Gvöð nei, ég vissi ekkert!!

Hún er eiginkona fyrrverandi Bankastjórans. Hún seldi bréf sem hún átti í bankanum fyrir 55 millur , rétt fyrir hrun. Það þarf ekki mikið ímyndunar afl til að geta sér til um hver vörn hennar verður.

Nei, þetta voru sko ekki innherjaviðskipti. Hún vissi ekkert um í hvert stefndi með SPRON. Þótt maðurinn hennar hafi verið bankastjóri þá var aldrei talað um mál bankans inn á heimilinu eða annarsstaðar í hennar áheyrn.

Nei bíðið nú aldeilis hæg. Hmm. Það var hann sem vissi ekkert. Sjálfur stjórinn hafði ekki hugmynd um hvernig bankinn var staddur. Allir aðrir stjórar voru ansi glúrnir við að koma sínu fé úr bönkunum í öruggt skjól. Ekki hann. Hann sat eftir með sárt ennið, nema hvað hann , eða hún fékk þessar skitnu 55 millur.

Ég veit ekki hvort er verra að játa á sig þau afglöp að hafa ekki fylgst með gangi mála og ekkert vitað að bankinn riðaði á barmi gjaldþrots, eða að hafa hvíslað að konu sinni;  þetta er allt að far í kalda kol, seljum eins mikið og við getum. -

Já, það er líka komið í ljós að þótt hún hafi selt  bréfin voru þau sameiginlegar eigur þeirra hjóna; "Ég vil líka taka fram að mjög lítill hluti af sameiginlegri eign okkar hjóna í SPRON var seldur á þessum tíma eða 7% enda höfðum við miklar væntingar um framtíð SPRON og héldum eftir 93% af stofnfjárbréfaeign okkar í sparisjóðnum." segir Guðmundur.

Svo er saksóknari efnahagsbrotadeildar ríkislögreglustjóra greinilega beintengdur inn í hausinn á Guðmundi, því hann hefur staðfest að hann viti að Guðmundur vissi ekkert.

Kemur nokkuð til greina að skila aftur peningunum til  Davíðs Heiðars sem Guðmundur bar ábyrgð á að töpuðust? He he...Nééé.

Guðmundur: Bjó ekki yfir upplýsingum

Athugasemdir

[DoctorE (IP-tala skráð) 9.9.2009 kl. 17:28]

Eftir því sem maður heyrir meira þá furðar maður sig á hverslags vitleysingar þessir menn eru allir saman, og svo hversu vitlausa þeir telja okkur vera.
Hlægilegt lið alveg... on par með þýska þingmanninum sem var tekin með barnaklám og sagði að hann væri að rannsaka hvernig barnaklámi væri dreift...

Hvernig gátu svona margir vitleysingar komist svona vel að kötlunum..

[Guðrún Þóra Hjaltadóttir, 9.9.2009 kl. 17:28]

Vont að vera svona minnislaus bankastjóri, enda fór illa.

[Svanur (IP-tala skráð) 9.9.2009 kl. 17:29]

má ég spurja þig vinur, hvaða upplýsingar heldur þú að hann hafi haft ?

[sigurður helgason (IP-tala skráð) 9.9.2009 kl. 18:23]

þetta eru mennirnir sem óðu á skítugum skónum inn í góðan og mannuskjulegan banka,

gerðu hann að gráðugu skrímsli, stálu fé af okkur sem áttum lífeirissparnað þar,

En hvað um það, ég get alveg unt honum þessar 55 miljóna  litlir peningar það,,,,,

Og enn minni þessar 2 miljónir sem þeir stáku af mér,

ég er eiginlega bara sáttur og vorkenni greiinu fyrir að það skuli vera ráðist að honum ,og svo var þetta bara konann sem gerði þessa vitleisu, ekki hækt að kenna honum um það sem konan gerir,

 það er aldrei að vita hvað þessum konum dettur í hug,enda værum við ekki í hruni ef konan hans væri við stjórn þá væri allt selt en ekki smá,

[sigurður helgason (IP-tala skráð) 9.9.2009 kl. 18:34]

Svafar,,,,,,,, ég er heimskur maður og vissi þetta einu ári fyrir vitleisuna,,,,náði ekki út lífeirissparnaðar peningunumur SPH= BYR,,,, ertu að segja að hann sé heilabauður maðurinn sem stjórnaði bankanum,,,,

það skildi þó ekki vera að það vantaði í þá heilann ekki kæmi það mér á óvart,

þeir muna ekki þegar þeir lánuðu sjálfum sér, eða hvað þeir stálu miklu hér og þar,en svo eru nokkur útlendings grei komin undir lás og slá fyrir að stela drasli.  

[Svanur Gísli Þorkelsson, 9.9.2009 kl. 19:09]

Sæll Nafni; Upplýsingarnar sem allir peningamenn höfðu korter fyrir hrun og gerðu þeim mögulegt að flytja milljarða á milli stofnana í þeim mæli að Bretar sá sitt óvænna og settu okkur á lista yfir hryðjuverkamenn eins og frægt er. Það var ekki gert af ástæðulausu.

