Svanir á Avon á

Í gegnum miðja borgina Bath á Englandi rennur áin Avon. Avon þýðir reyndar "á" á keltnesku en líklega voru það Rómverjar sem festu þetta heiti við ána í sessi og það er í sjálfu sér auðvelt að ímynda sér hvernig það gerðist. Bókstaflega þýðir fyrirsögnin því; Svanir á á á.

Þar sem ég bý svo til á árbakkanum eru gönguferðir mínar oftast meðfram ánni. Áin er lygn og í henni er að finna fjölda skipastiga sem gera skurðabátum mögulegt að sigla um hana. Skurðabátar þessir sem áður fyrr voru helstu vöruflutningatæki þessa svæðis, eru nokkuð vinsælir sem fastabústaðir og liggja því summir hverjir bundnir við bakkann allt árið.

Fyrir nokkrum vikum veitti ég athygli svanapari sem var í óða önn að byggja sér hreiður við árbakkann, spölkorn frá íbúðinni minni.

Í heiðrið verpti frúin fimm eggjum. Nokkrum dögum seinna missti hún eitt þeirra út fyrir hreiðrið og það festist milli greinanna sem þau höfðu hrúgað saman til að vera undirstöður hreiðursins.

Þrátt fyrir mikið bras og óteljandi tilraunir tókst þeim hjónum ekki að bjarga egginu upp í hreiðrið aftur.  En fjögur egg eru eftir og nú bíð ég, eins og þau væntanlega líka, spenntur eftir að þau klekist út en það getur tekið allt að einn og hálfan mánuð er mér sagt.

Eins og svana er siður, svamlar karlfuglinn í kringum hreiðrið og sest sjálfur á eggin þegar frúin þarf að bregða sér frá. Ég smellti þessum myndum af frúnni í dag. Hún var allt of upptekin við að snyrta sig og veitti mér litla athygli. Aldrei þessu vant var karlinn hvergi nærri. Vona að ekkert alvarlegt hafi komið upp á.

Athugasemdir

[Hildur Helga Sigurðardóttir, 23.5.2009 kl. 17:46]

Sæll Svanur, Gaman að sjá þig blogga um nafna þína og nöfnur.

Þú veist væntanlega að aðeins tveir aðilar á  Englandi hafa -ævaforna- heimild til að hafa svani á borðum, sumsé nýta til átu.

Drottningin og St. Johns College, Cambridge. 

Now be a good boy and stay away from both !

[Svanur Gísli Þorkelsson, 23.5.2009 kl. 19:54]

Einmitt Hildur

Annars verður nætsa færsla einnig um nafna mína, eða næstum því, og þá úr allt annrri átt.

Ég hef reyndar komið til Cambridge og leyst ekkert á blikuna. Fannst borgin ekki standa undir lofinu sem á hana hefur verið hlaðið. En líklega hef ég fundið á mér þessa ónáttúru þeirra sem þú minnist á.  Drottninguna hef ég líka ætíð lagt fæð á, og haldið mig fjarri henni og hennar slekti.

En takk samt fyrir aðvörunina :)