Þá byrjar ballið

Fréttin segir að Öryggisráðið heimili ekki landhernað gegn Gaddafi, en tillagan sem var fyrir öryggisráðinu gerði ráð fyrir að leyft yrði að grípa til allra nauðsynlegra aðgerða nema að hernema landið. Samkvæmt því er ákveðin landhernaður vel mögulegur, svo fremi sem þeir hermenn sem á land ganga, hypji sig aftur til sín heima þegar hlutverki þeirra er lokið. - Á næstu klukkustundum hefjast loftárásir væntanlega á Líbíu, sem verður fylgt eftir af landgönguliði á næstu dögum.

Og hvenær hlutverkinu er lokið, um það verður eflaust fundað mörgum sinnum á næstu mánuðum eða árum. - BP, stærsta olíufélag  beitir nú fyrir sig bæði Bretum og Bandaríkjamönnum til að tryggja fjárfestingar sínar í Líbíu. Þeir hafa nú fengið leyfi til að endurheimta þær aftur með hervaldi. -

Öryggisráðið heimilar loftárás

Athugasemdir

[Sigurður Haraldsson, 18.3.2011 kl. 00:03]

Sæll þú segir nokkuð var það BP sem átti frumkvæðið sem sagt olían en ekki fólkið!

[Svanur Gísli Þorkelsson, 18.3.2011 kl. 00:22]

Þessi ályktun kemur allt of seint til að verða fólkinu að liði. En vittu til, markmiðið verður að koma Gaddafi frá og setja einhvern í valdastólinn sem er áreiðanlegri en Gaddafi og hefur skilning á stöðu Bretlands og BP. Ég efast um að Bandaríkjamenn komi nokkuð nálægt þessu stríði alla vega ekki til að byrja með.

[Axel Jóhann Hallgrímsson, 18.3.2011 kl. 03:03]

Ég get ekki sagt að ég sé hrifinn. Þessi Vestrænu lýðræðisstríð hafa aldrei skilað fólki í þessum heimshluta auknu lýðræði, og af hverju ættu þau að gera það, eftirspurnin er engin. Nýtt einræði er alltaf lausnin og "við" lærum aldrei neitt!

[Óskar Þorkelsson, 18.3.2011 kl. 09:25]

blaðamannafundur í beinni hér í NRK1.. nojarar eru að setja bensín á þoturnar sínar..

[Bjarne Örn Hansen (IP-tala skráð) 18.3.2011 kl. 15:40]

Enn ein frelsunin í aðsigi ... álíka gáfuleg og fyrr.  Sem byggist á miskylningi gagnvart því af hverju unga fólkið gerði uppreisn gegn stjórninni í Egyptalandi.

Mönnum ber að hafa í huga að Egyptalandsforseti var handbendi vestrænna þjóða og sá eini í mið-austurlöndum sem lagði blessun sína yfir Ísrael, uppreisnin þar og uppreisn fólks í mið-austurlöndum er því tæplega hvað menn halda að hún sé. Sérstaklega þegar hafa ber í huga, það hatur sem vestrænar þjóðir og Ísrael láta þjóðir mið-austurlanda þola.

Það verður gaman að sjá, hvaða afleiðingar verða af falli Lýbíu ...

[Guðmundur Bjarnason (IP-tala skráð) 19.3.2011 kl. 08:07]

Þessi Dad-afi eða hvað hann nú heitir er ansi merkilegur kall. Við megum ekki gleyma sögunni í hita leiksins. Fáir hafa storkað stórveldunum eins og hann og komist upp með það.
Jæja, auðvita eru öll mikilmenni geðveikir brjálæðingar eða snillingar, bara eftir því hvernig við skoðum málið.

[Bergljót Gunnarsdóttir, 21.3.2011 kl. 20:20]

Fjöldamorðingi, geðsjúklingur og hryðjuverkaforingi,  skárri eru það nú merkilegheitin.

[Þorsteinn Sch Thorsteinsson (IP-tala skráð) 22.3.2011 kl. 13:57]

Sæll Svanur

Gott hjá þér að vekja athygli á þessu máli

Eins og staðan er í dag þá held ég að mótmælendur og aðrir þarna séu ekkert sérstaklega  ánægðir yfir því að fá yfir sig þetta fína geislavirka úraníum- sprengjuregn ('We'll see depleted uranium missiles thrown by Western aircraft on Libya').

Ég spyr sjálfan mig að því af hverju þarf alltaf að nota svona sprengjur og/eða af hverju var ekki nóg að nota bara skot á þetta lið hans Gaddafís?

Ég sé að Bergljót hérna talar um hann sé:  "Fjöldamorðingi, geðsjúklingur og hryðjuverkaforingi" en er þetta NATO- lið og Bandaríkjamanna eitthvað betra, þegar þetta lið er að nota yfir 100 geislavirkar úraníum- sprengjur út um allt á fólkið þarna?

Jú, jú það var sett flugbann en ekki ein einasta flugvél, þyrla eða loftfar Gaddafís fór eitt eða neitt og allt lá þarna niðri. Ofan á allt þá er ekkert sem bendir til þess að Gaddafí hafi brotið þetta vopnahlé er hann hafði boðað rétt áður við alþjóðasamfélagið og íbúa Bengasi.

[Bergljót Gunnarsdóttir, 22.3.2011 kl. 20:22]

Nei, þeir eru ekkert betri, en  illur verknaður batnar ekkert  þó einhver fremji annan svipaðan.

[Theódór Gunnarsson, 23.3.2011 kl. 22:36]

Það er allavega ljóst að þetta var kærkomið tækifæri fyrir vesturveldin.  Hentugt tilefni sem réttlætir að ráðast á Gaddafi.  Hann er svo andskoti leiðinlegur, og svo er hann líka dóni.  Þetta verður svo bara að klárað í einum grænum, og allir verða ánægðir.  Eða, er það ekki annars?