Marta María í Smartlandi á villigötum

Fyrir nokkrum dögum birtust myndir af Katrínu Middleton sem gáfu sterklega til kynna að stúlkukornið hefði lagt enn meira af í brúðkaupsferðinni og var hún þó grönn fyrir.

Leiddar voru getur að því að Katrín væri nú komin langt undir eðlilega líkmasþyngd.

Þessi mynd af henni í sama kjól og Lydía Bright sem frétt Mörtu Maríu fjallar um, sýnir svo ekki er um að villast að Katrín á við verulegt vandamál að stríða. -

Á meðan raunveruleikaþáttastjarnan  Lydía fyllir vel útí kjólinn sinn á öllum stöðum, hringlar Katrín inn í sínum, brjósta, rass og mjaðmalaus. -

Ég er því á fullkomlega öndverðum meiði við Mörtu Maríu í Smartlandi sem virðist telja að lystarstolslegt útlit Katrínu sé eftirsóknavert og að hún taki sig betur út í  kjólnum en Lydía. -

Það er greinilega að Marta er eitthvað smituð af horrenglutískunni og lætur sér í léttu rúmi liggja þá skaðsemi sem hún hefur valdið konum og ungum stúlkum sem talið er trú um að stærð 0 sé eftirsóknarverð.

Þessi kjóll er ekki flottur á öllum

Athugasemdir

[Jóhanna Magnúsdóttir, 1.6.2011 kl. 20:42]

Takk fyrir að vekja athygli á þessu - algjörlega sammála þér!

[Hrönn Sigurðardóttir, 1.6.2011 kl. 20:54]

Segi eins og Jóhanna - algjörlega sammála þér!

[Anna Dóra Gunnarsdóttir, 1.6.2011 kl. 21:13]

Ég verð að taka undir með ykkur, mér finnst sú með holdin mun fallegri í sínum kjól.

[Sigrún Óskars, 1.6.2011 kl. 21:36]

ég hélt að ég væri að misskilja fréttina, því sú sem er með vöxtin í lag s.s.Lydía er mikið flottari en Katrín, sem er ALLTOF mjó að mínu mati.

er fegin að fleiri eru sammála mér

[Jóna Kolbrún Garðarsdóttir, 2.6.2011 kl. 01:31]

Heyr, heyr.

[Svanur Gísli Þorkelsson, 2.6.2011 kl. 06:30]

Takk fyrir undirtektirnar stúlkur.

Skil ekkert í Mörtu smörtu, sem nýbúin er að skrifa frétt og að mér fannst, taka þar undir að vert sé að hafa áhyggjur af holdafari Katrínar,  að venda sínu kvæði í kross á þennan hátt og bera lof á útlit hennar sem greinilega tengist átröskunum af einhverju tagi og setja á sama tíma út á eðlilegt útlit Lidýu.

Rök Mörtu í þessari frétt halda einungis ef gert er ráð fyrir að kjóllinn sé eingöngu saumaður  til að líta vel út  á herðatré. - Reyndar vilja margir tískufrömuðir að sýningarstúlkurnar líti út og beri sig til, nákvæmlega eins og mennsk herðatré jafnvel þótt þeir viti vel að stærsti hluti viðskiptavinaanna séu konur af öllum stærðum og gerðum. - Þeir reikna með að allar konur langi til að líta út eins og sýningarstúlkur og með að kaupa kjólinn séu þær um leið að kaupa blekkinguna.