George Osborne fjármálaráðherra Breta segir að Íslendingar þurfi ekki að greiða Icesave

Fjármálaráðherra Breta, George Osborne, kom í gærkveldi fram í viðtalsþættinum HARDTALK. á BBC.

Hinn skeleggi spyrjandi Stephen Sackur spurði Osborne m.a. hvort Íslendingar gætu bara kosið um það sín á milli hvort þeir borguðu skuldir sínar við breska ríkið eða ekki.

Osborne svaraði því til að íslenska þingið hefði vissulega samþykkt að borga Icesave skuldina en samþykktinni hefði verið vísað til þjóðaratkvæðagreiðslu og henni verið hafnað þar.

Nýlega hefði þingið aftur samþykkt að borga og aftur hafi lögunum verið vísað til þjóðaatkvæðagreiðslu af forseta landsins.

Osborne sagðist skilja að mörgum þætti þessi meðferð málsins undarleg að skuldari gæti ákveði það með sjálfum sér hvort hann skuldaði og hvort hann vildi að borga.

En það sem honum þætti samt merkilegast var að Íslendingar hefðu aldrei farið fram á það formlega eða öðruvísi, að skuldirnar við ríkissjóð Bretlands vegna Icesave yrðu hreinlega felldar niður af ríkissjóðnum.  

Ef að vinaþjóð eins og íslendingar færu fram á að skuldin yrði felld niður mundi slík bón örugglega mæta skilningi hjá sér og á Bretlandi.

Slíkt gæti hæglega gerst , bætti hann við,  ef t.d að íbúar þessa gamla lýðræðisríkis mundu sjálfir  biðja um niðurfellinguna , þar sem stjórnvöld landsins væru þess greinilega ekki umkomin. Beinna gæti lýðræðið varla orðið.

Ég trúði varla mínum eigin eyrum þegar ég heyrði fjármálaráðherrann  láta þetta út úr sér. Var hann að mælast til þess að almenningur á Íslandi færi af stað með undirskriftalista þar sem beðið væri um niðurfellingu og málið væri þar með dautt? -

Í kjölfarið á þessari frétt sem verður örugglega á allar vörum á morgunn verður það e.t.v. niðurstaðan að almenningur taki sig saman og sendi þúsundir emaila eða bréfa á breska fjármálaráðuneytið.

Í Bretlandi þarf  500 bréf eða emaila til að fá hvaða mál sem er tekið upp í þinginu. Kannski er það allt sem þarf. 500 emaila á George Osborne og láta hann standa við stóru orðin. Hér kemur netfangið hjá breska fjármálaráðuneytinu og þar fyrir neðan utanáskrift bréfa til Georges fyrir þá sem vilja láta reyna á þetta.

[e-mail] <[e-mail]>

Rt Hon George Osborne MP  

Chancellor of the Exchequer

HM Treasury

Horse Guards Road 

LONDON SW1A 2HQ 

Athugasemdir

[Bergljót Gunnarsdóttir, 1.4.2011 kl. 02:04]

Búin að senda beiðni!

[Jenný Stefanía Jensdóttir, 1.4.2011 kl. 06:00]

Stærstu vonbrigði  aldarinnar, hljóta samt að felast í þeirri grautfúlu staðreynd að íslenskt blóð mun ekki renna í neinni boðflennu í stæsta brúðkaup aldarinnar.

"Boðflenna" merkir; sá, sú sem telur æskilegt, stöðu sinnar, útlit síns, frægðar sinnar vegna að "flenna" merkir; láta rækilega á sér bera í útliti með hreim eða kæk sem ekki er til ama né ögrunar, ........ í boðinu.

[Óskar Þorkelsson, 1.4.2011 kl. 07:24]

1 apríl ?

[Hjörtur J. Guðmundsson, 1.4.2011 kl. 07:39]

1. apríl :)

[Svanur Gísli Þorkelsson, 1.4.2011 kl. 09:43]

Góð Bergljót :)

[Svanur Gísli Þorkelsson, 1.4.2011 kl. 09:43]

Jenný; Ég er samt að hugsa um að mæta :)

[Svanur Gísli Þorkelsson, 1.4.2011 kl. 09:45]

Óskar og Hjörtur: Þetta var svo skrambi sannfærandi hjá Hardtalk?

[Mofi, 1.4.2011 kl. 10:01]

Það er fokið í flest skjól hjá já-sinnum ef að meðlimir stjórnar Bretlands segja svona hluti. Maður samt trúir engu í dag, óneitanlega best að vera trúleysingi fyrsta apríl.

[Vilhjálmur Örn Vilhjálmsson, 1.4.2011 kl. 10:17]

Mofi, þarna skildir þú eftir fleygu orðin þín. Ég þekkti mann, sem trúði engu, nema að hann fengi að sofa hjá henni.

Svanur, þú ert

[Eyjólfur G Svavarsson, 1.4.2011 kl. 11:13]

Þetta er nú ekki fallaga gert af þér Svanur.  Mér finnst þetta of viðkvæmt mál til að nota sem apríl gabb.kv Bláskjár.

[Mofi, 1.4.2011 kl. 11:31]

Vilhjálmur, nei, ég skildi þau eftir hjá þér, mannstu ekki, eitthvað með fleyg eða fljúga :)

[Svanur Gísli Þorkelsson, 1.4.2011 kl. 12:06]

Mikið rétt Mofi. Þetta er dagur efasemdanna.

[Svanur Gísli Þorkelsson, 1.4.2011 kl. 12:06]

Þú líka Vilhjálmur :)

[Svanur Gísli Þorkelsson, 1.4.2011 kl. 12:08]

Mikið rétt Eyjólfur. Sumt á ekki að hafa í flimtingum, einkum það sem snertir þjóðarstoltið og buddu landans. Verð að benda BBC á það við tækifæri. 

[Bjarne Örn Hansen (IP-tala skráð) 1.4.2011 kl. 13:14]

Þetta er náttúrulega alveg rétt hjá manninum, en það að hann segir að það muni mæta skilningi, er ekki sama og að það verði gengið að því.  En það er alveg ljóst, að stjórnvöld á Íslandi, er mikið ábótavant í öllum málum.

[Bjarne Örn Hansen (IP-tala skráð) 1.4.2011 kl. 13:16]

Ná þeir 500, sem hlaupa þennan apríl?

[Svanur Gísli Þorkelsson, 1.4.2011 kl. 13:35]

"Slíkt gæti hæglega gerst" Bjarne

[Sigurbjörn Friðriksson, 1.4.2011 kl. 15:21]

Ég get svarið að ég trúði þessu þegar ég las greinina þína og áttaði mig ekki strax á 1. aprílgabbinu.

Flott gabb Svanur...hehehe.

Kveðjur, Björn bóndi   

[Svanur Gísli Þorkelsson, 1.4.2011 kl. 15:36]

Verst að þetta skuli ekki vera satt félagi Björn :)

[Bergljót Gunnarsdóttir, 1.4.2011 kl. 19:42]

Ég setti líklega heimsmet í hlaupi, það eina á ævinni, vona bara að hann hafi fengið beiðnina.

[Ásthildur Cesil Þórðardóttir, 1.4.2011 kl. 20:31]

Já auðvitað sendum við beiðni söfnum undirskriftum og látum reyna á hvort þetta sé eitthvað meira en bara aprilgabb, það er aldrei að vita nema kjöftugum ratist satt orð í munn.   Þetta er allavega alveg nýr flötur á málinu sem vert er að skoða alveg í botn.

[Svanur Gísli Þorkelsson, 2.4.2011 kl. 00:10]