12 ára fjöldamorðingi

Í Mexíkó ríkir mikil skálmöld. Glæpaklíkur eru margar og starfsemi þeirra, bæði mannrán og eiturlyfjasmygl og sala, afar arðvænleg. Fjöldi glæpa á hverjum degi er svo mikill að lögregla og yfirvöld takast ekki á við nema brot af þeim. Almenningur er auk þess löngu hættur að tilkynna glæpi til lögreglunnar, því af þeim glæpum sem þó er tilkynnt um, enda aðeins 1,5% með sakfellingu eða refsingu.

Meðalaldur meðlima mexíkanskra glæpagenga er 16 ár. Flestir eru þeir drengir þó ungar stúlkur séu einnig hafðar með til að sinna ýmsum smáverkum.

Þessa dagana hefur ástandið í Mexíkó dregið að sér athygli heimsins vegna myndbands sem birt var á youtube sem sýnir viðtal við12 ára dreng sem kallaður er “El Ponchis”.

El Ponchis er meðlimur Suður kyrrahafs glæpa-samsteypunnar sem er afar sterk í Morelos Héraði í Mexíkó. Á myndbandinu sést El Ponchis skera dreng á háls, lúskra á öðrum og stilla sér síðan upp við hliðina á líkinu. El Ponschis er sagður vera fjöldamorðingi, blóðþyrstur með eindæmum og afar grimmur við fórnarlömb sín.

Gengi El Ponchis hefur haft þann sið að setja myndir af vopnum sínum og fórnarlömbum á netið og leiddi það loks til sérstakrar rannsóknar. Sérstök hersveit var send í síðasta mánuði til borgarinnar Tejalpa þar sem nokkrir meðlimir gengisins voru handteknir.

 

Ekki er vitað hvert raunverulegt nafn El Ponchis er, en hann komst undan ásamt Jesus Radilla sem einnig er frægur orðin fyrir glæpi sína. Talsmenn hersins segja að gengið hafi notið vernda yfirvalda í borginni og fengið að athafna sig þar að vild. Einnig töldu þeir glæpaklíkuna tengjast pólitískum samtökunum "Democratic Revolution Party".  (PRD).

Jesus Ralla er samstarfsmaður  El Ponchis, sem er sagður aðeins 12 ára. El Ponchis er sagður hafa tekið þátt í pyndingum og morðum á fjölda manns en nákvæm tala þeirra hefur enn ekki komið fram  Eftir að hafa drepið fórnarlömb sín, hendir drengurinn líkum þeirra gjarnan á fjölfarin vegamót eða skilur þau eftir á bílastæðum smáborga víðsvegar um héraðið.

Glæpina fremur  El Ponchis gjarnan að viðstöddum stúlkum sem eru taldar vera systur hans, þekktar í Tejalpa undir nafninu “Chavelas.” Þær eru sagðar hjálpa til við að koma líkunum af fórnarlömbum El Ponchis þangað sem ákveðið hefur verið að skilja þau eftir.

Mexíkó er ellefta fjölmennasta land í heiminum og fjölmennasta spænskumælandi þjóðin. Með um 111 milljónir íbúa er landið tiltölulega þéttbýlt. Eftir því sem næst verður komist er talið að 7,48 milljón glæpir séu framdir í landinu árlega, en rétt um 64.000 þeirra tilkynntir til yfirvalda.

15% af þeim eru rannsakaðir en aðeins 4% þeirra lýkur með dómi vegna þess hversu yfirvöldum gengur illa að fara að lögum. Hver rannsókn tekur að meðaltali 130 daga.

 

Athugasemdir

[Óskar Þorkelsson, 14.11.2010 kl. 15:48]

það er verið að tala um það í USA að senda sérþjálfað lið bandarískra hermanna til að berjast við þær klíkur sem stjórna landamærunum að Bandaríkjunum, en mexicönsk stjórnvöld þráast við. 

Talið er að fjöldi látinna í átökum eiturlyfjabarnóna mexico sé að nálgast tölu fallina í afghanistan frá innrásinni þar..  

[Gunnar Waage, 14.11.2010 kl. 16:10]

Þeir rannsaka aldrei neitt og ef þú hringir á lögguna vegna innbrots þá koma þeir bara og ræna restinni.

[Gunnar Waage, 14.11.2010 kl. 16:16]

Annars er allt dæmið riggað ef út í það er farið. Af því að Óskar nefnir USA í þessu þá er það nú svo að Bandaríkjamenn eru í Kólumbíu í samvinnu við stjórnvöld þar. Engu að síður flæðir kókið upp í gegn um Mexíkó frá Kólumbíu.

Mexíkó framleiðir ekki neitt, þeirra sérgrein er transport og stjórna þeir því öllu saman. Gróðinn er gríðarlegur og það er merkilegt að USA skuli ekki hafa beytt hervaldi til að uppræta framleiðsluna. Það gegnir ákaflega takmörkuðu hlutverki að aðberjast við transportið, ef allt væri eðlilegt þá myndu þeir stöðva framleiðsluna, það vilja þeir ekki.

[Gunnar Waage, 14.11.2010 kl. 16:24]

Í NAFTA eru ákvæði um umbætur sem Mexíkó þarf að fullnægja ef þeir eiga að halda sig við gefnar forsendur. Þessi ákvæði eru ástæðan fyrir því að gangsett var þetta crackdown á glæpi í landinu fyrir nokkrum árum, nánar til tekið með tilkomu Vicente Fox fyrrverandi ríkisstjóra en hann hafði getið sér gott orð fyrir zero tolerance policy.

Hann var með ýmsar metnaðarfullar áætlannir eins og að leggja niður PGR sveitirnar í þeirri mynd sem þær voru og það er engin spurning að hann stakk upp og rótaði vel í jarðveginum, allt fór að loga þarna í byssubardögum og ekki var lengur líft í landinu:).

Bandaríkin hagnast einnig á slæmu ástandi þarna niður frá. Það er auðvelt að spila á kerfið þarna, auðvelt að múta og gera bissness. Það hentar Bandaríkjunum vel. Nýlendustefnan hjá þeim blómstrar í þessum jarðvegi sunnan við landamærin. 

[Óskar Þorkelsson, 14.11.2010 kl. 17:08]

lögleiða draslið og þá deyr þetta af sjálfu sér :)

[Svanur Gísli Þorkelsson, 14.11.2010 kl. 19:56]

Þakka þessa viðbót drengir.

[Gunnar Waage, 14.11.2010 kl. 20:28]

það var nú ekki meiningin að flooda síðuna þína Svanur:)

[Theódór Gunnarsson, 14.11.2010 kl. 21:54]

Já, Svanur.  Lögleiða draslið sem fyrst.  Þá leysist þetta einmitt af sjálfu sér eins og Óskar segir.  Það gefur auga leið.

[Axel Jóhann Hallgrímsson, 15.11.2010 kl. 08:33]

Lögleiðing myndi vissulega leysa mörg vandamálin en að sama skapi skapa önnur.

[Axel Jóhann Hallgrímsson, 15.11.2010 kl. 08:36]

-Lögleiðing á eiturlyfjum....-  átti þetta að vera

[Óskar Þorkelsson, 15.11.2010 kl. 15:36]

það er búið að ná drengnum skv þessari frétt : 

http://www.dagbladet.no/2010/11/15/nyheter/utenriks/narkotika/narkokrig/14297054/ 

þá kemur upp spurningin.. hvað er hægt að gera við hann ?