Til hamingju Jón Ólafsson

Það er fátt sem fær mig til að brjóta þá reglu mína að blogga ekki við fréttir. Hér verður gerð undantekning. Góðu fréttirnar frá Íslandi eru of fáar þessa dagana til að sleppa þessari.

Íslenska vatnið sem á eftir að verða helsta auðlind landsins er að gera það gott á erlendum mörkuðum og brautryðjandi i markaðssetningu þess er hinn umdeildi kaupsýslumaður Jón Ólafsson.

Jón Ólafsson skólabróðir minn og æskufélagi, var á sínum tíma nánast hrakinn úr landi, sakaður um skattsvik og fleira sem síðan reyndust tómir órar. Hann var borin þungum sökum af ýmsum fyrirmönnum í landinu og neyddist á endanum til að verja hendur sínar fyrir dómstólum. Þau mál féllu öll honum í hag.

Það er kaldhæðni örlaganna að svo til einu góðu fjármálfréttirnar frá Íslandi þessa dagana, skuli vera af fyrirtæki sem Jón veitir forystu , á meðan að þeir sem reyndu að koma hinum í koll á sínum tíma, leika nú hlutverk hirðfífla í fjölmiðlum landsins.

 

Íslenskt vatn á bandarískum flugvöllum

Athugasemdir

[Hörður Halldórsson, 1.9.2009 kl. 19:54]

Kolbítur rís úr öskustó.

[Tralli (IP-tala skráð) 1.9.2009 kl. 19:54]

Ótrúlegt hvað íslendingar líta alltaf stórt á sig. Vatnið fæst á 9 stöðum sem er alveg sáralítið, og það á rándýrum veitingastöðum sem engin meðal Jón fer inn.  Býst líka við að vatnið verði selt mörgum sinnum dýrara en annað vatn þannig að ekki nokkur maður mun tíma að kaupa það.

[Svanur Gísli Þorkelsson, 1.9.2009 kl. 20:00]

Tralli: Vatnið er á samkeppnisfæru verði. Mér finnst það ekkert óeðlilegt að vera stoltur af vatninu. Það er eins og fiskurinn okkar, þú færð ekki betri vöru. -

Hörður; Svo sannarlega :)

[Jenný Stefanía Jensdóttir, 1.9.2009 kl. 20:31]

Dittó, 

Hef ofsatrú á íslenska vatninu, geninu, og þeim styrkleikum sem "smæðin" hefur í för með sér, ef við getum höndlað helv. spillinguna.

[Atli (IP-tala skráð) 1.9.2009 kl. 21:15]

Verðmætara en olían til frambúðar ;-)

Áfram Ísland

[Rafn Haraldur Sigurðsson (IP-tala skráð) 1.9.2009 kl. 22:33]

Skyldi hann fá eitthvað fyrir vatnið???

[Svanur Gísli Þorkelsson, 1.9.2009 kl. 22:39]

Jenný; Spillingin býr í gaddavírnum ásamt fleiru.

Atli; Sammála

Rafn: Áttu við???

[Björn Emilsson, 2.9.2009 kl. 05:10]

Glacier vatnið er selt hér í stærstu verslunarkeðjunum á Seattlesvæðinu. Sé ekki betur en það líki vel.

Áfram með vatnið.

[gp (IP-tala skráð) 2.9.2009 kl. 22:57]

Þetta er nú ekki í fyrsta vatnsævintýri okkar Íslendinga á erlendri grundu. Og ekki heldur í fyrsta sinn sem markaðssetning á íslensku vatni í BNA gengur framar vonum í íslenskum fjölmiðlum. Hvar eru þessi frómu vatnsfyrirtæki og sporgönguliðar í dag? Vona að Jón Ólafsson hafi lært af þeirra mistökum og vegni betur í að kynna, dreifa og selja íslenskt vatn á erlendum markaði. Ég man að hafa skoðað Boston markaðinn í þessu sambandi í sömu ferð og ég heimsótti Keikó í Oregon fyrir hönd íslensku þjóðarinnar - eða Fjárfestingarskrifstofu Íslands. Tekist hafði að "hypa" upp íslenska vatnið með auglýsingaherferð en dreifingin stóð ekki undir nafni þ.a. eftirspurnin sem "búin" var með auglýsingum "realiseraiðist" ekki vegna slælegrar dreifingar. Og svo þegar menn brögðuðu vatnið þá þótti það bara eins og Evian og hin merkin. Vatn er jú bara vatn. Og allir merkja framleiðendur státa sig af flottum uppsprettum og hreinu vatni. Ég segi "ég vona að Jóni takist það sem hinum tókst ekki".