Yndislegt

Mikill meirihluti þjóðarinnar er mjög ánægður með að kosið verður um Icesave. Forsetinn er það líka og jafnvel margir þingmenn sem samt samþykktu frumvarpið á Alþingi.  Forsetinn eins og meirihlutinn treystu ekki alþingi til þess að ákveða hvernig að þessu máli skyldi staðið, enda ekki ástæða til,  miðað við fyrri aðkomu þeirra að málinu . Þess vegna er langbest að þjóðin ákveði  sjálf í þjóðaratkvæðagreiðslu hvert framhald málsins verður.

Það sem er svo yndislegt við þjóðaratkvæðagreiðslur er að þjóðin sjálf fær að ákveða örlög sín. Eftir á verða óánægjuraddirnar að þagna og sæta sig við vilja meirihlutans.

Þeir sem taka mark á þessari skoðanakönnun (sjá frétt) og þeim sem á undan hafa gengið, sjá að mestar líkur eru á að Icesave frumvarpið verði að lögum.

Miðað við málflutning þeirra sem eru fylgjandi frumvarpinu, verða áhrif samþykktar afar jákvæð fyrir þjóðina, sem er auðvitað nákvæmlega það sama og þeir sem eru á móti frumvarpinu segja að muni gerast ef honum verði hafnað. Allt fer þetta eftir skoðunum fólks. það sem mér finnst svo yndislega post modernískt við þetta allt saman,  að það er sama hvernig fer, þjóðin getur ekki tapað.

Mjótt á mununum um Icesave

Athugasemdir

[Axel Jóhann Hallgrímsson, 17.3.2011 kl. 01:34]

Hvernig sem fer verður það þjóðarvilji. Amen.

[Höskuldur Búi Jónsson, 17.3.2011 kl. 09:39]

Gríðarlega jákvætt allt saman - takk fyrir það Svanur 

[Afdrifaríkasta ákvörðun Íslandssögunnar (IP-tala skráð) 17.3.2011 kl. 15:27]

Já, þetta eru gleðifréttir að fleiri skuli ætla að sýna manndóm og mennsku frekar en skjálfa sem hræddar mýs fyrir óréttlæti glæpamanna. Enn er von í heiminum. Einn helsti frömuður lýðræðisins fyrr og síðar sagði "Þeir sem eru tilbúnir að borga fyrir öryggi með frelsi sínu, eiga hvorugt skilið, og munu missa bæði... Siðan hafa þessi fleygu orð oft verið notuð yfir stuðningsmenn nazistanna, Þjóðverjar völdu á sínum tíma Hitler afþví hann höfðaði til þarfar þeirra fyrir meint "öryggi", og það er eins með þá sem setja já við Icesave. Það er nokkurs konar nazismi að segja já við Icesave. Ekki bara ertu með því að styðja óréttlæti til að reyna að tryggja falskt öryggi, eins og kjósendur Hitlers eða þeir sem borga mafíunni "verndartolla" frekar en berjast gegn henni...og þá grasserar hún bara og verður áhrifameiri og áhrifameiri, heldur erum við með þessu að hjálpa málstað nazismans með að traðka á litaða manninum. Þjóðarskuldir hafa drepið fleiri í heiminum en styrjaldir, sjúkdómar og matarskortur samanlagt síðast liðin ár, afþví þær eru algengasta ástæða þessa þrenns. Haíti er gott dæmi. Þar var nánast jafn ömurlegt um að litast fyrir og eftir náttúruhamfarirnar í þessu áður blómlega landi, afþví nær allar tekjur landins fara í að borga Frökkum gamlar skuldir sem þeir vilja meina þeir eigi, þessir fyrrum kúgarar Haitímanna. Margar aðrar gamlar nýlendur halda fátækustu þjóðum heims í samskonar skuldaánauð og nú herja tvær þeirra á okkur. Ef við gefum undan, þá þýðir það að fleiri börn í Afríku halda áfram að deyja og átakið Make Poverty History sem Bono í U2 stírir (makepoverthistory.org) mun mistakast. Þá skulum við aldrei vera hræsnarar meir. Hver sá sem borgar hjálparstofnun kirkjunnar pening fyrir jól, eða þykist ætla að styrkja eitthvað barnaþorp út í heimi, en x-ar já við Icesaver, er hræsnari og nazisti, því afleiðingar gjörða hans eru skelfilegar fyrir þetta fólk og heildarmyndina hér í heiminum. Þetta skilja allir vitibornir og vellesnir menn, en til er gáfað fólk sem engu að síður getur blekkt sjálft sig og fegrað ástæður sínar, og þorir ekki að horfast í augu við eigin heigulshátt, hræsni og siðleysi. Það er sorglegt. Þú gerir mannkyninu, heiminum og þínum minnstu bræðrum meira gagn með að x-a NEI við Icesave heldur en með að gefa milljónir í hjálparstarf, og milljónir gætu aldrei bætt þann skaða sem þú gerir verr settum börnum en þínum eigin, sem þó munu líka bera byrgði synda þinna og borga fyrir þær, ef þú x-ar já...Horfstu í augu við þetta og taktu svo ákvörðun, góða eða vonda, sem ábyrg manneskja, en ekki sem barnalegur maður á flótta undan eigin ábyrgð, vitandi hversu alvarleg ákvörðun þetta er. "Ég er komin með leið á þessu máli" er ekki gild ástæða. Eigum við þá ekki bara að hætta að flytja fréttir af hörmungunum í Japan og fara bara að horfa á Friends. Til er "leti" sem er bara siðleysi, ómennska og viðbjóður í dulargerfi. Ekki gerast sekur um slíka synd í gerfi leti. Sýndu smá vitrænan og mannlegan metnað og vertu almennileg manneskja!

