Konur með taugaveiki (Typhoid) lokaðar inni ævilangt í Bretlandi

Það koma upp mál hér í Bretlandi sem eru svo ÓTRÚleg að maður spyr sjálfan sig hvernig Bretar geta kallað sig velferðaríki og menningarþjóð.

Hvað eftir annað hafa heilbrigðisyfirvöld orðið uppvís að mistökum og aðgerðum sem einkennast af slíkri vanþekkingu að halda mætti að við værum að tala um þriðjaheims-land.

Nú hefur komið fram að allt frá byrjun síðustu aldar voru konur sem greindust með taugaveiki( TYPHOID) lokaðar inni í algjörri einangrun á geðsjúkrahúsi ævilangt.

Álitið er að flestar kvennanna  (þegar er búið að finna og nefna 27) hafi orðið geðveikar á einangruninni en þeim var sumum haldið föngnum í herbergjum sem ekki var stærra en 8 X 8 fet.

Engin þessara kvenna er enn á lífi. Það sem enginn skilur er að þessu var fram haldið þangað til að einangrunarherbergi voru almennt lögð niður á sjúkrahúsum landsins í byrjun tíunda áratugarins. Frá þessu greindi fréttasofa BBC en í gærkveldi var sýndur heimildaþáttur um málið þar á bæ. Sjá http://news.bbc.co.uk/1/hi/programmes/newsnight/7530133.stm

Athugasemdir

[Skattborgari, 29.7.2008 kl. 11:28]

Skelvilegt að heyra af svona löguðu. Maður hefði trúað að svona lagað hefði átt sér stað um 1920-1950 en ekki um 1980-1990. Fólk sem er veikt er oft ekki fært um að verja sig og þess vegna er auðvelt að níðast á því. Þess vegna ber að sýna sérstaka aðgát og passa upp á að svona lagað eða eitthvað svipað gerist ekki aftur.

[Nanna Katrín Kristjánsdóttir, 29.7.2008 kl. 11:53]

Hvar færðu eiginlega allan þennan fróðleik Svanur?  Það er eins og þú lesir endlaust af bókum og lesefni og skrifar svo greinagóðar ritgerðir um þær.  Mjög vel skrifað hjá þér alltaf, vandað og trúverðugt.  Eiginlega bara eins og kennslubækur.  Takk, takk

[Svanur Gísli Þorkelsson, 29.7.2008 kl. 11:53]

Sæll Tómas.

Gott að þú leiðréttir þetta. Takk fyrir. Ég hef ekki orðabók við hendina og fann þessa röngu þýðingu á orðinu TYPHOID æa einhverri netsýðu. Hef að sjálfsögðu leiðrétt þetta all-snarlega.

[Svanur Gísli Þorkelsson, 29.7.2008 kl. 11:54]

á einhverri netsíðu... átti þetta vitanlega að vera.