Íslenski forsætisráðherrann hrakinn frá völdum

Forsætisráðherra Íslands Geir Haarde og ríkisstjórn hans var hrakinn frá völdum í dag. Í kjölfarið á hruni efnahags landsins....... Geir Haarde frosætisráðherra Íslands rífur þing og boðar til kosninga semma í vor.... 

Ég hef verið að velta fyrir mér hvernig fyrirsagnir fjölmiðlanna verða á morgunn eða einhvern næstu daga. Ríkisstjórnin er í raun fallin og það er formsatriði hvernig verður gengið frá því.

Yfirvöld hafa spilað út síðasta spilinu, því sem aðeins átti að nota í nauðavörn. Þau hafa gefið fyrirmæli um að tvístra mótmælendum með táragasi.

Fyrsta stig, stöðug og sýnileg viðvera í bland við spjall er löngu liðið. Annað stig; að nota piparúða var gert á Gamlársdag og allar götur síðan. Þriðja stig að nota kylfurnar sömuleiðis degi seinna. Fjórða stig notkun táragass sem núna hefur gerst. Það er ekkert fimmta stig til.

Enginn lögreglumaður á Íslandi mun nokkurn tíman fást til að beina skotvopnum að mótmælendum þannig að úrræði lögreglunnar og ráðherrana sem stjórna henni eru á þrotum. Mótmælendur hafa sigrað.

Eina úrræði ríkistjórnarinnar ef hún vill ekki segja af sér, er að taka upp stjórnarhætti eins og Mugabe viðhefur í Zimbave.   En það getur aðeins orðið tímabundið því afleiðingar þess yrðu að Forsetinn mundi þurfa að beita neyðarlöggjöfinni.

Sögulegir tímar hafa runnið upp á Íslandi hvernig sem fer.

Athugasemdir

[Rut Sumarliðadóttir, 22.1.2009 kl. 21:42]

ditto.

[Sigrún Jónsdóttir, 23.1.2009 kl. 00:31]

Þau ÆTLA að sitja til vors.....ég þarf að prjóna mér föðurland

[Hannes, 23.1.2009 kl. 01:12]

Stjórnin mun falla en Geir er bara of þrjóskur til að fatta það alveg eins og maður sem er búinn að festa bílinn sinn í snjóskafli en gefur bara meira og meira inn með þeim afleiðingum að vélin springur.

[Svanur Gísli Þorkelsson, 23.1.2009 kl. 01:31]

Ég held að Geir og félagar séu að leita með logandi ljósi að einhverri útgönguleið sem einhvern veginn getur ógilt fyrri yfirlýsingar. Líklega verður skuldinni skellt á Samfylkinguna. Annars er þetta skemmtileg samlíking hjá þér Hannes.

Sigrún, fósturlandsins freyja. Gerðu eitt fyrir mig líka úr því að þú ert að þessu á annað borð :)

[Hannes, 23.1.2009 kl. 01:50]

Svanur þeir hafa enga leið út aðra en að boða kosningar og því lengur sem þeir bíða því verri verður skaðinn alveg eins og hjá ökumanninum í snjóskaflinum. Þeir eru búnir að valda sjálfum sér tjóni en það eina sem þeir geta í dag er að lágmarka það tjón og því lengur sem þeir bíða því minna geta þeir bjargað.

Hefur þú séð ökumann sem er fastur í skafli spóla þangað til rýkur úr bílnum? Ég hef einu sinni séð það.

[Svanur Gísli Þorkelsson, 23.1.2009 kl. 02:09]

Það sem ég átti við að þeir eru að reyna finna leið til að halda andlitinu eftir digurbarkalegar yfirlýsingar um að þeir ætli bara að sitja sem fastast. :)

[Hannes, 23.1.2009 kl. 02:16]

Það er ekki fræðilegur möguleiki að Geir geti haldið andlitinu í dag en hann er bara ekki nógu gáfaður til að fatta það. Það er eitt sem er alveg á hreinu og það er að versti óvinur Geirs og ríkisstjórnarinnar er tíminn í dag.

Ég held að það væri ágætt ef hann myndi reyna að sitja aðeins lengur því að þá myndi hann hugsanlega valda Sjálfstæðisflokknum það miklum skaða að hann færi niðrí 10-15% fylgi.

Kveðja Hannes.

[Davíð Kristjánsson (IP-tala skráð) 23.1.2009 kl. 07:13]

Ég er að velta því fyrir mér hvort að stjórnleysi sé það sem fólk vill.

Því það er alveg sama hvað fólk segir, ríkisstjórnin hefur verið að gera það sem í hennar valdi er í stöðunni. Ja. Nema eitt. Geir Haarde hefur enn ekki rekið Davíð Oddsson, þann mann sem mesta ábyrgð ber á ástandinu eins og það er í dag.

• Davíð skapaði ásamt framsóknarmönnum það umhverfi sem auðjöfrar hafa svo getað misnotað óáreittir.
• Davíð segist hafa séð bankahrunið fyrir, en sagði ekki frá því.
• Seðlabankinn þar sem Davíð er við stýrið stöðvaði ekki útþenslu bankana.

Davíð segir að í skýrslu sem kom út í maí á síðasta ári hafi verið bent á þetta en það er ekki rétt. Í skýrslunni er það sagt að "hugsanlega geti verið að ..." í samantekt skýrslunnar þar sem meginefni hennar er dragið sama er ekkert minnst á að stefni í þetta "hugsanlega". Í þessari skýrslu er það nefnt hinsvegar skýrum stöfum að bankarnir standi styrkum fótum og allt sé í gúddí fíling.

Hver átti þá að grípa í taumana. Jú. Seðlabankinn er eina stofnunin sem gat gripið í taumana. Seðlabankinn einn hefur þau verkfæri sem til eru til að stöðva útþenslu bankanna.

Það er sérstakt að skoða vital við eina helstu málpípu frjálshyggjunnar á íslandi sem hélt fyrilestur fyrir einu og hálfu ári síðan um "íslenska efnahagsundrið". Hann var í vitali í Íslandi í dag daginn áður.

http://vefmidlar.visir.is/VefTV/Default.aspx?channelID=STOD2&programID=b2fab606-e8f9-4500-a4d9-15008d8978da&mediaSourceID=4b8342d2-6d57-4144-8b62-3d3067588513