Ástæðurnar fyrir að sex bloggum Grefils var lokað

Þá er loks komið á hreint, alla vega frá sjónarhóli stjórnenda blog.is, hvers vegna lokað var einum sex bloggsíðum Grefils (Guðbergs). Að fengnu samþykki Guðbergs birti ég hér svar blog.is við fyrirspurn minni um ástæður lokunarinnar.

Sæll Svanur,

Vegna fyrirspurnar um lokanir blogga er rétt að eftirfarandi komi fram almenns eðlis:

Útgáfufélagið Árvakur á og rekur vefsvæðið blog.is. Á blog.is gilda fáir og einfaldir notkunarskilmálar sem notendur svæðisins gangast undir gegn því að fá ókeypis aðgang að svæðinu. Þessa skilmála er að finna hér: http://blog.is/forsida/disclaimer.htmlen að öðru leyti vísast til íslenskra laga, svo sem 25. kafla almennra hegningarlaga nr. 19/1940 (http://www.althingi.is/lagas/nuna/1940019.html) sem gilda á vefsvæðinu eins og annars staðar.

Eigandinn, Árvakur, áskilur sér vitanlega rétt til að sjá til þess að farið sé að lögum og eigin reglum á svæði fyrirtækisins. Notandi sem kýs að gera það ekki, þarf að finna sér annan vettvang fyrir blogg sitt. Umsjónarmenn blog.is er þó mannlegir og vilja gjarnan gefa mönnum kost á að bæta ráð sitt þegar um stöku afmörkuð tilvik er að ræða. Notandinn fær þá senda áminningu frá umsjónarmönnum blog.is um að halda sig innan marka. Í allnokkrum tilvikum er þó ákveðið að loka fyrirvaralaust á notanda. Það er gert þegar um margítrekuð brot er að ræða og ábendingar hafa ekkert að segja. Það er einnig gert þegar notandi misnotar vefsvæðið, til dæmis með atgangi sínum, framkomu gagnvart öðrum notendum, sífelldum tilhæfulausum fréttatengingum, ruslpóstsendingum eða að hann villi á sér heimildir, sé svokallað "tröll".

Rétt er að geta þess að notendur vefjarins blog.is eru rösklega 20 þúsund talsins. Í síðustu viku, sem var þó heldur róleg, voru birtar á vefnum nærri 2000 færslur og um 5500 athugasemdir.  Ógerningur er fyrir umsjónarmenn að fylgjast með öllum bloggum og athugasemdum á vefsvæðinu og vart ástæða til. Ábendingar notenda  um það sem miður fer eru okkur því mikilvægar.  En notendur blog.is gera eðlilega ríkar kröfur til þess að þar geti farið fram heilbrigð skoðanaskipti og umræður, hvort sem þeir kjósa að taka þátt í umræðunni eða ekki.

 

Varðandi lokun á bloggarann Grefil (vinsamlegast fáðu samþykki hans ef þú hyggur á birtingu):

Ég tók um helgina ákvörðun um lokun á sex blogg Grefils, án samráðs við nokkurn mann eða félagasamtök(!), og sú ákvörðun stendur.  Grefli sendi ég afrit af öllum hans bloggum um leið og tilkynnt var um lokunina og óskaði honum velfarnaðar á öðrum vettvangi.  Um ástæður lokunarinnar vísast til þess sem segir almenns eðlis hér að framan.  Rétt er, að ég hafði ekki áður sett mig í samband við Grefil og lokaði því fyrirvaralaust. Rangt er, að umsjónarmenn blog.is (þ.e. ég, aðrir umsjónarmenn eða einhverjir okkur tengdir) hafi sett skoðanir hans fyrir sig eða látið stjórnast af einhvers konar okkur óviðkomandi félagsskap.  Á blog.is er sem betur fer að finna mikið litróf skoðana, sem kemur í sjálfu sér okkur umsjónarmönnunum ekkert við. Notkun vefsvæðisins kemur okkur hins vegar við, að þar sé farið að lögum og reglum og að þar sé að finna eftirsóknarverðan umræðuvettvang.

Með kveðju,
Soffía - blog.is

Athugasemdir

[Theódór Norðkvist, 3.8.2010 kl. 22:59]

Takk fyrir að birta þetta Svanur, nokkuð forvitnilegt. Finnst reyndar ákveðin þversögn í þessu hjá Soffíu.

Hún segir að í allnokkrum tilfellum sé lokað fyrirvaralaust á notendur, þegar um margítrekuð brot er að ræða og ábendingar hafa ekkert að segja eins og hún segir orðrétt.

Soffía lýsir því skýrt yfir að það hafi verið lokað fyrirvaralaust á blogg Grefilsins.

En hvernig veit manneskjan hvort ábendingar til Grefilsins hafi eitthvað að segja nema hún (eða aðrir starfsmenn) hafi sent þær til hans?