[Svanur Gísli Þorkelsson, 17.3.2011 kl. 16:17]

• Mér þykir þú AáÍ draga ansi langsóttar ályktanir í öllu þessu orðaflóði. Fyrir það fyrsta ættir þú að vita að þegar þú blandar Hitler og Nasisma inn í umræðuna, ertu um leið búinn að ónýta hana. Hún verður strax ómarktæk, alla vega fyrir þau 52% þjóðarinnar (ef marka má þessa skoðanakönnun) sem þú óbeint ert að kalla Nasista, jafnvel þótt þú hafir ýmislegt annað til þín máls.

Þegar fólk skortir rök reynir það að höfða til tilfinninga fólks, elsku þess til barna sinna o.s.f.r. Þetta nota bæði já og nei sinnar í icesave deilunni óspart, enda vita þeir sem er, að skoðanir fólks eru ekki endilega myndaðar af beinhörðum staðreyndum.

En að ausa andstæðinga sína fúkyrðum eins og þú gerir í þessari langloku þinni og kalla þá óbeint og óbeint nasista, hræsnara, heigla, siðleysingja, ómenni og viðbjóð, er ekki líklegt til að blíðka þá eða breyta skoðunum þeirra.

[Afdrifaríkasta ákvörðun Íslandssögunnar (IP-tala skráð) 17.3.2011 kl. 22:29]

Sæll og blessaður Svanur. Að það að nefna Hitler ónýti þar með þetta og hitt er bara merkingarlaus klisja illa lesinna internet nörda sem skilja ekki hvað nazisminn og hans afdrif hafa haft afdrifarík áhrif á nákvæmlega allt í okkar samfélagsgerð síðan, og hversu endalausa lærdóma má draga af framferði þeirra.

Ég er ekki að "höfða til tilfinninga" fólks með að benda á að Palli er ekki einn í heiminum og Íslands ekki heldur, þó ég undrist hversu fáir hafa næga yfirsýn til að virðast skilja það.

