Eitthvað svo óíslenskt

Það er ekki langt síðan að þorri íslendinga gat verið með nefið ofaní hvers manns koppi með því að hlusta á óviðkomandi símtöl í sveitasímunum. Það er samt eitthvað í íslenskri þjóðarsálinni sem fær mig til að finna fyrir aulahrolli í hvert sinn sem ég heyri að innlend yfirvöld beiti hlerunum til að rannsaka mál.

Einhvern veginn sé ég ekki íslenska krúnurakaða sérsveitarmenn sitja mánuðum saman yfir upptökutækinu, bíðandi eftir að eitthvað spennandi verði sagt.

Og ekki er betri myndin af einhverjum skrifstofublókum á borð við Ólaf Þór Hauksson, sérstakan saksóknara, japlandi á kleinu með heyrnartól á eyrunum að hlusta á þá Jóni Þorstein Jónsson, Ragnar Z. Guðjónsson og Styrmi Þór Bragason fá leiðsögn hjá konum sínum í gegnum síma hvar kornflexið sé að finna í Krónunni.

Hleranir í Exetermáli

Athugasemdir

[Óskar Arnórsson, 5.8.2010 kl. 13:18]

Talandi um sveitasíma þá er tæknin komin í hring. Hver sem er getur keypt séstaka gerð af "Labb Rabb" tæki og hlustað á hvaða GSM símtal sem er...

[Arngrímur (IP-tala skráð) 5.8.2010 kl. 14:50]

Svanur: Sérsveitin sér aldrei um símhleranir.

[Þorvaldur Guðmundsson, 5.8.2010 kl. 16:48]

Rétt hjá Arngrími sersveitin sér bara um að vernda okkur borgarana fyrir sjalfum okkur.

[Svanur Gísli Þorkelsson, 5.8.2010 kl. 17:03]

Takk fyrir það Arngrímur. Enda segi ég að ég sjái ekki sérsveitirnar gera það.