Hefur ekki baðað sig í 35 ár

Hann heitir  Kailash ‘Kalau’ Singh og er frá litlu þorpi skammt frá hinni "helgu borg" Varanasi á Indlandi. Hann er 63. ára og faðir sjö dætra. Hann hefur ekki þvegið sér eða baðað sig í 35 ár vegna þess að honum langar til að eignast son. (Af þessari nýlegu mynd að dæma er hér kannski komin góð aðferð til að halda sér ungum. Singh lítur ekki út eins og 63 ára gamall maður)

Madhusudan, einn af nágrönnum Singh, segir að sjáandi nokkur hafi mælt svo fyrir um að ef Singh baðaði sig ekki, mundi honum auðnast að geta sveinbarn með konu sinni.

Margir Indverjar óttast um afkomu sína ef þeir eignast ekki syni til að sjá fyrir þeim í ellinni. Greiða verður heimamund með stúlkum þegar þær giftast og allt sem þær vinna sér inn, rennur til fjölskyldu bónda þeirra. Stúlkubörn eru því álitin byrði frekar en blessun.

Í 35 ár hefur herra Singh ekki baðað sig, en þrátt fyrir þessa einlægu viðleitni hefur hún ekki borið árangur. Herra Singh á enn engan son.

Óhreinlætið hefur verið honum dýrkeypt. Fyrrum átti hann matvöruverslun en fór á hausinn með hana þegar kúnnarnir hættu að koma vegna þess hversu illa hann lyktaði. Í dag vinnur hann sem daglaunamaður á ökrunum í kringum þorpið þar sem hann býr. Fjölskylda hans hefur líka útskúfað honum fyrir að vilja ekki undirgangast hefðbundin böð í ánni Ganges, jafnvel ekki eftir dauða bróður hans fyrir fimm árum.

Þótt nágranni Singh segi að svona sé sagan, segist hann sjálfur ekki muna hvernig óhreinlætiseiðurinn er til kominn. Stundum segist hann gera þetta í þágu þjóðarinnar. "Ég mun enda eið minn þegar öll vandmál þjóðarinnar hafa verið leyst" er haft eftir herra Singh.

Þótt Singh neiti að baða sig upp úr vatni eða þvo sér, iðkar hann eldböð. Eldbað fer þannig fram að hann stendur á einum fæti nálægt litlum eldkesti, reykir maríjúana og fer með bænir til drottins Shiva. Hann segir að eldsböð séu alveg jafn góð og vatnsböð því eldurinn drepi allar bakteríur og veirur.

Herra Singh þrífur að sjálfsögðu heldur ekki tennur sínar.

Miðað við ástandið á honum er í sjálfu sér ekki undravert að hann hafi ekki eignast sveinbarn. Það sem er undravert er að hann hafi yfirleitt getið af sér börn.

Athugasemdir

[Jenný Stefanía Jensdóttir, 21.5.2009 kl. 05:24]

Robinso Crusoe, hefur líklega litið prýðilega unglega út eftir rakstur og spíra, og svo er einnig um þennan "skíthæl".

Skil ekki hvernig þessi illa lyktandi og andfúli drulludeli, kemst í heimspressuna fyrir að vera einn slíkur.

Er komin gúrkutíð heldurðu?  Eigum við ekki eitthvað meira af WABI SABI fegurð?

[DoctorE (IP-tala skráð) 21.5.2009 kl. 11:57]

Hjátrú minn kæri Svanur... ég vil kalla þetta geðveiki á meðan sumir segja trú eitthvað súperspes... glorified mental problem is what it is :)

[Svanur Gísli Þorkelsson, 21.5.2009 kl. 13:05]

Góðan daginn Jenný.  Fréttin er fengin úr dagblaði frá Indlandi en rétt eins og Kínverjar gera þeir sér far um að birta af og til furðufréttir af þessu tagi. Mér fannst fréttin athylgisverð að hluta til á sömu forsendu og DoctorE kemur inn á og líka vegna þess að oft er óhreinlæti kennt um að meðalaldur fólks hér áður fyrr var miklu lægri en hann er í dag.

Menningarlegt Wabi sabi í næstu færslu :)