Fúkyrði eru það ekki að vara aðra við andlegri leti. Allir geta gerst sekir um hana og þeir einir gerast það aldrei sem eru stanslaust á varðbergi gegn því, þeir sem velja aldrei öryggi fram yfir frelsi, langtímahagsmuni framyfir skammtímahagsmuni, eða hagmuni lítillar þjóðar framyfir hagsmuni heimsins og fordæmisgildandi áhrif málsins, þeir sem velja ekki tréin fyrir skóginum.

Að kalla hlutina sínum réttu nöfnum er heldur enginn glæpur. Að kalla eigin heigulshátt, heimóttarskap, fáfræði og eigingirni einhverjum fögrum nöfnum er aftur á móti siðleysi. Þeir sem setja Já við Icesave og viðurkenna að þeir eru að hugsa um eigin stundarhagsmuni, og styðja óréttlátan málstað afþví þeir þora ekki öðru, eru kannski breiskir, en ekki sekir um sömu hræsni og hinir. Flestir menn eru heiglar, því miður, því er mannkynið svo stutt á veg komið og vandamál þess orðin svo gífurleg. En það þarf bara eina konu til að setjast í strætó einn daginn þó svört sé til að hrinda af stað byltingu, og nú eru skuldumvöðustu þjóðir heims að hefja slíka baráttu gegn hvíta kúgaranum og þurfa öll lagaleg fordæmi og hjálp sem hægt er, eigi ekki að verða stríð og hörmungar, afþví maðurinn gat ekki valið skynsemina og séð heildarmyndina. Og það þarf bara eitt lítið land til að bjóða kúgaranum byrginn til að byggja réttlátari jörð, það er alla vega einn steinn í bygginguna ef við gerum það. Venjulegur maður er breiskur. 99,9% þeirra sem eru kúgaðir af mafíunni sem heimta verndargjöld af litlu kaffihúsunum þeirra borga þau bara þegjandi og hljóðalaust. En þannig verður vandamálið bara verra og völd mafíunnar meiri. Á erfiðum tímum er ekki nóg að vera bara mannlegur maður sem fer í felur og hræðist og lætur undan óréttlætinu, hugsandi um ekkert nema sig og sína, en lifir þó æ síðan í eilífu óöryggi, eins og venjulegur maður, venjulegi kaffihúsaeigandinn á Silkiley. Ef mannkynið fer ekki að ná næsta stigi og verða eitthvað aðeins meira en þetta, ef fleiri fara ekki að standa upp í strætó og ef fleiri minnihlutahópar og smáþjóðir fara ekki að þora að berjast fyrir réttlæti gegn þeim sem kúga í krafti valds síns, þá bíða okkar verstu tímar í mannkynssögunni. Það eru ýmis teikn um að við höfum þróast, en við verðum þá að sanna það og þora að segja okkar hug og breyta rétt!

[Afdrifaríkasta ákvörðun Íslandssögunnar (IP-tala skráð) 17.3.2011 kl. 22:32]

PS: Og varaðu þig á eigin fordómum...Hinn venjulegi kjósandi Hitlers var enginn "nazisti" í raunverulegri merkingu þess orðs, frekar en venjulegur kjósandi Sjálfstæðisflokkinn sitji og lesi Milton Friendman og John Stuart Mill eða að venjulegur kjósandi vinstri grænna sitji með ræður Trotsky og æfisögu Olafs Palme í hendi alla daga. Yfir 90% þeirra sem kusu Hitler voru bara hræddir litlir menn, og þegar fram kom kröftug mafía sem sagðist veita vernd gegn valdaafsali,....þá voru þeir tilbúnir að hverfa frá lýðræði sínu aftur á lénsveldisstigið, hlýða, vera þægir og stilltir, í skiptum fyrir meira atvinnuöryggi. Flóknara var það ekki, né illskan meiri. En sá sem býður óréttlætinu í heimsókn og líður það mun brátt sjá að það mun aldrei fara sjálfviljugt á dyr aftur, og það er erfitt að losna við það. Og Þjóðverjar þurftu að læra af biturri reynslu að sá sem selur hluta af frelsi sínu fyrir meint öryggi er einfaldlega að selja sál sína og sjálfsvirðingu.

