Japanir taka af lífi gamalmenni á áttræðis aldri.

Eftir að hafa borðað morgunmat á jóladag árið 2006 var þremur öldruðum japönskum föngum og miðaldra fyrrum leigubílstjóra tilkynnt að þeir yrðu hengdir eftir klukkustund. Þeim var skipað að hreinsa klefa sína, biðja bænir sínar og skrifa erfðaskrár sínar. 

Einn þeirra, Fujinami Yoshio, 75 ára fangi á dauðdeildinni skrifaði á snepil sem hann sendi til stuðningsfólks síns, áður en honum var ekið að gálganum í hjólastól; "Ég get ekki gengið sjálfur, ég er veikur, samt getið þið fengið ykkur til að drepa slíkan mann. Ég ætti að vera sá síðasti."  

Japanir hafa löngum haft orð á sér fyrir að vera ólinir við sakamenn. Í Japan enda 99% af málum sem koma fyrir dóm með sakfellingu hins ákærða. Þá er einnig til þess tekið að stærsti hluti ákærðra játar á sig glæpinn. 

Í Japan er dauðarefsing enn við lýði og nýtur mikils fylgis meðal almennings en 102 fangar bíða nú aftöku á dauðadeildum ríkisins. Margir þeirra eru háaldraðir og hafa verið geymdir í einangrun í tugi ára.

Aðstaða þeirra er svo skelfileg að Amnesty International  (AI) hefur nýlega sent frá sér greinagerð þar sem fullyrt er að margir þeirra séu þegar orðnir geðveikir af vistinni. AI fer fram á að öllum aftökum í landinu verði frestað og gengið verði úr skugga um geðheilsu fanganna þar sem alþjóðleg lög kveða á um að ekki megi taka af lífi geðveika einstaklinga. Þá geri japönsk lög ráð fyrir hinu sama.

Talsmaður IA telur að meðferð fanganna á dauðdeildunum einkennist af "þögn,einangrun og algeru tilvistarleysi".

Fangar eru látnir vita af aftöku sinni með mjög skömmum fyrirvara. Þeir fá aðeins að hreyfa sig þrisvar í viku en verða þess á milli að sitja kyrrir í klefum sínum. Samskipti við aðra fanga eru engin. Af þessum sökum þjást þeir af geðsjúkdómum og ímyndunum.

Frá 1. janúar 2006 til 1. Janúar  2009 hafa 32 fangar verið teknir af lífi Japan. 17 þeirra voru eldri en 60 ára. Fimm voru á áttræðisaldri.

Athugasemdir

[Vilhjálmur Örn Vilhjálmsson, 10.9.2009 kl. 05:23]

Er myndin þín frá Japan?

Þetta er hörmulegt. En þá er mér strax hugsað til ættingja fórnarlambanna... hvernig ætli geðheilsan sé hjá þeim?

[Brattur, 10.9.2009 kl. 09:59]

Úff... tekexið snérist við í maga mínum við þennan lestur...

[Björn Rosdahl (IP-tala skráð) 10.9.2009 kl. 10:01]

Ótrúlegt að það sé enn dauðarefsing við lýði í ríki eins þróuðu og Japan er á flestum sviðum, þ.á.m. í siðum og iðnaði.

Athyglisvert hins vegar að þú skulir birta mynd af kínverskum hermönnum (og væntanega kínverskum fanga) með þessari færslu.

[Svanur Gísli Þorkelsson, 10.9.2009 kl. 11:40]

Ég biðst forláts á að birta ranga mynd með þessum pistli. Sú fyrri var að sönnu frá Kína og ég þakka glöggum lesendum fyrir ábendinguna.

[Óskar Þorkelsson, 10.9.2009 kl. 12:50]

já ekki var þetta þægilegur lestur... en munurinn á kína og japan virðist vera sá að í kína ertu dæmdur til dauða og skotinn fyrir aftan hús samdægurs (nema þegar þeim vantar líffærin)... ekkert verið að draga þetta í áratugi eins og japan og USA gera....

[Arnar, 10.9.2009 kl. 14:48]

Dauðarefsingar eru sorglegt fyrirbæri, hvort sem þær eru í Japan, BNA eða Íran.  Reyndar ef ég spái í það, þá finnst mér það verra að 'vestræn' lönd eins og Japan og BNA framfylgi dauðarefsingum.

