Ólympíuleikar í skugga mengunnar og mannréttindabrota

Það rétt svo logar á Ólympíukyndlinum fyrir mengun, þar sem hlaupið er með hann eftir   Kínamúrnum sem er að hálfu hulinn mistri. "Ekki mengun" segja talsmenn kínversku Ólympíunefndarinnar, heldur þoka. Þrátt fyrir það sýna mengunarmælar allt upp í sjö sinnum meiri mengun en æskileg er.

Kyndilinn hefur dregið að sér mótmæli nánast hvar sem hann hefur farið umheimsálfurnar fimm fram að þessu og sjálfur Bush lét hafa eftir sér í gær all-sterka gagnrýni á Kína vegna mannréttindamála.

Hann tiltók sérstaklega fanga sem eru í haldi vegna mannréttindabaráttu og trúar sinnar. 

Kína svaraði með því að segja að í undirbúningi hafi þeir haft að leiðarljósi að setja "fólkið í fyrirrúm", hvað sem þeir meina með því.

Að öðru leiti er þetta helst að frétta af Ólympíuleika- málum

• Fleiri en 40 íþróttamenn hafa undirritað bréf sem gagnrýnir Kína og fer fram  á "friðsama lausn" á málum Tíbet.
• Suður og norður Kórea  munu ekki ganga saman inn á leikvanginn á opnunarhátíðinni eins og þær gerðu á síðustu ólympíuleikum.
• Bandarískur hópur sem vaktar róttækar vefsíður segir að kínverskir íslamistar hafi sett  á Uighur mælandi síðu, myndband sem sýni sprengingu yfir Ólympíuleikvanginum í Bejiing.
• Hópar Tíbeta hafa staðið fyrir miklum mótmælum í Indlandi, Tíbet og Nepal á aðfarardegi leikanna.
• Kína hefur valið körfuboltaleikmanninn Yao Ming til að vera fánaberi á opnunarhátíðinni.

Athugasemdir

[Rúna Guðfinnsdóttir, 7.8.2008 kl. 18:58]

Heldur þú að yrði þessi læti ef Ólympiu-leikarnir yrðu í Bandaríkjunum? Þeir eru nú engir englar í þessum Bandaríkjum...ónei...hvers vegna þessi læti út af Kína eða hinum austantjaldslöndunum? Ég er ekki kommúnisti...ég er ekki frekar vinstri sinnuð en hægri....mér finnst bara asnalegt hvernig er látið....

Hver hefur sinn djöful að draga.

[Rúna Guðfinnsdóttir, 7.8.2008 kl. 18:59]

PS: Ég held að Bandaríkjamenn hafi brotið margfalt meira á samfélaginu heldur en Kínverjar!

[Kolbrún Hilmars, 7.8.2008 kl. 20:06]

Hvernig er hægt að bera saman svart og svart?  Þ.e. þau  stórveldin tvö sem tróna á toppnum svona "heimsveldislega" séð.  En Kaninn er lúmskur - fánaberinn þeirra er frá Darfur... 

[Gylfi Guðmundsson (IP-tala skráð) 7.8.2008 kl. 21:30]

Ég er sammála þeim Rúnu og Kolbrúnu. Góð athugasemdinn um fánaberann! Nei, svo sannarlega eru Bandaríkin engir englar frekar en Kínverjar. Ólympýjunefndin valdi nú einu sinni Kínverja til að halda leikana árið 2008 og þá auðvitað tökum við því. Bandaríkjamenn eru heimsvaldasinnar, telja sig veraldarlögreglu og þeir standa örugglega á bakvið þennan undarlega áróður gegn Kínverjum nú - sveiattan!
En bloggið þitt er alltaf gott, Svanur! Ég les það á hverjum degi og hef gaman af. Sérlega fannst mér gaman að lesa bloggið þitt um elsta föður heims. ".. á meðan ég kemst upp á hnén..."!!   Flottur!

[Gylfi Guðmundsson (IP-tala skráð) 7.8.2008 kl. 21:36]

Fyrirgefðu - sé tvær stafsetningavillur hjá mér! "Góð athugasemdin..." á að vera þarna og svo er það "Ólympíunefndin..." Afsakið! GG.

[Heiða B. Heiðars, 7.8.2008 kl. 21:40]

Hvað er að ykkur?
Þó svo að Bandaríkjamenn séu langt því frá með hreinan skjöld þá komast þeir ekki með tærnar þar sem Kínverjar hafa hælana.

Og Rúna, ef þú heldur að Bandaríkjamenn hafi brotið meira á samfélaginu en Kínverjar þá hlýtur maður að setja stórt spurningamerki við hvaða fjölmiðla þú ert að skoða.
Það er ekki skoðanafrelsi í Kína
Það er ekki prentfrelsi
Fólk hefur ekki rétt á að ákveða sjálft hversu mörg börn það vil eignast
Það er ekki internet frelsi
Það er ekki málfrelsi
Kínverjar búa ekki við fullt ferðafrelsi
Kínversk stjórnvöld stefna á að þurrka út Tíbeta og gengur bara skrambi vel
Vegna barneignahafta í Kína er algengt að stúlkubörn séu drepin í fæðingu eða skilin eftir úti á víðavangi

Og svo efastu um að kínverskt samfélag sé að upplifa betri hluti en bandarískt

[Óskar Þorkelsson, 7.8.2008 kl. 23:08]

Flott færsla að venju.

en þar sem ég er í leiðréttingarhamnum í dag þá... http://en.wikipedia.org/wiki/Yao_Ming 

[Svanur Gísli Þorkelsson, 7.8.2008 kl. 23:50]

Það er eins gott að þú varst í þeim ham Óskar. Mér fannst þetta satt að segja grunsamlegt, en trúði samt BBC. Eiginlega er þetta fyndið þegar maður fer að pæla í þessu, hornabolti á Ólympíuleikum, er það nokkuð? 

[Svanur Gísli Þorkelsson, 7.8.2008 kl. 23:57]

Það var gaman að heyra frá þér Gylfi. Ég vissi ekki að þú bloggaðir, enda sé ég að þú hefur verið í pásu. Gott ef þú ert aftur kominn í ham. Þú varst minn uppáhaldskennari og ert ábyrgur fyrir öllum stafsetningarvillunum hjá mér. Vertu ávallt velkominn hér.

kv,

[Hólmdís Hjartardóttir, 8.8.2008 kl. 00:05]

Það á ekki að blanda saman íþróttum og pólitík

[Svanur Gísli Þorkelsson, 8.8.2008 kl. 00:49]

Hólmdís. Ég er þessu sammála og á þeirri forsendu hefði ekki átt að láta Kínverja sjá um leikanna.

[Ingó (IP-tala skráð) 8.8.2008 kl. 10:25]

Heil og sæl Svanur.

Já þetta mun taka tíma að lækna veröldinna af þessu kvefi.

[Heiða B. Heiðars, 8.8.2008 kl. 19:25]

Jiiii.... Gylfi Guðmunds! Hann var líka kennari minn :) Yfirkennari í Holtaskóla þegar ég var þar... og líka uppáhalds :)