Hinsvegar ef við gefum okkur að Árvakursmenn hafi sent honum ábendingar vegna margítrekaðra brota sem Grefillinn hefur þá væntanlega hunsað, er ekki hægt að segja að lokunin hafi verið fyrirvaralaus?

Spyr sá sem ekki veit.

[CrazyGuy (IP-tala skráð) 3.8.2010 kl. 23:04]

Maðurinn nafnbirti einstakling og kallaði hann Mannorðsmorðingja, lygara og eitthvað fleira.....

Mér finnst það alveg vera nóg til að loka á hann.......en það er bara ég....

[CrazyGuy (IP-tala skráð) 3.8.2010 kl. 23:07]

Edit: Hann einnig kallaði hann ofbeldismann, falsara og siðlausan

[Blóm (IP-tala skráð) 3.8.2010 kl. 23:12]

Crazy guy,

    Bíddu nú við eigum við eitthvað að ræða hvað Kristinn hefur kallað menn, já og þar á meðal Grefil. Kannski hann hafi verið aðvaraður líka, kannski hann gæti sagt okkur eitthvað um það. 

   Hvað þá aðrir á blogginu sem vildu láta byrla utanríkisráherra skordýraeitur og þaðan af verra, en það fékk að hanga uppi í 4 daga. 

  Wake up and smell the coffee, you crazy guy!! (ætlarðu nokkuð að kvarta)

[DoctorE (IP-tala skráð) 3.8.2010 kl. 23:12]

Það er eitt sem er soldið mikið FAIL í þessu ritskoðunarbrölti hjá mbl.... bloggið hans Lofts er enn opið.

MBL getur ekki aðlagað reglur sérstaklega að blámönnum...

[Theódór Gunnarsson, 3.8.2010 kl. 23:21]

Ég vil vekja athygli ykkar á því að sóðakjafturinn á Greflinum var kominn vel í gang á blogginu hans Hrannars, áður en þessi ósköp áttu sér stað á Gruflinu hans Kristins.  Mér finnst ekki ólíklegt að stjórnendur Blog.is hafi skoðað framgöngu Grefilsins víðar en bara á Gruflinu.

[Axel Jóhann Hallgrímsson, 3.8.2010 kl. 23:27]

Það er eðlilegt að mbl.is setji reglur og skilyrði fyrir notendur bloggsins en það er lágmarkskrafa að sömu reglur gildi fyrir alla. Það virðist vanta mikið á það og geðþótta ákvarðanir virðast ráða eftir því hver á í hlut.

[Svanur Gísli Þorkelsson, 3.8.2010 kl. 23:28]

Grefill neitar því eindregið að hann hafi verið aðvaraður fyrr eða síðar. Eins og Theodór Norðkvist bendir á, er þetta atriði dálítið loðið hjá Soffíu. Ég skil það svo að Grefill hafi ekki verið aðvaraður en brot hans hafi verið það víðfeðm að gert hafi verð ráð fyrir að aðvaranir mundu ekki virka.

[DoctorE (IP-tala skráð) 3.8.2010 kl. 23:49]

Ég get sagt ykkur það að ég fékk enga aðvörun þegar þeir lokuðu mínu bloggi í den...
Þó tók ég alltaf vel í að taka út það sem mbl bað um... þeir hrósuðu mér meira að segja fyrir liðlegheit...

En svo kom Lára ofurmiðill.. og ég sagði bara sannleikann... BANG lokað; Reyndar tel ég að skrif mín um Láru hafi verið fyrirsláttur.. eitthvað annað stóð að baki.

Hvað svo sem Grefill gerði... þá var hann ekki að biðja um að taka menn af lífi... en það gerði Loftur blámaður.. amk í tvö skipti... Ég er ansi hræddur um að mbl hefði lokað fyrirvaralaust á aðra fyrir sömu sakir.

Þannig að MBL er FAIL

[Grefillinn Sjálfur, 4.8.2010 kl. 00:15]

Ég svara þessu enn og aftur: Ég hef aldrei fengið neinar aðvaranir, athugasemdir eða neitt um neitt frá blog.is. Ástæðan er sú að ég hef aldrei gert neitt af mér.

Til að taka af allan vafa:

Ég veiti hér með Soffíu hjá blog.is skriflegt og skilyrðislaust leyfi til að birta öll mín tölvupósts og bloggsamskipti við hana eða einhvern hjá blog.is ... ef það er til einhvers.

[Jón Steinar Ragnarsson, 4.8.2010 kl. 00:22]

Eigum við ekki að segja að tillit sé tekið til Lofts af því að hann er sjúklingur?  Allavega finnst mér upphlaup hans eiga frekar við Tourett synrome en meðvitaða rætni. 

Kannski má finna einhverja slíka greiningu á Grefil. Hann var allaveg alvarlega manískur, en svífyrðingarnar teygðu sig þó jafnt og þétt yfir marga daga, svo meðvituð árás er líklegri.