[Svanur Gísli Þorkelsson, 17.3.2011 kl. 23:18]

Þú mælir djarflega finnst mér, en auðvitað ekki undir réttu nafni. Er eitthvað dauflegt í Kópavoginum í kvöld :)

[Afdrifaríkasta ákvörðun Íslandssögunnar. (IP-tala skráð) 17.3.2011 kl. 23:55]

Ég skil ekki þennan Kópavogsbrandara og þekki það bæjarfélag takmarkað.

[Afdrifaríkasta ákvörðun Íslandssögunnar (IP-tala skráð) 18.3.2011 kl. 00:00]

Ef þú villt ekki komment frá fólki sem er ekki tilbúið að gefa upp símanúmer og heimilisfang, kennitölu, greiðslukortanúmer og netfang, þá skalltu bara stilla bloggið þitt þannig að það geti ekki sagt neitt hér, það er hægt. En hér er bæði málfrelsi og persónuvernd. Ég sinni þess konar starfi að ég met það sem svo að það er óviðeigandi að ég sé að skipta mér of mikið af pólítík opimberlega, það gæti jafnvel talist einhvers konar misnotkun á aðstöðu, og styrki þess vegna frekar við bakið á öðrum og segi eitthvað undir fjögur augu, í einkasamkvæmum, nú eða á svona vef. Það er bara minn réttur og það sem er réttast að gera í minni stöðu.

[Sæmundur Bjarnason, 18.3.2011 kl. 01:28]

Já, það er bara svona. Ég er búinn að lesa þennar reiðilestur AÁÍ og er engu nær. Það er vel hægt að hrúga saman fúkyrðum og ímynda sér að með því sé verið að styðja einhvern málstað. En ég hef enga trú á að málstaður nei-sinna batni neitt við þetta.

Ég skil ekki heldur þennan Kópavogsbrandara hjá þér Svanur Gísli. Mig langar samt að vita hver þessi AÁÍ er.

[Afdrifaríkasta ákvörðun Íslandssögunnar (IP-tala skráð) 18.3.2011 kl. 11:00]

Hér er ekki verið að hrúga saman fúkyrðum. Ég á bágt með að trúa því að meirihluti þeirra sem ætla að segja Já við Icesave séu í raun að taka "sína eigin ákvörðun". Ég lít á þetta fólk, nema örlítinn minnihluta þeirra, sem fórnarlömb hræðsluáróðurs, heilaþvotts og eigin breiskleika, sem við höfum öll, tilhneigingar til að velja meint öryggi fram yfir verðugri málstað og taka ákvarðanir byggðar á hræðslu. Það er mannlegt eðli, en hægt að yfirvinna með að læra að hlusta á sjálfan sig og þora að hlýða eigin samvisku frekar en boðum og bönnum til dæmis Biblíunnar, Kóransins, Samfylkingar, Sjálfstæðisflokksins, eða hvað sem fólk ákveður að taka alvarlegar en eigin samvisku og vitsmuna. Ekkert er sorglegra en að versla með sjálfan sig á þennan hátt, en því miður lærum við það flest sem börn í samfélagi sem bælir niður sjálfstæða hugsun og kennir fólki ekki að hugsa rökrétt. Það duga ekkert annað en sterk orð til að vekja fólk, og það er enginn glæpur að vísa til nazismans. Hann voru okkar stærstu mistök, og spegill sem við getum horft í til að læra okkar stærstu bresti sem tegundar, þetta mannkyn, og hvaða afleiðingar það hefur að velja öryggi fram yfir frelsi. Þetta var ekkert örðuvísi fólk en ég og þú, bara litlir hræddir menn sem gengu enn lengra í því sama og flestir gera því miður oft, að gera sér upp skoðanir út af tískusveiflum og öryggisleysi, af tómri hræðslu. Maður sem er í einhverjum "skoðanapakka", fittar alltaf inn í einhvern hóp, er til dæmis bæði á móti ESB og Icesave og of margir aðrir hlutir passa líka of vel inn, eða var á móti Icesave en skipti strax um skoðun um leið og Bjarni Ben, svo dæmi sé tekið, getur bókað að vera ekki sjálfstætt hugsandi maður, heldur einfaldlega heilaþveginn sauður. Sá sem hefur engar skoðanir sem ekki falla algjörlega að hans "hóp" getur verið fullviss um að hann hefur engar skoðanir og hefur lítið hugsar en bergmálar bara skoðanir annars fólks. Afþví hann hefur aldrei lært að hugsa, þá getur hann ekki gert greinarmun þar á hvað eru hans hugsanir og hvað er innræting umhverfisins. Ég ráðlegg slíku fólki að læra eitthvað bitastætt sem reynir amk 95% fyrst og fremst á eitthvað annað en utanbókarnám, annað hvort í háskóla eða bara eitt og sér. Það er hægt að nota internetið til að afla sér upplýsinga um flest.

