Sveltum öryrkjana og svindlum á hinum öldruðu

Þegar að þjófélag hefur ekki efni á að veita öryrkjum og öldruðum landsins, sæmandi lífeyri, er spurning hvaða tilgangi ríkisrekstur þess þjónar. Einn af hornsteinum siðmenningar okkar byggir á þeim sjálfsögðu sannindum að þeir sem hafa lagt sitt af mörkum til samfélagsins og þeir sem ekki komast af án þess, eigi að njóta forgangs þegar kemur að því að deila út sameiginlegum sjóðum okkar.

Það er því ekkert annað en villimennska að finnast sjálfsagt að dæla almannafé til banka og auðmanna í falsskuldir sem tilkomnar eru vegna okurvaxta og  bókhaldsbrellna, og þrengja um leið kost öryrkja og aldraðra svo að þeir eiga enga möguleika á að lifa mannsæmandi lífi. - Sveltandi gamalmenni og öryrkjar eiga að vera liðin tíð á Íslandi. Að það skuli vera á kostnað þeirra sem telja eigur sínar í milljörðum er þjóðarskömm sem seint verður yfirstigin.

Alþingi sem samþykkir slíkar aðgerðir á að setja af sem fyrst. Ríkisstjórn sem framfylgir slíkum ákvörðunum ætti að hrekja frá sem fyrst með öllum tiltækum ráðum. - Þessi framkoma er hneisa fyrir þjóðina alla og þeir sem mæla þessum aðgerðum bót, ættu að fá orð í eyra frá  mæðrum sínum og feðrum, ömmum sínum  og öfum.

Öryrkjar mótmæla skerðingu bóta

Athugasemdir

[Sigurður M Grétarsson, 23.11.2011 kl. 22:59]

Getur þú útskýrt hvernig stjórnvöld hafa "dælt almannafé  til banka og auðmanna í falsskuldir sem tilkomnar eru vegna okurvaxta og bókhaldsbrellna." Ég hef fyltst talsvert með síðustu ár en hef samt ekki heyrt um þetta. Mér segir svo hugur að þú sért eitthvað að misskilja þær aðgerðir sem stjórnvöld hafa staðið fyrir.

[Ásthildur Cesil Þórðardóttir, 23.11.2011 kl. 23:00]

Mæl þú manna heilastur Svanur. Tek hér undir hvert einasta orð.

[sveinn sigurður ólafsson (IP-tala skráð) 24.11.2011 kl. 01:55]

held sé hægt að segja um langflesta sem eru ósammála að hafi hagsmuna að gæta..

eða eru ómannúðlegir sósíópathar (sama hægt að segja um hina reyndar)

[sveinn sigurður ólafsson (IP-tala skráð) 24.11.2011 kl. 01:56]

en þetta virðist vera merkilega misskilið lið.

[sveinn sigurður ólafsson (IP-tala skráð) 24.11.2011 kl. 01:59]

en maður nennir ekki að taka þátt í þessari vitleysu, ef það er ekki þetta lið að plata liðið, þá er það eitthvað annað lið.

"if the monkeys are burning down the forest, get out of the forest" fer að verða notalegri og notalegri hugsun að flýja til fjallanna, "leyfið þrælunum að vera þrælar, því það er víst svo notalegt"

[Svanur Gísli Þorkelsson, 24.11.2011 kl. 02:46]

Sigurður M Grétarsson; Umtalsverðan hluta af skuldaaukningu og hallarekstri ríkissjóðs á síðustu árum má rekja til útgjalda er tengjast endurfjármögnun bankanna en beint hlutafjárframlag ríkisins til Arion banka, Íslandsbanka og Landsbankans var um 135 ma.kr. Auk þess veitti ríkissjóður Arion banka og Íslandsbanka 55 ma.kr. víkjandi lán. Samtals gera þetta því um 190 ma.kr. sem er um það bil jafn mikið og hallinn á ríkisútgjöldum á árinu 2008, eða sem svarar 13% af vergri landsframleiðslu.

Nýlegt dæmi um auðmenn sem fá af almannafé úr bönkunum; Finnur Árnason forstjóri og fleiri stjórnendur Haga fá 300 milljónir króna greiddar frá Arion banka samkvæmt samningi, bæði í ræðufé og hlutafé í Högum.

