Fimmtugur á morgunn - Til hamingu með daginn Michael Joseph Jackson

Hann er frægasti einstaklingur á jörðinni samkvæmt fjölda skoðanakannanna sem gerðar hafa verið á síðastliðnum árum.

Líklega finnst öllum niðurstöðurnar svo ótrúlegar, hvernig er öðruvísi hægt að skýra fjölda þessara kannanna.

Já frægastur allra lifandi í heiminum og frægastur allra sem lifað hafa, frægari en Kristur og Buddha, frægari en Drottningin eða Diana prinsessa.

Hann heitir Michael Joseph Jackson (f. 29. ágúst 1958)og verður fimmtugur á morgunn.

En samt vita afar fáir hvernig hann lítur út í dag. Andlit hans hefur tekið miklum breytingum í fjölda lýtaaðgerða og hann hefur þann sið að fela það með grímu, treflum eða bak við risastór sólgleraugu.

Fyrir nokkrum mánuðum gekk sá orðrómur að hann hefði hug á að flytjast til Englands frá Dubai, þar sem hann hefur átt heimili eftir að hann hrökklaðist frá búgarðinum og dýragarðinum sínum Neverland í kjölfarið þess að hafa verið sýknaður af ásökunum um barnaníð fyrir þremur árum. 

Sagt var þá að hann hefði áhuga á að taka aftur upp samstarf við bræður sína þá Jermaine, Tito, Marlon og Jackie og endurreisa þar með Jackson five.

Sá orðrómur er nú að fullu niðurkveðinn, enda hefur komið í ljós að Michael hefur ekki talað við bræður sína síðan hann var sýknaður. -

Jafnframt fylgir sögunni að bræðurnir hafi gert sitt besta til að ná í Michael til að rukka hann um 840.000 dollara sem þeir segja hann skulda þeim í stefgjöld fyrir Jackson 5 tónlistina.

Búist er við að bræðurnir stigi allir á svið þegar þeir taka við viðurkenningu fyrir feril sinn á BMI Urban Awards samkomunni 4. sept. n.k. fyrir utan Michael að sjálfsögðu sem sagður er vera afar veikur og bundinn hjólastól um þessar mundir.

.

Athugasemdir

[Jenný Anna Baldursdóttir, 28.8.2008 kl. 09:52]

Úff, svo ruglaður maðurinn að það er ekki eðlilegt.

Ekki gaman að vera hann ímynda ég mér, amk. ekki eftir að nefið gaf sig.

Sorglegt.

[Rúna Guðfinnsdóttir, 28.8.2008 kl. 10:50]

Æ aumingja karlinn. Mér hefur alltaf þótt svolítið vænt um hann og vildi aldrei trúa barnaníðinu uppá hann, þó svo að svoleiðis krimmar leynist hvar sem er.

Ég hef aldrei hlustað á tónlist hans nema þekki eitt lag þó, það ér I´m bad....eitthvað

Hann er örugglega mikið skemmdur, bæði á sál og líkama. Þessi fallegi þeldökki drengur orðinn að hálfgerðu snmjóhvítu skrímsli.

Heill þé fimmtugum, Michael Joseph Jackson!

[Hólmdís Hjartardóttir, 28.8.2008 kl. 11:25]

ææ......skelfing að sjá þennan mann.

[Gulli litli, 28.8.2008 kl. 11:38]

Úhuhuhu Im bad!

[Guðbjörg Erlingsdóttir (IP-tala skráð) 28.8.2008 kl. 16:58]

Sko ef hann er orðinn fimmtugur og Madonna líka þá,... bíddu nú við hef ég þá elst eitthvað hmmm........ nah!

En grey kallinn það er sorglegt að horfa á hann í dag, vil frekar muna hann eins og hann leit út þegar hann söng I´M BAD !

Takk fyrir pistilinn,

kveðja

[Svanur Gísli Þorkelsson, 28.8.2008 kl. 19:54]

Krakkar, ég hef það nú á tilfinningunni að hann hefði aldrei farið út í þessar lýtaaðgerðir ef hann hefði haft minnsta grun um að að hann mundi enda eins og maðurinn með vaxgrímuna.

[Brattur, 28.8.2008 kl. 21:31]

... samdi flott lög... en sorglegt að eyðileggja sig andlega og líkamlega... úff... heppinn að vera ekki frægur...

[Óskar Þorkelsson, 28.8.2008 kl. 22:05]

hey.. ég og Mæk eigum sama afmælisdag... kúl :)

[Svanur Gísli Þorkelsson, 28.8.2008 kl. 23:12]

Til Hamingju með daginn Óskar minn, and many moore....