Herra forseti Jón Bjarnason

Það er erfitt að sjá hvernig skoðannir forsetans í tengslum við ESB umsóknina geta skipt einhverju megin máli fyrir feril þess máls.  Umsóknin mun fara fyrir þjóðaratkvæðagreiðslu og aldrei var lagt upp með neitt annað. - Kannski er Jón hér bara að tengja sjálfan sig við forsetaembættið með það í huga að fara í framboð seinna á árinu þegar kosið verður um það. - Ef til vill er hér þegar kominn fram fyrsti fyrsti forseta-frambjóanda kandídatinn.

Jón: ESB hluti af forsetakjöri

Athugasemdir

[DoctorE (IP-tala skráð) 2.1.2012 kl. 10:55]

Já endilega, kjósum vanvita, ruglukoll, fáráðling... við eigum það skilið

[Haukur Kristinsson (IP-tala skráð) 2.1.2012 kl. 11:03]

Halló, megum við ekki fagna nýju ári í örfáa daga án þess að fá fréttir af ruglinu í Jóni Bjarnasyni? Eða verðum við að biða fram á Þrettándann, þegar allir jólasveinar verða komnir til síns heima.

[Skúli Víkingsson, 2.1.2012 kl. 11:16]

Svona tal eins og Haukur viðhefur og þó einkum DoctorE á ekki nokkurn rétt á sér. Menn geta verið ósammála Jóni Bjarnasyni (og ég hef verið öndverðu megin í pólitík við hann alla tíð), en svona munnsöfnuður er þeim sem hann viðhefur til vansa.

[DoctorE (IP-tala skráð) 2.1.2012 kl. 11:24]

Skúli, við skulum endilega halda áfram á brautinni þinni, þar sem hálf-sannleikur og rétttrúnaður ræður ríkjum; ... svo skulum við fara í þrot aftur og aftur og aftur.. alveg þar til fólk talar hreint út, segir hlutina eins og þeir eru.

[Valdimar Samúelsson, 2.1.2012 kl. 12:16]

Það er hægt að hafa þjóðarkosningar strax þrátt fyrir að umsóknin sé í vinnslu. Ef þessar kosningar verða í vil þeirra sem ekki vilja ESB þá er það ákveðið og ef þá er spurning hvort stjórnvöld og ESB séu svo vitlaus að halda áfram. Já. Þjóðarkosningar strax.

[Heiðar (IP-tala skráð) 2.1.2012 kl. 12:32]

Skúli Víkings er einn af þeim sem er með sólgleraugu allan ársins hring; hann sér ekki sannleikann.

[Jón Logi (IP-tala skráð) 2.1.2012 kl. 12:50]

Jamm. Umsóknin fer vonandi í þjóðaratkvæði og kolfellur eins og það lítur út fyrir. Þá getum við haft það að baki eins og Ömmi segir, og ekkert kjaftæði meir.

Bara synd með alla seðlana sem er búið að splæsa í þetta.

[Sandy, 2.1.2012 kl. 12:54]

Það er alveg óþarfi að hreyta ónotum í Jón Bjarnason, hann er einn af örfáum innan VG sem ekki fór á þing á fölskum forsendum og það kann ég að meta og vonandi allir þeir sem kalla eftir heiðarleika inn á þingi. Ég kaus ekki VG á sínum tíma en verð að viðurkenna að ég hélt að það væri eini flokkurinn sem mundi geta haldið okkur utan við ESB bullið, frekjuna og yfirganginn í þeim sem fara með forystu í því máli.

Ég skil ekki hvernig nokkur Íslendingur getur verið sammála ESB alræðinu þar sem við erum ekki sjálfráð eða getum ekki samið á jafnréttisgrundvelli við þau lönd sem þar eru inni, makrílveiðar okkar eru gott dæmi um það, það á að skaffa okkur eitthvað smáræði svona til að sýnast, en ég spyr ætlar ESB að senda sinn flota inn í okkar lögsögu á eftir makrílnum eða á að láta hann óveiddan á meðan hann er á okkar miðum? Væri ekki nær fyrir þá sem vilja vera Íslendingar að standa með sinni þjóð?

