„en þeir peningar finnast hins vegar hvergi“

Merkilegt að Pálmi Haraldsson skyldi fá setninguna „en þeir peningar finnast hins vegar hvergi“ dæmda ómerka. Merkilegt vegna þess,  að í málinu Sem  Eiður Smári höfðaði gegn DV  fyrir að fjalla um fjármál hans opinberlega, segir hæstiréttur "að þegar metið sé hvar mörkin liggi milli tjáningarfrelsis og friðhelgi einkalífs verði að líta til stöðu þjóðfélagsmála á hverjum tíma, hvaða málefni hafi borið hæst í opinberri umræðu og séu almennt talin miklu varða."

Hæstarétti hefur sem sagt ekki fundist setningin „en þeir peningar finnast hins vegar hvergi“ í tengslum við Pálma Haraldsson vera í takti við stöðu þjóðfélagsmála á þeim tíma.

Samt er t.d. Hvítbókin á netinu um Pálma  full af miklu verri aðdróttunum ef ekki beinum ávirðingum,  eins og fólk getur kynnt sér. - Hvar sem Pálmi hefur komið við sögu í viðskiptum liggur  slóðinn af gjaldþrotum. En samt hefur hann ætíð haft fullar hendur fjár til að fjármagna næstu fléttu sína.

Ein ummæli í fréttinni ómerkt

Athugasemdir

[Serafina (IP-tala skráð) 24.11.2011 kl. 18:18]

Réttlátur dómur að mínu mati. Fréttastofur eru ekki dómstólar. Þær verða að gæta sín á því að flytja fréttir þannig, að ekki sé farið yfir ákveðin mörk í fullyrðingum. Sumir fréttamenn hafa að undanförnu gengið alltof langt í því að koma sínum eigin fordómum á framfæri.