Franska handboltaliðið kallar sig nú les Experts.

Franska liðið, mótherjar Íslendinga í úrslitum um Ólympíumeistaratitilinn í Handknattleik 2008, kalla lið sitt Les Experts (Sérfræðingana) sem er heitið á Bandarísku sakamálaþáttunum CSI í Frakklandi. Spurningin er hvort þeir eru nægilega miklir sérfræðingar til að leggja "strákana" frá Íslandi af velli. Fimm leikmanna þeirra leika með liðum í Þýskalandi og tveir með spænskum liðum og restin með frönskum.

Leikmenn þeirra eru;

• 1 Yohan Ploquin (Toulouse Union Handball),  France) (goalkeeper)
• 12 Daouda Karaboué (Montpellier HB,  France) (goalkeeper)
• 16 Thierry Omeyer (THW Kiel,  Germany) (goalkeeper)
• 2 Jérôme Fernandez (Barcelona,  Spain)
• 3 Didier Dinart (BM Ciudad Real,  Spain)
• 4 Cédric Burdet (Montpellier HB,  France)
• 5 Guillaume Gille (HSV Hamburg   Germany)
• 6 Bertrand Gille (HSV Hambourg,  Germany)
• 8 Daniel Narcisse (Chambéry Savoie Handball   France)
• 11 Olivier Girault (Paris Handball   France)
• 13 Nikola Karabatić (THW Kiel   Germany)
• 14 Christophe Kempe (Toulouse Union Handball,  France)
• 18 Joël Abati (Montpellier HB   France)
• 19 Luc Abalo (US Ivry,  France)
• 20 Cédric Sorhaindo (Paris Handball,  France)
• 21 Michaël Guigou (Montpellier HB   France)
• 22 Geoffroy Krantz (VfL Gummersbach,  Germany)
• 23 Bertrand Roine (Chambéry Savoie Handball,  France)
• 24 Sébastien Ostertag (Tremblay-en-France Handball,  France)
• 26 Cédric Paty (Chambéry Savoie Handball,  France)
• 30 Fabrice Guilbert (US d'Ivry Handball   France)

Auðvitað eru Frakkar stórveldi í handbolta þótt þeir hafi átt skrautlegan feril frá því að liðið fór að láta kveða að sér fyrir alvöru á alþjóðavettvangi upp úr 1990.

Þeir fengu sín einu Ólympíuverðlaun árið 1992 og urðu þá þekktir undir nafninu les Bronzés eftir að hafa lent í þriðja sæti. Íþróttin er afar vinsæl í Frakklandi og landsliðið hefur æ síðan verið með þeim bestu í heiminum.

Árið eftir að þeir unnu Ólympíubronsið eða 1993,  töpuðu þeir úrslitaleiknum á heimsmeistaramótinu gegn Rússum. Á næsta heimsmeistaramóti, sællar minningar, sem haldið var á Íslandi 1995 komust þeir líka í úrslitin gegn Króatíu og unnu í það skiptið og urðu heimsmeistarar. Það var í fyrsta sinn sem Frakkar eignuðust heimsmeistara í hóp-íþrótt. Það lið var þekkt undir nafninu les Barjots vegna þess að allir leikmenn liðsins voru með klikkaðar hárgreiðslur en barjot er slanguryrði á frönsku yfir klikkun.

Á Ólympíuleikunum 1996 hafnaði franska landsliðið í fjórða sæti og urðu það töluverð vonbrigði því þeir töpuðu leiknum um þriðja sætið gegn Spáni, liði sem þeir höfðu burstað í undanriðlunum.

Ári síðar 1997 lentu þeir í þriðja sæti á heimsmeistaramótinu en fengu enga verðlaunapeninga 1999 eða á Ólympíuleikunum 2000.

Liðið var að bíða þar til á heimsmeistaramótinu 2001 til að vinna til alþjóðlegra verðlauna aftur og það gerðu þeir eftir að hafa unnið leiki sína gegn Þýskalandi og Svíþjóð svo naumlega eftir að hafa verið undir mest allan leiktímann, að þér voru kallaðir les Costauds (hinir sterku eða seigu) en þeir stóðu  uppi sem  heimsmeistarar það árið.

2003 urðu þeir þriðju á heimsmeistaramótinu og komu heim verðlaunalausir frá Ólympíuleikunum í Sydney 2004.

2005 lentu þeir aftur í þriðja sæti heimsmeistarakeppninnar og 2006 urðu þeir í fyrsta sinn Evrópumeistarar. Þeir tóku þá Spán þáverandi heimsmeistara í  bakaríið og eftir það nefndu þeir sig les Euros.

Fyrr á þessu ári lentu þeir í þriðja sæti á Evrópumótinu en voru ósigraðir þar til þeir töpuðu fyrir Króatíu í undanúrslitum.

 

Athugasemdir

[Rúna Guðfinnsdóttir, 23.8.2008 kl. 02:36]

Svona lið... svona næstum ósigrandi lið, sigra Íslendingar helst, tapa svo fyrir lúserunum...ekki satt? Kannski gullið sé okkar? Veiiiii

Gott fyrir bjálfa eins og mig að fá svona pistil. Ég verð að vita eitthvað smá ef Ísland verður ólympíumeistari í handbolta!!! Ekki satt???

[gp (IP-tala skráð) 23.8.2008 kl. 09:07]

Þú ert langflottastur - og veist svo mikið. Með alla deteila á hreinu. Geturðu ekki tékkað á einu enn.  Við hverja spiluðu Frakkar um bronzið í Barcelona 1992? Gæti það skipt máli?

[Kolbrún Baldursdóttir, 23.8.2008 kl. 12:12]

Sæll Svanur, að ekki eigi að blanda saman pólitík og íþróttum eru ekki mín orð.
Sjálfsagt er pólitík í öllu þegar upp er staðið.
Er aðeins að segja að það skiptir ekki máli hvar íslensk lið eru að keppa á stórleikum eins og Ólympíuleikunum, þá finnst mér sjálfsagt að þangað fari einhverjir fulltrúar þjóðarinnar og aðrir sem eiga heimangengt.
Bestu kveðjur til þín.

[Svanur Gísli Þorkelsson, 23.8.2008 kl. 12:49]

Sæl Kolbrún og þakka þér þetta.

Ég var dálítið undrandi á að sjá þessa athugasemd sem er örugglega svar við athugasemd minni við færslu þína hér, en sem í þessum skrifuðu orðum hefur þú hefur enn ekki birt. Ég býst við að þú kippir því í liðinn svo samhengið sjáist :)

kv,

[Kristberg Snjólfsson, 23.8.2008 kl. 17:56]

Við erum orðnir sigurvegarar nú þegar sama hvernig fer, að ná í silfur er gríðarlega gott en að ná í GULLIÐ verður enn betra  ég er reyndar sannfærður um að við náum Gullinu en er eigi að síður sáttur við það sem öruggt er. Pressan er meiri á Frakkana en okkur, held að það hafi mikil áhrif á Frakkana sem mun hjálpa okkur. Áfram Ísland. ps: Fróðlegar upplýsingar hjá þér eins og að venju.