[Sæmundur Bjarnason, 18.3.2011 kl. 11:26]

Jæja, heldur er AÁÍ að róast. Held samt ekki að það sé mér að þakka. Tek sauða og nasistamessu hans ekki til mín og held að fáir geri það. Það er afar auðvelt að vera alltaf á móti öllu og finna öllu eitthvað til foráttu. Að mörgu leyti er þarna um dæmigerðan "besservisser" að ræða og sennilega gerir hann sér ekki grein fyrir því sjálfur hvernig hann er.

[Afdrifaríkasta ákvörðun Íslandssögunnar (IP-tala skráð) 18.3.2011 kl. 18:38]

Sæll. Ég er ekki að "róast", né heldur er ég besserwisser, bara afþví ég leyfi mér að efast um að meirihluti manna taki heimskulegar ákvarðnir af heilum hug. Ég gerði grein fyrir minni afstöðu og því að ég tel engan að eðlisfari hafinn yfir nokkur annan, jafnvel ekki nazista, það eru verk mannanna og ákvarðanir sem segja hverjir þeir eru. Við erum að hluta til bara dýr, og hálfgerðar antilópur sem hlaupa bara í felur og segja "já" ef stærra og sterkar dýr er að urra, nú eða þjóð eða land sem er ríkari og hefur meira vald. Aftur á móti þróaðist siðmenning mannsins smám saman eingöngu afþví við fórum smám saman að yfirstíga þetta dýrseðli sem trúir því að "hinn sterki" eigi að ráða, og minni menn, smærri eða fátækari þjóðir, Íslendingar og Afríkubúar, eigi bara að skjálfa á beinunum og hlýða. Það er dýrseðlið sem vill það, en siðmenntaður maður lætur ekki undan dekkstu skuggahliðum þess. Allir sem fæðast í nokkuð siðmenntuðu þjóðfélagi geta valið að vera siðmenntaðir ef þeir vilja það. Á erfiðleikatímum taka menn frekar heimskulegar ákvarðanir. Hitler hefði aldrei komist til valda nema á krepputímum. Því verða menn að muna að læra af sögunni og vera meiri en tíminn sem þeir lifa á, og láta það ekki fá á sig hvort hart er í ári eða ekki. Princip skulu samt standa, þannig smám saman þróast mannkynið, með að hætta að stjórnast af hræðslu og ástríðum, reiði og egó, heldur frekar göfugri hvötum eins og réttlætiskennd.

[Sæmundur Bjarnason, 19.3.2011 kl. 09:52]

Sæll. Mér finnst þú vera of orðmargur. Margt af því sem þú segir er samt alveg rétt. Varðandi Icsave-málið finnst mér þú vera að segja að ekki eigi að semja því það sé frumstætt og í raun að kyssa á vöndinn. Mér finnst þetta vera rangt hjá þér og meira þroskamerki og siðaðra manna háttur að semja þegar það er hægt fremur en að fara í stríð. Það er háttur dýra og hefur hingað til viljað loða við mennina og Hitler líka.