Mig langar samt að benda á að orðalagið

.. þremur öldruðum japönskum föngum og miðaldra fyrrum leigubílstjóra ..

finnst mér skondið (óháð efninu.. til að hafa það á hreinu).  Það er eins og að miðaldra fyrrum leigubílstjórinn hafi ekki verið fangi heldur bara svona óvart kippt með eða eitthvað.

[Svanur Gísli Þorkelsson, 10.9.2009 kl. 15:19]

Já , skondið Arnar með leigubílstjórann. Ég var svo upptekin af því að koma því til skila að þeir hefðu verið aldraðir þessir þrír 

[Sigurður Þór Guðjónsson, 10.9.2009 kl. 22:57]

Það sem er líka hryllilegt við þessa frétt er það að mönnunum hefur verið haldið í eingangrun í jafnvel áratugi. Það hlýtur líka að vera eitthvað bogið við það réttarkerfi þar sem 99% mála fyrir dómi enda með sakfellingu.

[Rúna Guðfinnsdóttir, 10.9.2009 kl. 23:37]

Vonandi hafa þeir átt þetta skilið!

[Svanur Gísli Þorkelsson, 10.9.2009 kl. 23:48]

Sigurður;

Það er eitt og annað sem þarna kemur til Sigurður. Sjálf halda stjórnvöld því fram að vandað sé til málsbúnaðar og þess vegna viðurkenni allir brotin þegar að sönnunargögnin eru svona yfirþyrmandi. Mannréttindasamtök segja að fangar þurfi að þola mikið harðræði þar til þeir viðurkenna brot sitt, auk þess sem tillit er rekið til þess af dómurum ef játning liggur fyrir. Í sjónvarpsþætti sem ég sá um málin fyrir margt löngu var komið inn á skömmina sem fylgdi því að lenda í fangelsi. Margir játa því strax og forðast þar með að komast í blöðin. Þátturinn sýndi fram á að margir sem sagðir voru á ferðalagi eða að vinna í fjarlægum bæjum voru í fangelsum.

Rúna:

Ég veit ekki um glæpina, en það hefur aldrei þótt sérstaklega mannúðalegt að drepa veika einstaklinga.

[Sigurður Þór Guðjónsson, 11.9.2009 kl. 00:58]

Vegna orða Rúnu: Það á enginn fangi skilið ómannúðlega meðferð, eins og t.d. þá að vera í ei nangrun áratugum saman. Viðhorf  sumra Íslendinga til fanga sem sést stundum á bloggi er reyndar kapituli út af fyrir sig.

[Hannes, 11.9.2009 kl. 01:11]

Það er slæmt að bíða svona lengi með að framfylgja dauðarefsingum því að hvert ár sem aðilinn er á dauðadeild er dýrt fyrir Japanskt samfélag. Það væri betra að ljúka þeim af inann 6mán. Það er bæði mannúðlegra og ódýrara fyrir samfélagið.

Er fylgjandi dauðarefsingum og vil að þær séu teknar upp hér á landi.

[Svanur Gísli Þorkelsson, 11.9.2009 kl. 01:25]

Fyrir hvaða glæpi viltu láta drepa fólk fyrir Hannes?

Já það væri örugglega hagkvæmara að drepa þá strax. En mér blöskrar nú allt annað í sambandi við þetta heldur en sóun Japana á fjármunum samfélagsins.

Sigurður; Satt segirðu, fyrir sumum hættir fólk að vera fólk um leið og það lendir í fangelsi.

[Ingó (IP-tala skráð) 11.9.2009 kl. 08:50]

Ég segi eins og Stormtroperin "ef þú ert meðal grunaðra, þá ertu sekur, því annars værir þú ekki grunaður"

ps er ekki hægt að setja íslenskar gæsalappir

[Hannes, 11.9.2009 kl. 19:23]

Svanur. Ég vil taka upp dauðarefsingu fyrir morð og eiturlyfjasmygl.

[Ingó (IP-tala skráð) 11.9.2009 kl. 19:33]

Hvað með einstaklinga sem eru neyddir til þess að gerast burðardýr. ætti að dæma þá svo hart.

[Hannes, 11.9.2009 kl. 19:36]

Ingó það ætti að bjóða þeim að gefa sig fram áður en Þeir fara í gegnum hliðið ef þeir gera það ekki þá er svarið já. Ef magnið er það mikið að það fer ekki milli mála að það er ekki til einkanota.