Íslensk fyrirtæki í Bretlandi með 100.000 Breta í vinnu.

Nú virðist vera að koma á daginn að Gordon Brown hafi skotið sig illilega í fótinn þegar hann fór út í aðgerðir gegn íslensku fyrirtækjum á grundvelli laga sem ætluð voru til að stemma stigu við fjármálastarsemi hryðjuverkahópa.

Fólk almennt spyr sig hvort það hafi verið þetta sem vakti fyrir stjórnvöldum þegar að þau fengu þessi lög samþykkt, þ.e. að geta látið til skarar skríða gegn hverjum sem er, svo lengi sem forsætisráðherrann ákveður að þjóðaröryggi sé í húfi. Íslendingar samkvæmt skilgreiningu ógna sem sagt þjóðaröryggi Bretlands, samkvæmt túlkun Browns.

Það má samt færa líkur að því að haldi Brown þessu til streitu, muni koma til kasta íslendinga að svara fyrir sig. Brown ætti að vera ljóst að stærsta fyrirtæki Bretlands í einkaeign er íslenskt. Honum ætti líka að vera ljóst að íslensk fyrirtæki í Bretlandi hafa yfir 100.000 manns í vinnu hjá sér, langflestir Bretar. -

Breskir viðmælendur fjölmiðla sem vinna hjá þessu fyrirtækjum, eru gapandi yfir yfirlýsingum Browns og aðgerðum hans. -

Ef að það er ósk Browns að flæma þessi fyrirtæki í burtu frá Bretlandi, er hann á réttri leið. - Eða kannski það sé ætlun Browns að gera þessi fyrirtæki upptæk líka og segja Íslandi alfarið stríð á hendur.

Athugasemdir

[Svanur Gísli Þorkelsson, 11.10.2008 kl. 13:54]

Sammála þér Kjartanmeð flokkspólitíkina. - Gordon heldur að þetta sé hans "finest hour" því að hann er að bjarga Bretlandi frá efnahagslegu hruni. Hann vantaði heppilegan blóraböggul og Ísland lá vel við höggi. Stofuhitagreindarvísitala Browns er veginn upp með óbilandi metorðgirnd hans. 

[Kristberg Snjólfsson, 11.10.2008 kl. 14:46]

Þetta er stórundarleg ákvörðun hjá honum

[Kreppumaður, 11.10.2008 kl. 16:00]

Ég held að hann geri allt okkar upptækt, líka þig sem ert fulltrúi þjóðarinnar í Bath.  Þá verður þú látinn blogga um kosti Browns og hvað hann sé mikilhæfur stjórnandi...

[Svanur Gísli Þorkelsson, 11.10.2008 kl. 16:12]

Hehehhe. Vona að Kasakstan bursti þá á eftir. Ég og Borat erum mættir.

[Kreppumaður, 11.10.2008 kl. 17:04]

Heldurðu að ég hafi ekki verið svo óheppinn að kveikja á sjónvarpinu og sjá þá hvítklædda (eins og engla) syngja drottningaróðinn!  Var fljótur að skipta um stöð.

[Kolbrún Hilmars, 11.10.2008 kl. 17:33]

Svanur, svona sem framhald frá síðasta þræðinum þínum - nú er sendinefndin bretanna komin hér og mér sýnist að fyrri aðgerðir og orð Mr Browns standi enn óbreytt. 

Það er með ólíkindum hvað einn maður getur komið miklum illindum af stað!

Svo vona ég að Kasakstan vinni...