Heimurinn er eitt land.......

Hvað hafa hópar Indíána í Perú sem sem aldrei hafa komið í snertingu við "menninguna" með Kínaveldi að gera?

Myndin sem tekin var fyrir stuttu af Indíánum á landamærum Brasilíu og Perú þar sem þeir munduðu boga sína, er af einum af þeim 54 ættflokkum sem vitað er að byggja þetta svæði. Brátt mun einangrun þeirra rofna og um leið verður líf þeirra í hættu.

 

 

Brasilía er orðið að matarbúri Kínverja sem kaupa hverja baun af soja sem Brasilíubúar geta framleitt. Til að eiga greiðan aðgang að auðlindum suður-Ameríku hafa Kínverjar lagt hart að Brasilíumönnum og Perúbúum að byggja 2400 mílna langan veg frá ströndum Atlantshafs að ströndum Kyrrahafs. Þessi hraðbraut á að liggja í gegnum lönd hinna "ósnertu" ættbálka.

 

 

Meðlimir ættbálkana eru sagðir við góða heilsu en það mun breytast um leið og þeir komast í snertingu við algenga sjúkdóma eins kvef og mislinga svo dæmi séu tekin. Fyrir þeim eru Indíánar varnarlitlir. Þegar að Evrópumenn komu fyrst til Brasilíu voru upprunalegir innbyggjar taldir vera um 5 milljónir. Í dag eru þeir taldir færri en 350.000.

 

Ættbálkurinn sem myndaður var á dögunum er talinn vera "nýr hópur" en samt hluti af örðum ættbálk sem var orðin of stór og skipti sér þess vegna upp. Venjulega telja ættbálkarnir ekki fleiri en 1000 einstaklinga því vistkerfið býður ekki upp á fleiri. En nú er sem sagt hraðbrautin á leiðinni og það mun taka meira en boga og örvar til að stöðva hana.

Athugasemdir

[Jenný Anna Baldursdóttir, 5.6.2008 kl. 20:38]

Svo sorglegt.

[Skattborgari, 5.6.2008 kl. 22:01]

Þegar hvíti maðurinn kom til ameríku og vildi losna við frumbyggjana þá var ein leiðin sem þeir notuðu að láta lasið fólk sofa með teppi og gáfu teppin svo indíánum til að drepa þá. Þetta virkaði því að ónæmiskervið hjá þeim þekkti ekki sjúkdómana sem hvíti maðurinn var vanur og þeir höfðu þess vegna eingar varnir.

Þetta fólk þolir ekki sjúkdómana sem við þolum vel og eru viðkvæmir þess vegna er þessi vegur slæmt mál það þarf að vernda svona frumstæða ættbálka. 

[Svanur Gísli Þorkelsson, 5.6.2008 kl. 22:11]

Rétt, sýklahernaður er vel þekktur langt aftur í aldir Skattborgari.

[Skattborgari, 5.6.2008 kl. 22:24]

Því miður er búið að þróa hann mikið undanfarna áratugi. Hægt að senda sýkla inn á undan og láta þá veikja andstæðingana og fara svo með hermennina sína inn sem eru ónæmir og þá verður ekki mikill mótspyrna.

Áhugavert. Fólksfjöldi er orðin svo mikill í mörgum löndum að þau geta ekki brauðfætt þegna sína.  Hversu mikið af fólki ætli jörðin geti brauðfætt?

[Svanur Gísli Þorkelsson, 5.6.2008 kl. 23:02]

Þetta er að sönnu áhugaverð spurning Skattborgari. Einkum þegar haft er í huga að í Bandaríkjunum einum er borin meiri áburður á golfvelli heldur en á allar jarðræktarspildur á Indlandi og bæði svín og naut sem ræktuð eru til manneldis í heiminum, borða meira prótín heldur enn mannkynið samanlagt.

Náungi sem ég hitti einu sinni í Bandaríkjunum og vann hjá landbúnaðarráðuneytinu þar í landi fullyrti að ef Bandaríkin einbeittu sér aðeins að kornrækt, gætu þau ein og sér brauðfætt allan heiminn.

Rómarklúbburinn frægi, ályktaði fyrir tveimur árum að ef styrjaldir legðust af væri hægt með jarðrækt að hægt að fæða allan heiminn með fjórða hluta þeirrar orku og fjármuna sem eytt er í stríð í dag. Þá eru ótaldir þeir möguleikar sem höf jarðarinnar bjóða upp á.   

[Skattborgari, 5.6.2008 kl. 23:18]

Það er staðreynd að það þarf mikið af landi til að framleiða eitt kíló af nautakjöti mun meira en korn eða mais.

Þetta með styrjaldir er sennilega rétt gífurlegir fjármunir sem fara í þær á hverju ári. Þau lönd sem eru að eyða mest hlutfalslega í vopn eru líka mörg hver þau fátækustu. Áhugavert með golfvellina þeir taka mikið land og nýta það ekki vel. Þetta gæti vel verið rétt hjá manninum sem þú hittir. 

Taktu Simbabve sem dæmi það gat brauðfætt sína þegna og gott betur og svo voru hvítir bændur reknir af jörðum sínum. Í dag getur simbabve ekki brauðfætt þegna sína og þarf á matvæælaaðstoð að halda. 

[Svanur Gísli Þorkelsson, 5.6.2008 kl. 23:33]

Johnny; Síður en svo. Golf er gott, en

ég var bara að bera saman auð USA sem á áburð á alla gólfvellina sína og fáránlega auðdreyfingu Indlands þar sem fæstir bændur  hafa efni á áburði. Ræktarland Indlands gæti með áburði gefið miklu meira af sér.

Lengi lifi golfið, á Indlandi..

[Skattborgari, 5.6.2008 kl. 23:36]

Gott svar Svanur. Ég hef ekkert á móti golfi finnst það bara heimskulegt að elta bolta.