Þar sem fráskilin kona er vond kona

Það hefur komi fyrir að börn hafa látist eftir að hafa annað hvort dottið eða skriðið sjálf inn í þvottavélar sem einhverjir óvitar hafa svo sett í gang. En almennt eru þvottavélar ekki taldar hættulegar börnum. Þá er auðvitað ekki reiknað með því að móðir þeirra noti þetta búsáhald fyrir pyndingartæki eins og lýst er í þessari frétt. -

Sumar fréttir eru svo skelfilegar að það er varla hægt að segja þær. Svo er um þessa frétt sem lýsir hvernig 34 ára gömul kona pyndaði barn sitt og kyrkti það að lokum. - Þrátt fyrir óhugnaðinn sem sló mig við lestur fréttarinnar var það niðurlag hennar eins og hún er sögð í heimspressunni sem vakti mig til umhugsunar. Þar er sagt að ofbeldi konunnar gegn barni sínu hafi aukist til muna eftir að hún skildi við mann sinn og hóf að búa ein.

Þótt hjónaskilnuðum fari fjölgandi í  Japan , ríkja þar enn almennt miklir fordómar gegnvart fráskildu fólki, ekki hvað síst fráskildu kvenfólki. Þetta niðurlag fréttarinnar gefur til kynna að geðveiki konunnar standi í sambandi við skilnað hennar á einhvern hátt. Í undirtextanum er verið að segja; svona getur komið fyrir fólk sem skilur.  

En sumir kunna að spyrja, hvar var faðirinn?

Skömmin sem fylgir skilnaði í Japan gerir það að verkum að fyrrverandi hjón hittast nánast aldrei eftir skilnaðinn. Sambandið á milli þeirra er oftast algjörlega rofið.

Fordómar samfélagsins stuðluðu þarna að því að faðirinn heimsótti aldrei dóttur sína sem fyrrverandi eiginkona hans var að pynda til dauða.

Setti dóttur sína í þvottavél

Athugasemdir

[Kristín Kristjánsdóttir (IP-tala skráð) 15.7.2010 kl. 18:22]

Það er held ég reglan í Japan við skilnað að aðeins annað foreldrið fái forræði og ef ég hef skilið það rétt þá er umgengnisréttur ekki í boði fyrir hið forsjárlausa foreldri.

Þannig að faðirinn hefur líklega ekki haft neinn lagalegan rétt til að skipta sér af dóttur sinni. Ef ég hef ekki misskilið eitthvað þá þarf í raun allataf annað foreldrið að skilja við barnið sitt um leið og það skilur við makann.

[Svanur Gísli Þorkelsson, 15.7.2010 kl. 19:37]

Samkvæmt því sem ég kemst næst er það "fjölskyldudómstóll" sem í Japan á að ákveða umgengisrétt þar sem samkomulag og hefðir eru ekki látnar ráða eins og í langflestum tilfellum skilnaða í Japan.

Þessi dómstóll hefur aðeins tvær lagagreinar í almennum japönskum lögum til að styðjast við og því afar illa búinn til að tryggja rétt foreldra sem hann þurfa að sækja hann dómstólaleiðina.

Málin enda því yfirleitt eins og þú lýsir Kristín, annað foreldrið fær oftast fullan yfirráðarétt yfir afkvæmunum.

[Hannes, 15.7.2010 kl. 19:56]

Það er því miður til fullt af vanhæfum foreldrum.

Áhugavert hvernig þessum málum er háttað í Japan.