Af skjaldbökuskeljum og völvusteinum

Íhaldssemin hefur á sér margar hliðar.

Súmerar eða Egyptar eru staðfastlega skrifaðir fyrir því að hafa fundið upp ritlistina á svipuðum tíma fyrir 4600 árum, Súmerar kannski sýnu fyrr.  Þegar að munir finnst annarsstaðar greyptir einhverjum framandi táknum, segja fræðingarnir að þau geti hugsanlega verið ritmál, þangað til að í ljós kemur að hluturinn er eldri en 4600 ára. Þá bregður svo við að tákn og myndir verða fræðingunum að óskiljanlegu kroti  sem ekki merkir neitt ákveðið. -

Héraðið Transilvanía í Rúmeníu er þekkt fyrir skelfilega og óþekkta hluti. Fátt sem þaðan hefur komið hefur skelft fornleyfafræðinga meira en steinvölurnar þrár sem fundust þar seint á 19. öld og kenndar eru við bæinn Tartaria.

Í  steinvölurnar, sem bera þess merki að hafa verið hluti af festi eða armbandi, sem líklega var grafin með þorpsvölvu einni, eru greipt tákn sem gætu verið letur og/eða tölustafir. En vegna þess að völurnar eru meira en 7300 ára gamlar og eru auk þess frá Evrópulandi, eru þær afar umdeildar meðal fornleyfafræðinga. Táknin hafa ekki verið ráðin enn.

Eins hefur hin svokallaða Dospilio tafla sem fannst í  Makadóníska hluta Kastoríu árið 1932, valdið miklu deilum. Dospilio taflan er viðarbútur með ískornum táknum. Taflan er talinn allt að 9000 ára gömul. Ásamt Dospilio töflunni fundust á svæðinu brot úr keramiki, smástyttur, flautur og margt fleira, sem gaf til kynna að þróað samfélag hafi verð til í Evrópu fyrir næstum 10000 árum. Það breytti mannkynssögunni svo um munar, ef það reyndist rétt.

En það var ekki aðeins í Evrópu sem fólk hafði tekið upp á því að pára á hluti allskonar tákn sem ekki þýddu nokkurn skapaðan hlut, fleiri þúsund árum fyrir þann tíma, samkvæmt því sem fornleyfafræðingar hafa ákveðið, að maðurinn lærði að skrifa.

Árið 1999 fundust í Jiahu í Henan héraði í Kína, skjaldbökuskeljar með áletrunum. Skeljarnar eru 8200 ára gamlar og fundust í grafreitum frá ný-steinöld. Í einni gröfinni var átta slíkum skeljum komið fyrir við höfðalag beinagrindar sem á vantaði hauskúpuna.

Á milli skeljanna og þess sem viðurkennt sem fyrsta skrifmálið í Kína eru hvorki meira né minna en 5000 ár.

 

Athugasemdir

[Óskar Þorkelsson, 10.2.2011 kl. 10:05]

það er margt snúið hér á jörð.. ég hef haft það fyrir reglu að ég les allt nú orðið með efa í hug.. við erum sífellt að sjá nýjar hliðar á málum sem við töldum fullsönnuð fyrir ekki lengri tíma en 20 árum síðan..

[Gudmundur Bjarnason (IP-tala skráð) 11.2.2011 kl. 01:13]

Fornleifafræðingar eru alltaf að uppgötva eitthvað.
Kínverjar í dag geta lesið sum táknin á skelinni á neðstu myndinni er mér sagt.

[Bergljót Gunnarsdóttir, 14.2.2011 kl. 03:46]

Ég yrði ekki hissa, fyrirgefðu dónaskapinn, þó lausnin á skjaldbökuskeljaspurningunni væri eitthvað í þá veru að sá sem hefur of þykkan reður, eignast aldrei börn  ! Hauslaus, konan hefur verið æf að eignast svona mann.

[Bergljót Gunnarsdóttir, 14.2.2011 kl. 03:51]

Takk samt fyrir áhugaverða grein, sem og margar aðrar, en ég hef oft haft bæði fróðleik og skemmtun af, ég gat bara ekki stillt mig.