Heiðarlegur alkóhólisti

Hér í borg (Bath), eins og í svo mörgum borgum Bretlands er talvert um útigangsfólk. Oft víkur það sér að vegfarendum og biður þá um peninga.

Algengasta betllínan er einhvern veginn á þennan veg; "Ég er heimilislaus og á ekki fyrir gistingu í athvarfinu í nótt. Geturðu séð af einhverri smámynnt handa mér."

Svarið er venjulega "því miður er ég ekki með neina smámynt á mér"

Í gærkveldi brá dálítið öðru við. Að mér vék sér maður og spurði kurteislega; "Má ég eiga við þig orð?"

Þegar ég jánkaði því kom þessi rulla sem ég hafði aldrei heyrt áður;

 "Ég er heimilislaus og ég er alkóhólisti. Mig vantar 30 pens svo ég eigi fyrir næstu flösku. Viltu gefa mér þau?"

Ég gaf honum 50 pens, 30 svo hann gæti keypt sér flöskuna og 20 fyrir hreinskilnina ;=)

 

Athugasemdir

[Hannes, 10.6.2010 kl. 23:56]

Það er gott að heyra að sumir aumingjar sér hreinskilnir um stöðu sína og hvað þeir ætla að gera fyrir peninginn.

Bara að stjórnvöld og pólitíkusar væru þetta hreinskilnir.

[Þorsteinn Helgi Steinarsson, 11.6.2010 kl. 01:00]

Ég mætti einu sinni einum í NY sem bar skilti sem á stóð: "Trying to raise one million dollars for alcoholic research". Ég gaf honum dollar.

[Gunnlaugur Ingvarsson (IP-tala skráð) 11.6.2010 kl. 17:45]

Sæll Svanur Gísli.

Já Bath borg er svo sannarlega ein af mest sjarmerandi og alfallegustu og hreinlegustu borgum Englads og jafn vel heimsins alls. En er samt ekki laus við mannlegar þrautir og harmleiki velmegunarinnar.

Flott hjá þér að gefa honum aðeins meira fyrir hreinskilnina og líka aðeins meira en hann bað um. 

[Steinunn Helga Sigurðardóttir, 12.6.2010 kl. 18:12]

Frábært :o)

[Óskar Arnórsson, 12.6.2010 kl. 19:20]

Hreinasta snilld! Svona eiga menn að vera..:)