Yngsti faðir í heimi hér....

Eins og skilja má er Kína í sviðsljósinu um þessar mundir, enda heimsviðburður þar á næsta leiti. Þegar gluggað er í sögu Kína koma oft furðulegar staðreyndir fram í dagsljósið. Gallinn við sumt af því sem haldið er fram sem bláköldum sannleika, er að engin leið er til að sannreyna söguna. Því er t.d. haldið fram að yngsti faðir veraldar hafi verið kínverskur drengur sem feðraði barn aðeins níu ára gamall.

Ég fjallaði fyrir skömmu um yngstu móðurina Linu, sem ól sveinbarn á sjálfan mæðradaginn 14. Maí árið 1939, þá aðeins fimm ára gömul.

Yngsti faðir sem áreiðilegar heimildir eru til um er sagður vera Sean Stewart frá Sharnbrook í England. Hann var tólf ára þegar hann varð faðir og fékk frí í skólanum til að vera viðstaddur fæðingu barnsins. Hann hafði sagt kærustu sinni þá 16 ára gamalli Emmu Webster og foreldrum hennar að hann væri fjórtán ára. Hann viðurkenndi aldur sinn eftir að ljóst var að stúlkan var með barni. Þá var parið 11 og 15 ára en þau voru nágrannar í Sharnbrook í Bedfordshire.

Úr því við erum að tala um feður, er ekki úr vegi að skjóta því hér að, að elsti faðir veraldar svo vitað sé með vissu, (Biblíu-bókstafstrúar-fólk á eftir að mótmæla þessu) er bóndi frá Indlandi sem heitir Nanu Ram Jogi. Hann var níræður ( 90 ára) þegar hann feðraði sitt síðasta barn 2007. Það var tuttugasta og fyrsta barnið hans og hann átti það með fjórðu eiginkonu sinni. Hann sagðist ákveðinn í að halda áfram að eignast börn þar til hann yrði 100 ára

 

 

Athugasemdir

[Jenný Anna Baldursdóttir, 5.8.2008 kl. 14:09]

Halló þú ljúfa æska!  OMG

[Sigurður Þór Guðjónsson, 5.8.2008 kl. 16:18]

Það kom mynd i Mogganum fyrir nokkrum árum af manni sem hélt á nýfæddu barni sínu. Hann var sagður elsti faðir í heimi og var 93 ára. Ég er að pæla í hvort mömmunni hafi fundist pabbinn vera sexí! Ekkert var þó sagt hvernig samband mannsins var við barnsmóðurina.

[Svanur Gísli Þorkelsson, 5.8.2008 kl. 17:43]

Þá er nú lítið að marka þessa Guinnes metabók Sigurður, fyrst sá var 93 ára :) Var hann kannski íslendingur í ofanálag?

[Gulli litli, 5.8.2008 kl. 19:14]

þegar ég var níu ára ók ég enn ´vörubílum frá Múlalundi.....

[Rúna Guðfinnsdóttir, 5.8.2008 kl. 19:17]

Minn var fimmtíu og eins árs þegar yngsta barnið okkar fæddist.

Annars kann ég yndislega sögu um langafa vinkonu minnar. Hann hét Þórður. Við skulum ekkert segja meira  um það.  Það var yfir sextíu ára aldursmunur á yngsta og elsta barni hans. Amma vinkonu minnar var eitt af þeim. Þegar sá gamli var kominn á níræðis-aldurinn, þá var presturinn fenginn til að reyna að tala um fyrir kalli, svo hann hætti að eiga þessi börn. (sem urðu á milli tuttugu og þrjátíu ef ég man rétt, með nokkrum konum...að sjálfsögðu...)  "Á meðan ég kemst upp á hnén"  sagði sá gamli við prestinn, sem fór sneyptur heim eftir vísiteringu til Þórðar gamla barnamanns.

Takk fyrir afar skemmtilegar frásagnir.  Mange hilsener!

[Svanur Gísli Þorkelsson, 5.8.2008 kl. 19:40]

Takk sömuleiðis Rúna. Sagan er frábær....

[Svanur Gísli Þorkelsson, 5.8.2008 kl. 19:42]

Gulli; Voðaleg flottheit á þér...Afi smíðaði mína.

[Edda Agnarsdóttir, 6.8.2008 kl. 14:02]

Já það er ekki af þeim skafið gömlu körlunum - en ansi finnst mér nú skafið af ungdómnum þegar þetta getur gerst allt ofan í 9 ára! Ætli hann hafi fæðst svona?