The capital of Iceland

Klukkan var færð aftur um klukkustund í nótt. Ég er því aftur kominn á sama tímaról og Ísland. Ég veit samt ekki nákvæmlega hvenær þetta gerðist, þ.e. hvort að klukkan eitt í nótt hafi hún verið færð aftur til 24:00 eða klukkan 24:00 í nótt; hafi hún verið færð aftur til baka til 23:00.

Með þessu fyrirkomulagi var sem sagt gærdagurinn einni stundu lengri eða að dagurinn í dag verður einni stundu lengri.

Ég held að ég hafi verið spurður þessarar spurningar þrisvar í gærkveldi af náungum sem allir ætluðu að vera svolítið fyndnir á minn kostnað.

Spurningin er sem sagt, What is the capital of Iceland?

Svar; Four and a half pounds.

Athugasemdir

[Lára Hanna Einarsdóttir, 26.10.2008 kl. 12:21]

Það sagði mér Breti að þetta væri alltaf gert klukkan 2 eftir miðnætti. Þá yrði klukkan 1 eða 3 eftir atvikum.

Sel það ekki dýrar en ég keypti en þetta hljómar skynsamlega.

[Sigga Hjólína, 26.10.2008 kl. 14:20]

Aumingja þú að standa af þér aulahúmor fyrir hönd þjóðarinnar! Hefurðu séð mynd af 900 fm sumarhúsi Sigurðar Einarssonar fyrrum forstjóra Kaupþings? Efsta myndin á þessari síðu: http://photo.blog.is/blog/photo/entry/673189/       Manni verður óglatt...

[Steinunn Helga Sigurðardóttir, 26.10.2008 kl. 15:17]

hef upplifað það sama í danmörku, en þó er að verða breiting á og fólki er brugðið yfir hversu alverlegir hlutirnirn eru.

Kærleikur til þín frá Lejre

steina

[Svanur Gísli Þorkelsson, 26.10.2008 kl. 17:22]

Þetta er rétt hjá þér Lára. Fékk það staðfest áðan þegar ég var að hlusta á BBC.

Sigga; 900 fm, er stórt hús að sönnu og stórt rými fyrir hann og konuna að halda hreinu ;) - Aulahúmorinn er bara skemmtilegur og gefur manni bara tækifæri til þess að skjóta dálítið til baka.  

Steinunn; Kveðjur til þín sömuleiðis.

[Jenný Anna Baldursdóttir, 26.10.2008 kl. 18:07]

Hahaha, góður prís.

Takk fyrir að láta vita af klukkunni.  Var að spyrja dóttur mína um daginn (býr í London) og hún hafði ekki græna.

[Greta Björg Úlfsdóttir, 26.10.2008 kl. 21:39]

Æ, ég fatta ekki einu sinni jókið...

[Rut Sumarliðadóttir, 27.10.2008 kl. 08:22]

Aumingju þú að vera í Bretlandi. Hvað svo sem klukkan er eða hverjum hún glymur.

[ingi (IP-tala skráð) 27.10.2008 kl. 10:34]

Henni er alltaf breytt kl 3 og verður þá 2 á haustin, en á vorin þegar hún er 2 verður hún 3 þegar hún er færð fram. Maður var alltaf að ruglast hvort hún færi fram eða aftur á vor eða hausti, eitt ráð til að muna þetta er "fall back" "spring forward"

Bk

[Hólmdís Hjartardóttir, 27.10.2008 kl. 10:53]

það er gott aðvera með breitt bak.......þaðer allsstaðar gríast með okkur auðkýfingana

[Hólmdís Hjartardóttir, 27.10.2008 kl. 10:54]

grínast

[Snjólaug A. Sigurfinnsdóttir, 27.10.2008 kl. 13:15]

Ætla bara að kvitta til að sýna þér smá stuðning

[Greta Björg Úlfsdóttir, 27.10.2008 kl. 13:19]

Ég held ég sé búin að fatta þetta...

[..., 27.10.2008 kl. 23:39]

Sæll Svanur !

Mikið skelfing var ég glaður að uppgötva það að ég þarf ekki að lyfta höfðinu um x gráður til að gá að því hvað klukkan er, ég get núna gjóað augunum aðeins niður og til hægri til að sjá hvað tímanum líður, þetta breytir öllu hjá mér og sparar mikinn tíma.

En svaraðu mér nú af fyllstu einlægni. What is the capital of ICELAND ?

Er það  Reykjavík, eða  tvö og 1/4  kíló ?  Ég bara verð að vita þetta.

Kv. Kristján 

[Óskar Þorkelsson, 28.10.2008 kl. 00:57]

capital = fjármagn... jísses 

[egvania, 29.10.2008 kl. 20:26]

Mikið rosalega erum við heppin hér að þurfa ekki að lengja daginn hjá okkur um heila klukkustund.

Þeir væru vísir til á fjölmiðlunum að setja á okkur auka fréttatíma.

kveðja Ásgerður