[Svanur Gísli Þorkelsson, 2.1.2012 kl. 13:06]

Sandy. Er ekki verið að kanna með viðræðunum hvert svarið er við spurningum eins og þessari sem þú spyrð?  Þegar það liggur fyrir, og það þarf það vissulega að gera,  er hægt að kjósa um hvort við viljum vera hluti af ESB eða standa fyrir utan það. - Ég skil ekki þennann æsing í fólki, rétt eins og það liggi fyrir með því einu að kanna málin,   hvert stefnt verður.

[Skúli Víkingsson, 2.1.2012 kl. 13:19]

Heiðar. Ég hef hingað til ekki verið sakaður um að vera of bjartsýnn og þaðan af síður að styðja VG. Það er talsmátinn sem ég geri athugasemdir við, "ad hominem" þ.e. það er ráðist á manninn en rök látin lönd og leið. Þeir sem hæst tala um að þörf sé á endurnýjaðri og bættri umræðu hafa gjarnan svona marklaust tal í frammi.

[Pétur Guðmundsson (IP-tala skráð) 2.1.2012 kl. 20:07]

Fyrst farið er að blanda fiskveiðistjórn inn í þetta, bið ég fólk að hugleiða hvað fólgið er í inngöngu í ESB. Íslendingar hafa ennþá lögsögu yfir fiskveiðiauðlindinni en eiga ekkert. Ef gengið verður inn í ESB þá flyst lögsagan til Brussel. Svo einfalt er nú það. Og eftir það höfum við sáralítið um það að segja hverjir veiða fiskinn og hafa af honum tekjurnar. Einnig er auðséð hvað verður um landbúnaðinn og allar varnir, sem kannske einhverjir sem hafa eitthvert vit í kollinum, vilja viðhafa gagnvart búfjársjúkdómum. Held að það sé kominn tími til að kratar og annað ESB sinnað fólk fari að hugsa. Síðan sá ég það einhversstaðar að höfuðborgarsvæðið lifði á landsbyggðinni, reyndar hefur mig lengi grunað að svo væri.

[Svanur Gísli Þorkelsson, 2.1.2012 kl. 22:01]

Er fólk að segja að það vilji að næsti forseti verði yfirlýstur andstæðingur ESB eða öfugt? Á að varpa hlutleysisreglunni alveg fyrir róða?

[Landfari, 2.1.2012 kl. 23:05]

Ég verð nú að byrja á að taka undir með Skúla Víkings (bæði um álitið á Jóni og orðbragðið) og Sandy.

Svanur, það segir sig sjálft að það hefði verið mun gáfulegra að fara í þjóðaratkvæði með þetta í byrjun og svo aftur í lokin ef vilji hefði verð fyrir því ganga til samninga. Kaostnaður við þjóðaratkvæaðagreiðslu eru smáaurar miðað við kostnaðinn við aðildarviðræðurnar.  Fyrir stórðan hluta þjóðarinnar skiptir litlu hvað kemur út úr samningaviðræðunum því þeir eru á móti inngöngu af pólitíslkum ástðæðum. Það gilti um Jón Bjarna  og Steingrím J. fyrir kosningar en bara um Jón eftir kosningar. 

Svo er annað í þessu máli og það er að Ísland er að semja um að ganga í Evrópubandalagið en Evrópubandalagið er ekki að sækja um sameinast Íslandi. Það segir sig sjálft að Evrópubandalagið getur ekki breytt sínum grunnatriðum varanlega til að þóknast einhverju smáríki úti í ballarhafi, jafnvel þó sú staðsetning sé að verða eftirsóknarverðari en áður var.  Tilvera sambandsins byggist á ákveðnum grunnatriðum sem ekki er hægt aðgefa einhverjar undanþágur frá nema til takmarkaðs tíma meðan ríki eru að aðlagast.

Hvernig ættu einhver ríki að geta sætt sig við að deila með öðrum hlunnindum sínum þegar önnur ríki gætu samið um það þau hefðu sín hlunnidi fyrir sig.

Svo getum við engan vegin treyst því að það sem samið yrði um núna væri eitthvað sem stæði til frambúðar. Það er magt að breytast í Evrópu og núna sjáum við hvernig  krafa betur stæðra ríka um afskipi af fjármálum aðildarríkja kemur inn eftirá.  Ekki svo að skilja að okkur veiti nú ekki af aðhaldi í þeim efnum.

