Markmið kreppunnar að nást

Hvernig er hægt að koma því  þannig fyrir að við sem eigum peninga, sitjum einir að þeim. Ég á við, það er svo áhættusamt að lána þá almenningi og að auki ræður maður ekki alveg vöxtunum á þeim markaði. - Peningar ávaxtast best hjá þeim sem eiga peninga og þess vegna þarf að koma því þannig fyrir að einungis þeir, hafi aðgang að þeim. -

Til eru nokkrar þekktar aðferðir til þess að ná fram þessum markmiðum. Sú sem við veljum í þetta skipti er að koma af stað svokallaðri fjárhagslegri "heimskreppu". - Ekki þannig að framleiðsla heimsins minki eitthvað eða verðmætasköpun verði raunverulega minni, heldur þegar að rétti tíminn er kominn og stærsti hluti peninganna er í "réttum höndum" fellum við gengið á verðbréfamörkuðum. -

Til að milda þetta fyrir almenning og láta hann auk þess halda að þetta sé hans sök, skulum við áður lána honum ríflega út á veð sem ekki eru raunverulega til. Almenningur mun eyða þeim peningum á nokkrum árum sem er í lagi því hann lendir hvort eð er í okkar vasa.

Síðan þegar fólk getur ekki borgað,  fellum við lánin og í kjölfarið fellur allt á verðbréfamörkuðunum og þannig búum við til "heimskreppu". Ríkisstjórnir verða að ausa almenningsfé til okkar, trúandi því að allt sé á heljarþröm af því að bankarnir séu á hausnum. Eftir það fær enginn neitt lánað, nema þeir sem eru í klúbbnum. Þetta færir okkur nær markmiðum okkar. Færri eiga meira!

Gott og vel. Samþykkt!

Færri eiga og fleiri skulda

Athugasemdir

[Ransý (IP-tala skráð) 15.10.2011 kl. 11:43]

Takk Svanur ..nú loksins skildi eg  um hvaða markmið og um  hvaða  batamerki þau tala  Jóhanna og Steingrimur !!....... En eg er ekki eins samvinnufús og þú ...að samþykkja