á Loft for good og hlífi þannig fólki við ógleðinni.  Það ber að hafa í huga að þetta er ekki í fyrsta skipti sem Loftur birtist hér á blogginu með verulega ógeðfelldar ofbeldishvatningar og óskir.

Vilhjálmur Örn er ekki svaraverður, þvílík er steypan sem úr honum vellur jafnt hér og á öðrum kommentakerfum

[Grefill (IP-tala skráð) 12.7.2010 kl. 20:07]

Birna: Nei, Birna mín, það get ég ekki fyrst þú skilur það ekki nú þegar.

Vilhjálmur: Ég hef aldrei leynt því að ég er bara asni, öfugt við þig sem þykist sjá hressilegt "myndmál" í texta Lofts. Var "lokalausn" nasista ekki bara skemmtilegt myndmál líka? Bara brandari sem óþarft var að "æsa sig yfir"? Ganga gyðingarnir þínir ekki líka bara frá sér sjálfir? Eru þeir ekki á góðri leið með það? Þurfum við ekki bara að bíða?

[Dabbinn í raesinu (IP-tala skráð) 12.7.2010 kl. 21:04]

Breytt faersla núna hjá Lofti en athugasemdir vid faersluna sem hann fjarlaegdi eru áfram.  Thetta er mjög lágkúrulegt hjá Mbl bloggi.  Sýnir hve ómerkilegur pappír Mbl er eda eigum vid ekki bara ad kalla thad Dabba?

Athugasemdir vid faersluna eru ekki í réttu samhengi núna.  Gert er illilega á hlut allra sem sendu inn athugasemd vid skammarpistil Lofts sem hann ad thví er virdist neyddist ad fjarlaegja.  Núna er Mbl á nákvaemlega sama lága plani og Loftur.

[Grefill (IP-tala skráð) 12.7.2010 kl. 21:52]

Það er alveg með ÓLÍKINDUM að ritjórn blog.is skuli segja Lofti að FELA færslu sína á meðan hann FALSAR hana og krefjast þess svo af þeim sem gagnrýndu upphaflegu færsluna að þeir fjarlægi vísanir í hana af SÍNUM bloggum.

Svo fær Loftur að láta þær athugasemdir standa sem hann eyddi ekki.

Rétt upp hönd sem finnst ritsjórn blog.is komin út fyrir allt velsæmi í ákvörðunum sínum.

DoktorE var ekki gefinn NEINN séns á að leiðrétta/laga skrif sín á sínum tíma. Það var bara lokað ... BÚMM ... og ekki séns að opna aftur. Hann fær ekki einu sinni svar við fyrirspurnim sínum.

Svo er um fleiri sem hefur verið lokað hjá.

En Loftur fær sérmeðferð. Hann óskar eftir fólki sem vill myrða fyrir hann andstæðinga hans. Fólk mótmælir svona skrifum en hann eyðir þeim athugasemdum bara út. Margir kvarta yfir þessu við blog.is. Blog.is segir Lofti bara að falsa færslu sína þrátt fyrir að þá séu athugasemdir margra ekki í réttu samhengi.

Svo opnar Loftur bara á fölsuðu færsluna sína og hún stendur.

Ótrúlegt.

[Davíð Kristjánsson (IP-tala skráð) 12.7.2010 kl. 22:51]

Ég minnist þess að í myndinni Hotel Rwanda var sýnt hvernig skordýraáróðurinn notaður til að vekja upp viðbjóð á andstæðingunum.

En ég held að Svanur hafi hitt naglann á höfuðið. Loftur hefur gert tilraunir á Árna.

[REFSING! (IP-tala skráð) 13.7.2010 kl. 06:28]

Svona ósvífni blog.is verdur ad refsa.  Ad skammarfaersla Lofts fái ad standa óbreytt í 3 daga án thess ad blog.is geri nokkud og svo ad hann geti breytt faerslunni og thannig tekid allar athugasemdir úr samhengi thví thaer áttu vid upphaflegu faersluna, er ad gera illilega á hlut theirra sem Loftur skrifar um, lesendur alla og thá sem skrifudu athugasemdir.  Áhrifaríkasta refsingin er ad snidganga allar vörur og thjónustur frá theim fyrirtaekjum sem auglýsa í Morgunbladinu.  Sérstaklega theim fyrirtaekjum sem auglýsa oft í Morgunbladinu:

Kaupid ekki vörur eda thjónustu frá thessum fyrirtaekjum.  Snidgangid:

NÓAÚN

KOSTUR 

TENGI

DEBANHAMS

SVEFN & HEILSA 

[hilmar jónsson, 13.7.2010 kl. 11:35]

Samkvæmt svari umsjónarmanns mbl.is þann 13.7. Þá ætlar mbl.is ekki að loka síðu Lofts Altice.

[Svanur Gísli Þorkelsson, 13.7.2010 kl. 12:21]

Ég held að Lofti hafi verið gefin sjens í þetta sinn vegna þess að hann breytti færslunni eftir að hann var aðvaraður af umsjónarmanni. Lofti er annt um að fá að blogga á blog.is og dregur því í land að lokum þótt seint sé.

Loftur er einn þriggja hægri öfgamanna á þessu bloggsvæði sem styðja hvern annan leynt og ljóst þrátt fyrir að öfgar þeirra séu illa samrýmanlegar venjulegu fólki. Ég veit ekki hvort þeir njóti einhverrar sérstakrar verndar umsjónarmanna en augljóst er að öfgafullar skoðanir þeirra eru oft á gráu svæði þeirra reglna sem á svæðinu gilda. - Í þessum þremennngum kristallast öfga-kapítalismi sem eins og allir vita er haldið saman af fasisma líkt og gjarðir staftunnu, öfga zionismi þar sem allir sem eru á móti stefnu stjórnar Ísrels eru stimplaðir gyðingahatarar og kristin öfgarétttrúnaður sem á jafnmikið erindi við nútímamanninn og gufuaflið við farkosti hans.

Það má færa rök fyrir því að þessir bloggarar kryddi umræðuna hér á blog.is en ég efast um að þeir geri það  umfram t.d. DoctorE eða brúki eitthvað fínlegri aðferðir en hann  í sínum áróðri.

[doctore (IP-tala skráð) 13.7.2010 kl. 12:32]

Ég tók alltaf út færslur ef mbl fór fram á það... þeir nefndu það einmitt að ég væri liðlegur í þessu...

Það er ekki hægt að dissa mig og marga aðra bloggara og halda Lofti inni, það er púra geðveiki... sko ég sagði geðveiki aftur; Bannaðasta orð á íslandi

[hilmar jónsson, 13.7.2010 kl. 12:34]

Þeir njóta auðvitað sérstakrar verndar Svanur. Á sama tíma sem þeim sem gagnrýna frjálshyggjuna er umsvifalaust hent út án aðvaranna, fá þessir öfgamenn að teygja sig langt út fyrir þann ramma sem mbl.is skilgreinir " utan velsæmismarka og áskilur sér rétt á að loka á "

Moggin hefur sennilega sjaldan birst jafn grímulaus og nú í siðferðistvískinnungi sínum með þessu.

Þvílík reisn......

[hilmar jónsson, 13.7.2010 kl. 12:48]

Það má vissulega færa rök fyrir því að alls konar viðbjóður kryddi.

En er það lystugt og bjóðandi krydd ?