Stór brjóst og karlmenn

Því er stundum haldið fram að ef karlmenn væru ekki svona miklir aðdáendur stórra brjósta, mundu kvenmönnum ekki vera svona umhugsað um stærð þeirra. - Og oft er hóflitlum fjölmiðlum kennt um að örva, viðhalda og jafnvel móta unga karlhuga á þá leið að þeir álíti stór brjóst það áhugaverðasta sem konur hafa upp á að bjóða. En er það staðreyndin að stærð kvenbrjósta sé í raun ráðið af karlmönnum?

Áhugi mannkynsins á brjóstum og stærð þeirra er ekki nýr af nálinni. Brjóst hafa sem frjósemistákn verið fyrirferðamikil í listasögu heimsins, en listin eins og kunnugt er, endurspeglar gjarnan hvernig við höfum hugsað um hlutina á hverjum tíma og listamennirnir eru oftast karlmenn.

Hinar 35.000 ára gömlu "Venusar" smástyttur frá Þýskalandi eru með alla líkamshluta afar ýkta, ekki hvað síst brjóstin sem eiginlega minna á konu sem þjáist af brjósta Hypertrophy. -  Allt frá hinum bústnu frjósemisgyðjum og fjölbrjósta Indlands meyjum til myndskreyttra barma afrískra hjarðkvenna og mjallhvítra Evu og Maríubrjósta á málverkum miðaldameistaranna í Evrópu, er þessi mikli áhugi og sterka aðdáun karla á þessum kvenlíffærum augljós.

En það sem einnig kemur í ljós við slíka söguskoðun er að karlar hafa ekki ætíð haft sömu hugmyndir um æskilega stærð og lögun konubrjósta. Ef hægt er að tala um sögulega meðalstærð í þessum efnum, væri það trúlega 34B.

Allt frá árinu 1996 hafa t.d. brjóst kvenna verið að stækka og mest selda stærðin í USA og UK um þessar mundir er 36C.  

Allar líkur er á að kvenbrjóst eigi eftir að stækka enn frekar því bandarískir karlmenn sem eins og allir vita eru hallir undir stóra hluti, segjast helst vilja konur með brjóstastærð 36D. Sama er að segja um breska karlmenn.

Konur virðast sem sagt almennt ansi samvinnuþýðar og skilningsríkar við karla sína hvað þetta varðar. Eða býr eitthvað meira undir?

Brjóstin hafa oft verið notuð í listinni til að tákna yfirráð, ríkidæmi, fegurð og völd, eða það sem margir þrá og eiga erfitt með að standast. Og kannski er það einmitt þetta sem konan er að árétta með "undirlátsemi" sinni við duttlunga karlmannsins.

Stækkar brjóstin um heila skálastærð á mánuði

Athugasemdir

[Jón Logi (IP-tala skráð) 9.11.2011 kl. 09:10]

Nú eru hlussujúllur a'la Parton bæði lítt spennandi í mínum augum, og svo ekki sérstaklega þægilegar fyrir berandann. Þetta efni mun örugglega valda nokkrum ýkjum í hinum brenglaða heimi.

En....

Fyrir þær sem eru tiltölulega flatar, mun þetta örugglega bæta úr, ef þær vilja. Þær grönnu eins og Keira munu ekki þurfa mikið til að vera aðeins skverlegri.

Því........

Að meir að segja 36D er ekki neitt neitt, ef að berandinn er í dúndrandi yfirvigt. Smá bólur á fitupolli, og haldið uppi af bumbunni. Og er það ekki höfuð vandamál hjá bæðu Bandarískum og Breskum konum í dag?

[Eyjólfur G Svavarsson, 9.11.2011 kl. 14:50]

Allt er best í hófi!

[Gunnar Th. Gunnarsson, 9.11.2011 kl. 15:05]

Sjálfsagt einhverjir karlmenn sem koma til með að prófa að smyrja þessu á manndóminn

[Siggi (IP-tala skráð) 9.11.2011 kl. 23:00]

Held að yfir höfuð séu meirihluti karlmanna ekki að einblína á brjóstarstærðina og held frekar að  þetta sé meira kvennavandamál en karla þó vissulega séu sumir sem ekki geta greint gæði frá stærð :), þessi ofurbrjóstmenning kemur frá gerviheimi Hollywood USA, held þó eins og ég sagði að flestir (allavega sem ég þekki) séu frekar fyrir normalið (bæði smát, meðal og skinsamlega stórt) og að varan sé ekta en konurnar virðst oft vera uppteknari og viðkvæmari fyrir brjóstunum sínum

[siggi aftur :) (IP-tala skráð) 9.11.2011 kl. 23:06]

Mikið af fallegu kvenfólki sem hefur komist áfram í tísku og kvikmyndaheim og eru annálaðar fyrir fegurð eru konur með mjög lítil brjóst :)

[Eva Hauksdóttir (IP-tala skráð) 10.11.2011 kl. 21:47]

Það er skálastærðin sem á við umfang brjóstanna. Talan fyrir framan segir til um ummál bolsins. Konur sem nota 34B og 36B eru þannig með álíka stór brjóst (góða handfylli) en sú sem notar 36 er breiðari um sig og þannig með hlutfallslega minni brjóst. Séu upplýsingarnar í greininni réttar, segir það okkur að þrátt fyrir að konur séu mun hærri vexti nú en fyrir 400 árum, er ekki talið við hæfi að ummál brjóstkassans undir brjóstunum hafi aukist enda þótt brjóstin eigi helst að vera á stærð við hrærivélarskálar.