Kreppan er liðin hjá, segir Ólafur Ragnar

Enn eina staðfestinguna á því að kreppan sem skall á landinu eftir efnahagshrunið sé liðin hjá er að finna í orðum landsföðursins Herra Ólafs Ragnars, sem enn á ný ber sig mannalega og talar sem endranær digurbarkalega við erlenda fjölmiðla. - 

Það er eitt að tala hlutina upp, eða niður, og annað að vera svo fjarlægur því sem er að gerast í samfélaginu, að allt sem sagt er hljómar annarlega. -

Þetta grobb Ólafs að mannauður Íslands, sá hluti hans og kom landinu á kaldan klaka, hafi komið þjóðarskútinni aftur á réttan kjöl og öðrum þjóðum beri að taka sér það til fyrirmyndar, bera þess vitni að Ólafur lítur fyrst og fremst á sig sem ímyndarsmið íslensku þjóðarinnar. Einnig að hugmyndir hans um ímynd Íslands hafi ekkert breyst frá því sem þær voru fyrir hrun;  á Íslandi er allt best, hverju sem tautar.

 

Stuðluðu að vexti eftir kreppu

Athugasemdir

[hilmar jónsson, 22.9.2011 kl. 13:03]

Nauðvörn Ólafs í embætti forseta hefur ekki mikla reisn yfir sér þessa dagana..

[Viggó Jörgensson, 22.9.2011 kl. 15:14]

Besti forsetinn er hérlendis.

Þ

[Viggó Jörgensson, 22.9.2011 kl. 15:14]

Það sér nú hver maður.

[Kolbrún Hilmars, 22.9.2011 kl. 16:21]

Svanur, Vigdís fv forseti talaði líka svona. Eini munurinn á þessum tveimur forsetum tengist tíðarandanum.

Fyrrverandi talaði um mannauðinn sem fælist í menningunni, hinn núverandi um mannauðinn sem felst í framkvæmdagleðinni.

Á öllum tímum er íslenskur mannauður semsagt mestur og bestur að mati forsetanna okkar. Í einhverjum skilningi.

Við hin óbreyttu getum svo verið sammála eða ósammála eftir atvikum.

[Svanur Gísli Þorkelsson, 22.9.2011 kl. 19:19]

Hilmar; Það er svo víða og hartað honum sótt með öllum þessu7m nýju framboðum.

Viggó; Hann er vissulega fremstur meðal jafningja.

Kolla; Jamm, það má vel vera satt en rembingur er að engu að síður.  Leiðinlegt samt að þurfa að verja svona mont fyrir þeim sem eðlilega gera athugasemdir við svona málfluttning. - Svo halda allir að þetta embætti sé eitthvað álíka og hjá Bandaríkjamönnum og þarna tali valdamesti maður þjóðarinnar. - Ég hef hingað til ekki orðið var við að fréttaskýrendur, hvað þá hann sjálfur,  séu mikið að skýra út fyrir fólki hver staða FÍ raunverulega er.