[Hildur Helga Sigurðardóttir, 10.9.2009 kl. 02:38]

Heyrðist maðurinn segja í útvarpsfréttum í kvöld að enginn honum nákominn hefði selt bréf í sjóðnum -nema konan hans...

[Svanur Gísli Þorkelsson, 10.9.2009 kl. 02:40]

Æ, þetta er svo pínlegt. Ekki vildi ég vera hann. Og þó, hvað eru þessi 93% sem hann á eftir af bréfum mikils virði?

[Hildur Helga Sigurðardóttir, 10.9.2009 kl. 02:43]

Eru svo allir búnir að gleyma Baldri Guðlaugssyni, ráðuneytisstjóra, sem sat trúnaðarfundi með íslenskum og breskum ráðherrum, rauk til og seldi allt strax eftir þá, en rétt fyrir hrun.

Þar að auki ótrúlega háa upphæð, sem jafnvel ekki íslenskur embættismaður á góðum launum hefði með góðu móti átt að eiga í handraðanum.

Enn ein röðin af heppilegum tilviljunum.

[Svanur Gísli Þorkelsson, 10.9.2009 kl. 02:56]

Hvað ertu að espa mig svona fyrir svefninn. Baldur?? Hver passar hann núna??

[Hildur Helga Sigurðardóttir, 10.9.2009 kl. 03:56]

Hann var settur í örstutt -launað- leyfi og síðan færður milli ráðuneyta.

Sorrí, þú ert vonandi löngu sofnaður...

[Hildur Helga Sigurðardóttir, 10.9.2009 kl. 03:58]

p.s. ef ég man rétt var upphæðin 90 milljónir.

[Halla Rut , 10.9.2009 kl. 11:46]

Þessi spilling ætlar aldrei að taka enda. Þvílíkt innrætti hjá þessu fólk. Hvernig verður maður svona?

[Svanur Gísli Þorkelsson, 10.9.2009 kl. 12:04]

Sæl Halla Rut.

Auðvelda svarið er ; Margur verður af aurum api. Flóknara svarið felur í sér viðurkenningu á langvarandi innrætingu þjóðarinnar á "efnishyggju", að ekkert geri menn hamingjusamari og ekkert sé eins verðugt og að vera ríkur. Því ríkari, því voldugri og því mikils metnari ertu. - Því miður þá var þetta álitin sannur boðsskapur þótt eitthvað kunni að hafa breyst síðustu misseri, en það á þá eftir aðkoma í ljós. Sé ekki betur en að fólk sé enn við sama heygarðshornið hvað  "efnishyggju" og auðæfa dýrkun varðar.

Alla vega eru það enn aðeins þeir sem eiginlega enga peninga eiga sem tala um spillingu og krefjast réttlæti. Hvaða peningamaður hefur t.d. komið fram og iðrast hvað þá boðað yfirbót. Ekki eins. Þeir gera ekkert annað en að afsaka sig, segjast vera alsaklausir af öllum misgjörðum og hafi í versta lagi gert smá mistök.

Þetta sýnir greinilega innræti þeirra og upplag.

[Halla Rut , 10.9.2009 kl. 12:11]

Sannleikurinn- algjörlega - því miður.

[Svanur Gísli Þorkelsson, 10.9.2009 kl. 12:38]

 

Skilgreining á fjárhagslega tengdum aðilum.

Eftirtaldir aðilar skulu teljast fjárhagslega tengdir innherjum í skilningi IX. kafla verðbréfa­viðskipta­laga og reglna þessara:

1. Maki, maki í staðfestri samvist og sambúðarmaki,
2. ófjárráða börn, kjörbörn og stjúpbörn á heimili innherja,
3. önnur skyldmenni sem búa á heimili með innherja og hafa búið á heimili með innherja í a.m.k. eitt ár þegar viðskipti eiga sér stað,
4. lögaðili:

	a)	sem lýtur framkvæmdastjórn innherja eða aðila sem talinn er upp í lið 1, 2 og 3 hér að framan,
	b)	sem er stjórnað með beinum eða óbeinum hætti af innherja eða aðila sem er talinn upp í lið 1, 2 og 3 hér að framan,
	c)	annar en í lið a eða b ef fjárhagslegir hagsmunir hans eru samtvinnaðir hagsmunum innherja eða aðila sem talinn er upp í lið 1, 2 eða 3 hér að framan.

[Halla Rut , 10.9.2009 kl. 13:01]

Ætli kerlingin hafi nokkuð vitað að hún var að selja þessi bréf. Þessir menn nota alla í kringum sig til að flækja málin sem mest og best.

[Svanur Gísli Þorkelsson, 10.9.2009 kl. 13:27]

Googlaðu nafnið hennar og þá sérðu að hún er ekki beint óvön að fara með fjármuni.

[Guðrún Þóra Hjaltadóttir, 10.9.2009 kl. 15:06]

Það er nú alls ekkert öruggt að hún sé að fara með nokkra fjármuni er hennar nafn ekki bara notað til að fegra hlutina.

[Halla Rut , 10.9.2009 kl. 18:08]

Ég sé að hún kann að friða samviskuna. Svona er þetta nú oft. Hún hefur kannski farið í læri hjá Björgólfsfeðgum, þeir kunna þetta. Brosa framan í fólk og strjúka því en ræna það svo bakdyramegin.