[Svanur Gísli Þorkelsson, 24.11.2011 kl. 03:20]

Eldra dæmi Sigurður;  Skuldir Kjalars við Arion banka hafa verið afskrifaðar að nánast öllu leyti í bókum Arion banka en fyrirtækið skuldaði bankanum 88 milljarða króna á núvirði.
http://www.hvitbok.vg/Profilar/OlafurOlafsson/OOStofnarNyttFelag/

[Bárður (IP-tala skráð) 24.11.2011 kl. 12:30]

Sigurður M Grétarsson sér bara það sem hann vill sjá, að frátöldum sannleikanum.

[Sigurður M Grétarsson, 24.11.2011 kl. 12:41]

Eins og mig grunaði Svanur þá ert þú að misskilja málið. Hvað varðar niðurfellingar bankanan á óinnheimtanlegum skuldum heimkila og fyrirtækja þá lendir sá kostnaður á kröfuhöfum í þrotabú gömlu bankanna en ekki á ríkissjóði né nýju bönkunum. Um þetta var samið þegar nýju bankanrir keyptu lánasöfnin úr þrotabúi gömlu bankanna. Greitt var lágmarksverð í upphafi en síðan fer endanlegt verðmat fram í árslok 2012 og þá bæta nýju bankarnir við hærri greiðslum verð verðmat á lánasöfnunum þá meira en þeir greiddu fyrir þau í upphafi. Eins og fram hefur komið í frettum nýlega lítur út fyrir að þessar viðbótagreiðslur verði í nágrenni við 100 milljarðar. Við þetta verðmat verða allar þessar afskriftir sem þú nefnir hér teknar með í reikninginn og verða því á kolstnað þrotabúa gömlu bankanna.

Hvað varðar það fé sem ríkissjóður lagði í endurreisn fjármálakerfisins hér þá var ekki verið að gefa neinum fjármálamönnum það fé því ríkissjóður eignast bankana að hluta eða öllu leyti í tilfelli Landsbankans fyrir það fé. Meðan hlutur ríkisins er óseldur fær ríkissjóður arð af þeirri fjárfestingu. Reyndar er hann í upphafi látinn standa inni í bönkunum til að byggja upp hærra eiginfjárhlutfall því þeir voru stofnaðir með lágmarks eiginfjárhlutfalli og þannig geta þeir ekki starfað lengi því það leiðir til þess að alltaf þarf að bæta við eiginfjárhlufallið þegar tap verður á rekstrinum eða innistæður aukast til að halda við lágmarkseiginfjárhlutfallinu.

Þetta eykur þó eign ríkisins og eykur því arðgreiðslur síðar og hækkar það verðmæti sem ríkið getur selt. Reyndar stendur til að selja hlut ríkisins í Íslandsbanka á næsta ári og er það hluti af fjármögnun ríkissjóðs fyrir næsta ár.

Til þess að reisa hér við efnahagslífið þarf að auka atvinnu og til þess þarf að fjárfesta og til þess þarf að vera til virkt fjármálakerfi. Það var því aldrei valkostur að endurreisa ekki fjármálakerfið.

Þar sem um var að ræða kaup á eignum sem gefa arð þá er hér ekki um útgjöld að ræða heldur fjárfestingu.

Það er því misskilningur að hér hafi verið um að ræða útgjöld sem hefði verið hægt að velja um að setja í eitthvað annað eins og velferðakerfið. Þvert á móti var hér verið að byggja undir efnahag landsins og þar með möguleika þess á að vera hér með öflugt velferðakerfi til framtíðar.

[Svanur Gísli Þorkelsson, 24.11.2011 kl. 13:19]

Sigurður reit;

Hvað varðar það fé sem ríkissjóður lagði í endurreisn fjármálakerfisins hér þá var ekki verið að gefa neinum fjármálamönnum það fé því ríkissjóður eignast bankana að hluta eða öllu leyti í tilfelli Landsbankans fyrir það fé.

Ég segi að almannafé hafi verið dælt í bankana og þú staðfestir það. Um hvort það hafi verið nauðsynleg aðgerð og hvort hún þurfti að vera svona víðtæk, er deilt. Um að skuldir bankanna hafi verið tilkomnar vegna bókhaldsbrellna, þá veistu að svo var og kröfurnar í þrotabú bankanna eru að mestu leiti það líka.

Um að bankar láti fé renna til auðmanna og gróðamilla stend ég viðdæmin tvö sem ég tók og þú hefur ekki gert neina tilraun til að hrekja.

Seinni liður staðhæfingar minnar um að þessi peningar hafi lent