Kristinn hefur hinvegar lltaf sýnt óma og settlegheit. Jafnvel þótt hann reiðist.  Ég undrast raunar sstillingu hans í þessu máli.

Soffía kallar það fyrirvaralaust að hún hafi lokað án unangenginnar aðvörunnar. Hún þarf ekki að haf fengið neinar athugasemdir eð kvartanir. Þetta rugl fór ekki framhjá neinum hérna, svo líklega hefur þett ekki farið frm hjá henni.  Þau fylgjast með svona atgangi, sérlega ef hann truflar bloggið sem heild.

Ég botna ekkert í þessum vangaveltum Tedda um þversagnir í máli hennar, hvað þá undirtektir Svans á þeim.

"En hvernig veit manneskjan hvort ábendingar til Grefilsins hafi eitthvað að segja nema hún (eða aðrir starfsmenn) hafi sent þær til hans? "

Soffía tekur hvergi fram að hún álykti fyrirfram að viðvaranir  myndu engin áhrif hafa.  Hún mat þetta bara svona eftir að hafa fylgst með atgangnum, sem náði um víðan völl og jafnvel inn á blogg, sem höfðu ekkert tengst þessu.  Ég hefði komist að sömu niðurstöðu eftir örstuttn lestur.  Þetta var tröllsháttur og tröllum er ekki ssagt að hætta að vera tröll eða verða minni tröll.  

Ég h ef ssjálfur opnað tröllablogg og hamaðist hér í fólki um jólin fyrir tveim árum. Ég var beðinn um að loka, ella mynu þeir gera það sjálfir. Ég tók fyrri kostinn. Það hefði engu breytt þótt þeir hefðu lokað beint.

Brotavilji Greflsins var nægilega skýr til að taka sslíka ákvörðun beint.  Hann hafði klónað sig um víðan völl og það eitt nægði.

Ég efast annars um að þetta verði það síðata, sem við heyrum af þessum fýr því hann er augljóslega fylginn sér í vitleysunni, þótt það sé löngu hætt að vera fyndið. Ef hann birtist í annarri mynd, þá hel ég hinsvegar að maníugreiningin sé farin að gilda og því gæti hann fengið sömu silkihanskana og Loftur á grunni hennar.

[Theódór Norðkvist, 4.8.2010 kl. 00:56]

Ég hef lengi vitað að Jón Steinari væri margt til lista lagt, en það fór alveg framhjá mér þegar hann tók geðlæknisfræðina í Háskólanum.

[CrazyGuy (IP-tala skráð) 4.8.2010 kl. 01:02]

Blóm,

Ekki sé ég hvar Kristinn hefur gert það en ef svo er, þá á hann auðvitað að fá sama dóm og Grefill.....

[Svanur Gísli Þorkelsson, 4.8.2010 kl. 01:03]

Það er satt Jón Steinar að Loftur var oft mjög grófur í ummælum sínum. En hefur hann ekki lagast mikið?  Man ekki eftir að hafa séð neinar tillögur um aflífanir frá honum nýlega án þess þó að ég hafi verið eitthvað að kíkja eftir því sérstaklega. Sjálfur geng ég út frá því að fólk gangi nægilega heilt til skógar til að það geti talist ábyrgt í orðum sem æði.   En ágætt hjá þér að veita innsýn tröllabloggara með klíníska reynslu inn í þetta.

[Axel Jóhann Hallgrímsson, 4.8.2010 kl. 08:29]

Svanur, Loftur toppaði ósóman 9/7 í færslu sem hér má sjá í frumútgáfu. Honum var gert að breyta færslunni á 4. degi, eftir að kvörtunum hafði rignt yfir bloggstjórnina. En ekki var síðunni hans lokað, ónei. 

Hvort Loftur hafi lagast af sínum krankleika síðan veit ég ekki því ég hef ekki haft geð í mér að skoða síðuna nýlega.

[Vilhjálmur Örn Vilhjálmsson, 4.8.2010 kl. 09:09]

Sandkassi bloggsins. Vill einhver kakó? Hver þarf að fara á klóið? Hún Soffía frænka er ekki öfundsverð að passa upp á ykkur. Það er víst ekkert eitur sem virkar á ykkur...

Getiðið ekki lagt ósómann ykkar út á Wikileaks?

[Svanur Gísli Þorkelsson, 4.8.2010 kl. 09:17]

Já ég man eftir þessu Axel. En ekkert síðan. Kannski Soffíu hafi tekist að siða hann til.

Bannað að borða sandinn Villi minn. Viltu ekki bara  halda áfram í rólunni góurinn;)

[doctore (IP-tala skráð) 4.8.2010 kl. 12:58]

Hann var helvíti góður ofurkrissinn sem Jón var að tröllast með um árið.. myndin var líka lýsandi fyrir hinn týpíska ofurkrissa