En að halda að við breytum Evrópubandalaginu varanlega er svoítið barnalegir draumar.

[Svanur Gísli Þorkelsson, 3.1.2012 kl. 10:39]

Landfari; Ég hef aldrei skilið þessi rök fyrir því að kjósa um að sækja um, þegar það liggur fyrir að það verður kosið þegar það  verður ljóst hvað á að kjósa um. - Mér sýnast þeir sem vilja láta kjósa strax um hvort sækja eigi um séu hræddir við að láta reyna á vilja almennings.

[Landfari, 3.1.2012 kl. 11:26]

Nú ertu að snúa málinu á haus Svanur. Það eru einmitt þeir sem ekki vilja láta greiða atkvæði um umsóknina sem ekki þora að leggja málið undir þjóðina af ótta við niðurstöðuna.

Heldurðu ekki að samningsumboð samninganefndarinnar væri sterkara með umboð þjóðarinnar á bakvið sig heldur en  umboð helmings óvinsælustu ríkistjórnar landsins. Það má ljóst vera að hugur fylgdi ekki máli hjá öllum þingmönnum VG sem greiddi umsókninni atkvæði. Það var gert af ótta við að annars kæmist Sjálfstðisflokkurinn aftur að.

Eins og ég benti á í fyrri tjáslu minni þá verður það aldrei ljóst hvað verður til framtíðar því Evrópubandalgið er stöðugum breytingum háð og þær undanþágur sem við hugsanlega gætum fengið eru ekki þar undanskildar.

Hitt er svo annað að nún aþegar mest ríður á að sameina þjóðina er það ekki sniðugt útspil að keyra á mál sem mikill ágreiningur er um. 

Svo er það furðruleg ráðstöfun að þegar ekki eru til 50 milljónir til að halda úti líknardeild er til milljarður í þessar aðildarviðræður.

[Svanur Gísli Þorkelsson, 3.1.2012 kl. 12:16]

Landfari; Ertu ekki eitthvað að misskilja þetta ferli. Það verður kosið um málið í þjóðaratkvæðagreiðslu og aldrei nokkuð annað staðið til. Ekki blanda flokkspólitík í þetta mál, nóg er samt.

Það er verið að kanna hvað er í boði. Það skiptir engu máli hvort þeir sem eru að kanna þetta eru með eða á móti samningunum. Þegar á hólminn er komið verður kosið um það sem fyrir liggur og við viljum öll vita hvað fyrir liggur ekki satt? - Hvaða hræðsla er þetta við að fá að vita hvað er í boði. Hvers vegna þurfa þeir sem finna það úr eitthvað sérstakt umboð, rétt eins og þeir séu að semja um inngöngu. Þeir eru ekki að semja um inngöngu, heldur að kanna á hvaða forsendum slík innganga gæti hugsast.

Svo hefur megnið af þessum kosnaði við könnunina verið greiddur af ESB. Sé ekki yfir hverju fólk er að kvarta.

[Landfari, 3.1.2012 kl. 21:58]

Svanur minn fylgistu ekkert með fréttum. Það er ekkert til sem heitir könnunarviðræður. Það er búið að sæka um inngöngu. Þetta eru aðildarviðræður.

Alþingi sótti um inngöngu é Evrópubandalagið. Ekki að fá að skoða hvað væri í boði. Það liggur fyrir um hvað Evrópubandalagið stendur fyrir í grunnatriðum. Það sem boðið er núna er mislangur aðlögunartími að reglum bandalagsins. Íslendingar, þó miklir séu breyta ekki þeim reglum. Það geta hinsvegar hin voldugri ríki gert eftir að við göngum þar inn og þá höfum við ekkert um að semja í þeim efnum.

Þess utan er ekkert sem liggur fyrir um að samþykktin verði lögð undir í þjóðaratkvæðagreiðslu. Þvert á móti verður hún ekki skuldbindandi.

Kostnaður Íslendinga af þessu það sem af er hefði dugað til að reka líknardeildina í mörg ár. Megnið af þeim peningum sem Evrópubandalgið veitir hingað fer í áróður  fyrir inngöngu. Það eru engnir smáaura.