Síðustu dagar Gordons Brown sem forsætisráðherra Bretlands

Nú fjarar fljótt undan pólitískum stuðningi við Gordon Brown, forsætisráðherra Bretlands. Fjórir ráðherrar í stjórn hans hafa fokið á tveimur dögum, fjöldi þingmanna í flokki hans hafa sagt af sér. Fleiri áföll af sama tagi eru í farvatninu.  Fylgi flokksins mælist nú um 16%. Bæjar og Evrópuþing-kosningar fara fram á morgunn og ef útkoman úr þeim verður að verkamannaflokkinn fær 20% eða minna, eru dagar Browns í ráðherrastól taldir. Þegar er byrjað að safna undirskriftum meðal þingmanna verkamannafloksins til að skora á hann að segja af sér. Gordon er að reyna að endurskipuleggja ríkisstjórn sína en engir vilja gefa eftir ráðherrasæti sín og enn færi taka þau lausu  sem í boði eru.

Það er komið að skuldadögum herra Brown.

Gordon lýsti því yfir í þinginu á sínum tíma að hann væri búinn að semja um skuldir Icesave við AGS. AGS neitaði þessu. En það er öruggt að eitthvað var makkað um Ísland á laun.  Komið hefur í ljós að Gordon setti það skilyrði fyrir því að inngönguumsókn Íslands í ESB fengi meðferð,  að Icesave skuldin yrði borguð eða tryggð af Íslandi að fullu. Til að fylgja þessu eftir, frysti hann eigur Íslands í Bretlandi og  beitti til þess lögum sem ætluð voru til að stöðva fjárþvott og aðgang hryðjuverkasamtaka að fjármagni.

Nú er hann á förum og það sem hann sagði við Ingibjörgu Sólrúnu á sínum tíma skiptir þá ekki lengur máli. Það sem Árni Matt sagði eða sagði ekki við Darling, skiptir heldur ekki máli. Darling verður sá næsti til að yfirgefa stjórn Browns.  

Íslendingar ættu því að bíða með undirskriftir á Icesave nauðungarsamningunum um stund og sjá til. Um leið og Gordon fer, leysast ýmiss samskiptamál sem staðið hafa í vegi Íslands til að ná réttlátari samningum um Icesave skuldirnar í Bretlandi. Talað er um að ný stjórn geti tekið við eftir aðeins 23 daga. Er ekki rétt að bíða og sjá til?

Athugasemdir

[Kolbrún Hilmars, 4.6.2009 kl. 18:21]

Svanur, ég ætla rétt að vona að þú hafir rétt fyrir þér.  Enn betra ef einhver tæki mark á því. 

Hérlendis er því hins vegar hvíslað að íslenska samninganefndin um Icesave (með Svavar Gestsson í forsæti) hafi annað hvort skrifað undir eða stefnt að því að skrifa undir þessi ósköp nú í dag. 

Auðvitað veit íslenskur almenningur ekki neitt um neitt;  nú eru öll okkar mál svo mikið uppi á borðum að þau sjást ekki einu sinni.

[Svanur Gísli Þorkelsson, 4.6.2009 kl. 18:45]

Sæl Kolbrún. Ef samninganefndin er í Bretlandi hlýtur hún að sjá "hvað ritað er á vegginn". Hér ganga allir fréttskýrendaþættir út á að reikna út hvenær Gordon fer. Gat ekki Svavar misstigið sig eða fengið hálsbólgu eða eitthvað?

Já og ég hef tekið eftir því að upplýsingaflæðið sem lofað var er komið á kvef og stíflaða nef stigið. Það dropar úr því.