Mismunandi verðmæti mannlífa

Hann er skrýtinn þessi heimur. Að mati fréttaseljenda, sem gjarnan hafa fingurinn á þjóðarpúlsinum, og skilja okkur betur en við sjálf, finnst okkur líf og dauði í Bandaríkjunum miklu merkilegri og áhugaverðari en líf og dauði fólks í Írak eða Afganistan.

Þrjú deyja í sprengingu í Bandaríkjunum á svipuðum tíma og 37 láta lífið í sprengjuárásum í Írak. Sjá hér  . Í Írak er þetta hversdagslegur viðburður, hugsum við. Líf  og dauði Íraka snertir okkur lítið, finnst okkur.

Þess vegna er lítið sem ekkert um þetta atvik fjallað.

En Atvikið í Boston tekur umsvifalaust yfir alla fréttatíma í sjónvarpi, og fólk keppist um að gefa frá sér yfirgengilegar yfirlýsingar. Fyrirfólk líkir þessu tveimur heimatilbúnum sprengingum jafnvel við árásina á tvíburaturnana í New York 2001.

Fórnarlömb sprenginganna í  Boston eru þegar orðin heimsfræg og nú flytja fjölmiðlar okkur greinar um líf þessa fólks.

Ekki eitt einasta nafn þerra sem dóu í sprengjuárásunum í  Írak,  sem áttu sér stað á sama tíma er þekkt.

Líf fólks í USA er svo miklu meira virði, sérstaklega fyrir frétta menn.

29 ára kona meðal látinna í Boston

Athugasemdir

[Jóhanna (IP-tala skráð) 17.4.2013 kl. 07:29]

Fréttamiðlun á Íslandi er með endemum svo vægt sé til orða tekið. Hvænær fáum við fréttir t.d. frá okkar nágrönnum færeyjingum, norðmönnum, dönum, svíum og eyjabúum frá Álandi? Hverjir meta fréttagildi í dag. Eitthvað hefur þetta breyst. Nú er það fréttnæmt í Mbl. að forríkur rússi hafi eignast sitt 7. barn í USA. Hvurn andsk.... kemur okkur það við? Nei, það þarf að hrista upp í frétta miðlum rækilega ef vel á að vera, finnst ykkur það ekki???

[Trausti (IP-tala skráð) 17.4.2013 kl. 07:50]

Samkvæmt sumum fréttamiðlum hér er það hryðjuverk ef usari eða ísraeli eru drepnir, og talað um að koma verði í veg fyrir að hryðjuverkamenn fái kjarnorkuvopn.

Það er aldrei talað um hvaða hryðjuverkasamtök hafa notað kjarnorkuvopn til að drepa fólk og hveð margir voru drepnir.

[Elín Sigurðardóttir (IP-tala skráð) 17.4.2013 kl. 09:12]

Já, hann er skrítinn þessi heimur. M.a.s. Smugan, málgagn vinstri manna, leyfir bara facebook ummæli og óskar eftir fjárframlögum. Fullt af fólki, eins og þú, segir fréttir daglega. Ókeypis. Fréttaseljendur eru því í mikilli krísu.

[Viggó Jörgensson, 17.4.2013 kl. 11:17]

Ég hef oft hæðst að þessu fréttamati Svanur Gísli.

Farist hvítt fólk er það frétt og auðvitað slys eða stórslys.   

Farist gult fólk eða svart er það varla frétt og þá af óhappi.