Að borða gull með hreistruðum vörum

Þrátt fyrir allar efnahagslegu þrengingarnar sem heiminn plaga er ekkert lát á því að fólk stundi flottræfilsháttinn að borða gull. - Matreiðslumenn á "The Emirates Palace hótelinu í Abu Dhabi matreiddu fimm og hálft kíló af gulli á síðasta ári og búast við að í ár muni það magn auðveldlega tvöfaldast.

Meðal verð á 11 kílóum af 24 karata gulli er í kringum ein milljón dollara um þessar mundir  en Gull er á hraðri siglingu upp á við í verði og þess vegna má búast við að hótelið þurfi að breyta verðum á matseðlinum svo til daglega.

Vinsælast er gullið meðal rússneskra auðjöfra sem finnst fínt að gleypa málminn með kavíar eða ostrum.

Í Bandaríkjunum er einnig að finna nokkra veitingastaði sem elda gull fyrir viðskiptavini sína og setja það í osta "truffle" eða sprauta því inn í  úlfaber. Þá má einnig fá þar gullhúðaðan í rjómaís á litla 25.000 dollara og súkkulaðistykki með gullmolum fyrir meðal bílverð.

Gull er vita bragðlaust en hefur verið gefið E númerið 175. Á miðöldum þótti það tákn um mikið ríkidæmi að skreyta mat og/eða drykk með gulli. Það þótti einnig líklegt að slíkt verðmæti væri á einhvern hátt heilsusamlegt að innbyrða, sem það reyndar er í vissum tilfellum.

Gull duft hefur í gegnum tíðina verið notað í ýmis fegrunarsmyrsli og jafnvel varalit.

Í mörgum tegundum varalita, einkum hinna dýrari, er efni sem kallað er perlukjarni. Efnið er silfurlitað og finnst einnig í naglalakki og postulínshúð en það hlápar til að láta þessi efni sindra. Perlukjarni er að stærstum hluta unnin úr síldarhreistri.

Athugasemdir

[Hólmdís Hjartardóttir, 9.10.2009 kl. 04:09]

Ekki er öll vitleysan eins.

[Jenný Stefanía Jensdóttir, 9.10.2009 kl. 04:14]

Uppáhalds jóla líkjörinn minn heitir Goldschlager.  Ítalskur snapps meö kanelbragði og .......... real gold flakes.

Hmmmm veit ekki hvort ég hafi lyst á honum, eftir að hafa lesið um gullflögu pastað sem Landsbanka "snillingurinn" og hans skósveinar átu iðulega í útlöndum!

[Jenný Stefanía Jensdóttir, 9.10.2009 kl. 04:17]

Hugsa að ég sigti flögurnar frá, safni þeim saman og selji á 900$ únsuna! 

[Eygló, 9.10.2009 kl. 10:23]

Hrædd um að ég næði ekki í eyrnalokk þótt ég sigtaði frá. Gullneysla mín undanfarin ár hefur ekki verið í þeim mæli...

[Ingó (IP-tala skráð) 9.10.2009 kl. 13:07]

Þetta er ein af tilgangslausustu athöfnum mannsins. Að borða gull ég myndi skilja það ef gullið gæfi gott bragð. Þetta er eins og í súrelískri sögu. Eftir nokkur hundruð ár verður talað um þetta eins og við tölum í dag um fall rómarveldis.

kveðja Ingó

[Finnur Bárðarson, 9.10.2009 kl. 15:06]

Já ég man eftir þessu líkjör með alvöru gullflögur svífandi. Þetta var löngu áður en orðið efnahagshrun var fundið upp. Ég held að Ingó hafi rétt fyrir sér um samlíkinguna við Rómaveldi. Kanski þurfum ekki að bíða nema í 20 ár.

[TARA ÓLA/GUÐMUNDSD., 9.10.2009 kl. 18:28]

Þetta er bara úrkynjun, mistök Guðs hver veit. En það er mygrutur af svona fólki til og ég fyrirlít það.

[sigurvin (IP-tala skráð) 9.10.2009 kl. 21:07]

Ég hef fyrir satt að gullverð hafi tekið að hækka hratt þegar íslenskir auðmenn fóru að taka fjármuni sína útaf reikningunum á Tortola og víðar og kaupa fyrir þá gull. Nú eru auðæfin víst geymd í öryggishólfum, í gullformi, aðallega í Sviss. Þetta flokkast líklega sem nauðsynlegt matvælaöryggi.

[Hildur Helga Sigurðardóttir, 10.10.2009 kl. 07:56]

Var það ekki blý, frekar en gull, sem fór endanlega með Rómverja ?

[Brjánn Guðjónsson, 11.10.2009 kl. 16:11]

var það ekki tin sem fór með Rómverjana? þeir drukku t.a.m. úr tinbikurum. tin er þó stundum blýblandað til að gera það mýkra.