Að setja rassinn í klór

Fyrirsögnin er reyndar miklu prúðmannlegri en efni þessa pistils gæti hæglega gefið tilefni til. (En aðgát skal höfð í nærveru sálar.) Það sem um ræðir er ný fegrunartækni og fegrunarlyf sem ætlað er fyrir þann hluta líkamans sem virðist algjörlega hafa orðið útundan fram að þessu í líkamsfegrunar-æði nútímans.

Það er sem sagt byrjað að selja fegrunarlyf fyrir endaþarminn og svæðið í kringum op hans.(Venjulega kallað rassgat) 

Hugmyndin er að gera aftur hvítan eða bleikan þennann mikilvæga líkamhluta sem mörg okkar sjáum svo sjaldan að við höfum ekki einu sinni hugað að litnum á honnum.

Þetta svæði hefur, er mér sagt, tilhneygingu til að dökkna og verða brúnleitt á fullorðinsárum sem mörgum æskudýrkandanum þykir bagalegt. Þess vegna hefur skapast eftispurn eftir bleikingarefni sem hægt er að nota á endaþarma og nú er það komið á markaðinn.

Ég get því miður ekkert fullyrtt um virkni efnissins persónulega og kem ekki til með að gera það að sinni. (Aldrei að að segja aldrei)  

Satt að segja finnst mér þessi tegund fegrunaraðgerða minna dálítið á síðustu tvö bloggefni mín, þ.e. tilraunir frambjóðenda í prófkjörum til að sannfæra okkur um að það hafi orðið eðlisbreyting á viðhorfum þeirra. Ég er nokkuð viss um að það sé alveg sama hversu lengi þú leggur rassinn á þér í klór, á endanum kemur það sama út úr honum og fyrr.

Athugasemdir

[Óskar Þorkelsson, 14.3.2009 kl. 18:27]

maður verður að athuga þetta dæmi :)

[Rut Sumarliðadóttir, 14.3.2009 kl. 18:54]

Haha, var reyndar kunnugt um þessa vöru. Toppurinn á vitleysunni. Rassgat er og verður rassgat hvort sem það er bleikt eða brúnt!

[Svanur Gísli Þorkelsson, 14.3.2009 kl. 21:23]

Toppurinn segirðu Rut; Kannski botninn líka.

[Rut Sumarliðadóttir, 14.3.2009 kl. 21:43]

[Lára Hanna Einarsdóttir, 14.3.2009 kl. 22:48]

Góður! Nú hló ég dátt... 

[Steingrímur Helgason, 15.3.2009 kl. 00:00]

Ja,,, sko.

Nei, ég geymi það.

[Davíð Kristjánsson (IP-tala skráð) 15.3.2009 kl. 00:22]

Að klóra sér í rassinum fær alveg nýja merkingu.

[Svanur Gísli Þorkelsson, 15.3.2009 kl. 02:29]

Takk fyrir það Steingrímur

Davíð, ég var einmitt að hugsa það sama þegar ég samdi fyrirsögnina, en ákvað svo að vera háttprúður.

Óskar; Þú reportar þegar þetta er komið á hreint

Lára mín, þú áttir það alveg skilið.

[Sporðdrekinn, 16.3.2009 kl. 18:29]

hahahaha frábœr vitleysa