Þingvellir

Í brjóstinu svellur ættjarðarástin

til beggja heimsálfa

þegar þú gengur Almannagjá

þar sem hver nibba angar af sögu.

Og þó þú vitir að á Lögbergi sértu óhultur

fyrir öllu nema roki og regni,

langar þig mest til að leggjast

í lautu við Skötutjörn

og dreyma langa drauma.

Athugasemdir

[Halla Rut , 19.1.2008 kl. 18:42]

Flott ljóð.  Nú eru menn að hugleiða að jarða Bobby Fischer á Þingvöllum. Ég bara á ekki orð yfir þessa menn sem algjörlega hafa misst sig í persónudýrkun á manninum.

[Svanur Gísli Þorkelsson, 20.1.2008 kl. 14:25]

Takk fyrir innlitið Halla Rut.

Ég er sammála þér með Fischer. Við íslendingar eigum það til að tapa áttum í stórmennskubrjálæði við undarlegustu tilefni. Hann á ekkert erindi í Þjóðargrafreitinn frekar en aðrir útlendir íslendingar sem borið hafa beinin á landinu.

[Svanur Sigurbjörnsson, 24.1.2008 kl. 03:12]

Ertu að yrkja sjálfur nafni?  Gaman af þessum ljóðum hjá þér