Heimsmet í svindli

Það er ótrúlegt hversu glúrnir Íslendingar eru í að slá heimsmet af öllu tagi. Sum er að sjálfsögðu komin til vegna smæðar þjóðarinnar og verða til á sama hátt og "Ísland er stærsta land í heimi miðað við höfðatölu". Um tíma átu Íslendingar mestan sykur allra þjóða, karlmenn lifa hvergi lengur, fleiri á landinu eru læsir en nokkru öðru landi, o.s.f.r.

Nú bætist heldur betur við heimsmetaskrautfjaðrir landans ef satt reynist að einhver einn íslendingur hafi svindlað 258 milljón milljónir út úr bönkum landsins.

Fyrra heimsmetið er frá árinu 2008 og það átti Bernard Madoff (50 milljarða dollara) fyrrum Nasdaq hlutabréfastjóri. 

Ef satt reynist hefur Jón Ásgeir Jóhannesson slegið það met rækilega og er þannig búinn að tryggja sér sess í mannkynssögunni. - Hvernig sagan mun dæma hann á eftir að koma í ljós. Hrói Höttur var jú ræningi en hann er líka alþýðuhetja. Jón Ásgeir heldur því fram að allt tal um svindl hans og svínarí sé uppspuni og sé skiplögð ófrægingarherferð á hendur sér af pólitískum toga.

Athyglisvert er að bera saman viðbrögð Herra Madoff og Ásgeirs. Þau eru svo til þau sömu. Herra Madoff sagði fréttmönnum á sínum tíma að "sér væri öllum lokið" og að "ekkert væri eftir" og að hann væri bara "hafður að blóraböggli í pólitískum hráskinnaleik sem ætti sér langa forsögu".

Athugasemdir

[Guðmundur Júlíusson, 15.5.2010 kl. 19:30]

Gott blogg hjá þér, þessi mynd er kostuleg en vissir þú að Bónus var í raun stofnað í kjallara Austurvershússins?

[Vilhjálmur Örn Vilhjálmsson, 15.5.2010 kl. 19:53]

Guðmundur Júl, þetta er ekki alveg rétt hjá þér. Jóhannes var með lágvöruverslun (kassaverslun) í kjallaranum undir merkjum SS, þegar hann var verslunarstjóri SS í Austurveri, og ég held að fyrrverandi kona hans hafi stjórnað þessu, því Jóhannes var oft dálítið blautur á þeim tíma.

Svanur, það kemur ekkert gott út úr lestrakunnáttu og sykuráti, sem minnir mig á að Bónus var að bjóða afslátt á sykri fram að lokun.

[Guðmundur Júlíusson (IP-tala skráð) 15.5.2010 kl. 20:31]

Rétt, en þar var vísir að Bónus til, og ég held því áfram fram :)

[Svanur Gísli Þorkelsson, 15.5.2010 kl. 23:08]

Takk fyrir það drengir.

Jú,ég man einmitt fyrst eftir Jóhannesi bak við kjötborðið í Austurveri. Síðar kom hann til að leggja teppi á Skansinn út í Vestmanneyjum og þá kynntist ég honum betur.

[Brattur, 17.5.2010 kl. 20:09]

Þetta er hraustlegt met og sjaldgæft að Íslandsmet skuli jafnframt vera heimsmet í leiðinni

[Grefillinn Sjálfur - Koma svo! (IP-tala skráð) 17.5.2010 kl. 21:02]

Svanur ... afsakaðu inntroðsluna með óskylt mál ... en hvaða heimildir eru þetta sem þú talar um frá blog.is varðand síðuna hennar Hildar? Veistu hvaða "notendaskilmála" hún á að hafa brotið?

[Svanur Gísli Þorkelsson, 17.5.2010 kl. 21:59]

Sæl Grefill

Ég sendi fyrirspurn á stjórnendur bloggsins og fékk það svar að Hildur hefði brotið gegn notendaskilmálum blog.is. Það er allt og sumt. Síðasta færsla hennar var beint bæði gegn ákveðnum samtökum og auk þess fordæming á verkum nafngreinds einstaklings. Sú færsla kann að hafa verið ástæðan, án þess að ég viti það fyrir víst.

[Óskar Þorkelsson, 19.5.2010 kl. 18:03]

innlitskvitt.. þessi póstur fór alveg framhjá mér