Örsaga 2. Seldur til Uppsala

Eitt sinn var kona sem bjó í Uppsölum. Hún var svo stór og digur að hún þjáðist af bakflæði á fullu tungli. Konan hafði gildnað svona við að éta exel-drengi með klístur í hárinu snemma á þessari öld. Afar snemma.

Konan ákvað að kaupa sér fótboltastrák til að spila við fótbolta út í garðinum sínum og reyna að létta sig þannig dálítið. Til að fótboltastrákurinn yrði ánægður með vist sína í garðinum fékk konan með bakflæðið á fullu tungli handa honum barbí dúkku  til að leika sér að á milli þess sem hann spilaði fótbolta. 

Þrátt fyrir boltaleikina og barbídúkkuna leiddist boltastráknum vistin þegar fram í sótti. Dag einn reyndi hann að flýja á nýja sportbílnum  sem hann hafði keypt sér. En konan með bakflæðið sá við honum.

Örsaga 1 - Bifast Bifröst

Mér hefur alltaf þótt eitthvað bogið við regnbogann. Hann er bæði brú og tákn um sefaða reiði. Svo er hann minnismerki um drukknað fólk. Undir honum er gullpottur og óskabrunnur, hvorugt hefur nokkru sinni fundist sem er slæmt. Samt er regnboginn algengur. Judy Garland söng um hann...vel.  Nú syngja fáir um hann.

Ég segi það aftur, annað hvort er eitthvað bogið við regnbogann eða það er eitthvað bogið við mig.

Þér verður að kenna að hata og óttast

 

Þér verður að kenna að hata og óttast

þér verður að kenna frá ári til árs

Það verður að hamra á því stöðugt

Það verður að kenna þér vel

Þér verður að kenna að vera hræddur

við fólk með undarleg augu

og fólk með annan hörundslit

Þér verður að kenna vel.

 

Þér verður að kenna áður en það verður of seint

Áður en þú verður sex, sjö eða átta

að hata allt fólk sem ættingjar þínir hata

Þér verður að kenna vel

Þér verður að kenna vel

 

Þetta er lausleg og óbundin þýðing á texta úr söngleiknum South Pacific. Ég byrti textann á ensku hér fyrir neðan. E.t.v. hefur þessum texta verið snúið á íslensku í bundnu máli og væri þá fróðlegt að fá ábendingar um það.

You've got to be taught to hate and fear
You've got to be taught from year to year
It's got to be drummed in your dear little ear
You've got to be carefully taught.

You've got to be taught to be afraid
Of people whose eyes are oddly made
And people whose skin is a different shade
You've got to be carefully taught.

You've got to be taught before it's too late
Before you are six or seven or eight
To hate all the people your relatives hate
You've got to be carefully taught
You've got to be carefully taught.

Það er trú

Að ganga þar hvar enginn stígur fer
Að anda þar sem loft ei nokkurt er
Að sjá þar til er hvergi lýsir ljós
Það er trú

Að hrópa út í þögnina og næturinnar tóm
og heyra aldrei bergmálið til baka flytja óm,
en trúa samt og trúa, aftur og aftur
Það er trú

Í steinvölunum einum sjá
fagra eðalsteina
og heilan skóg hvar reistir þú
aðeins nokkra teina
Að brosa þegar augun gráta
Það er trú

Að segja "Guð ég trúi"
þá aðrir neita þér
"Ég heyri" þá enginn svarar
"Ég sé" þá enginn sér,
Það er trú.

Heyr heiftuga ást hjartans,
hinnar villtu ástar hróp;
þú ert hulinn, en samt þarna,
Ó Drottinn sem mig skóp.
Hyljir þú ásýnd þína
og hljóðni rómur þinn
heyri ég samt og sé þig vel,
ástvinur minn.
Beygðu mig í beran svörð
ég rís á ný í þakkargjörð,
ástvinur minn.
Það er trú.

Ljóðið heitir á ensku "This is faith" og er eftir Ruhiyyih Rabbani