1. Apríl hjá Kínverjum alveg fram yfir Ólympíuleika

Í gær kváðust Kínverjar hafa unnið áfangasigur í baráttunni við mengunina sem hvílir eins og mara yfir Beijing, þar sem ferskir vindar blésu nú í borginni.  Þeir segja að mengunin hafi minkað allt að  20% frá því sem var í byrjun Júlí. Þessu var haldið fram á blaðamannfundi  af  Du Shaozhong sem stýrir umhverfis-verndar- ráðuneytinu. Hann sagði að í Júlí mánuði hefðu þegar verið 25 dagar með hreinu lofti í borginni. "Við gripum til altækra aðgerða og höfum fengið altækan árangur" sagði hann.

Ástralinn John Coates sem er forseti ólimpíunefndarinnar sagði aftur á móti að loftið í Beijing væri lítið skárra nú en þegar hann heimsótti borgina í Mars.

"Það virðast ekki hafa orðið miklar úrbætur", sagði  Coates, við komuna til borgarinnar á mánudag.

"Grænu Leikarnir" sem Kínverjar lofuðu virðast því fyrir bí en leikarnir eiga að hefjast 8. Ágúst. Það er táknrænt fyrir þessa leika bræðralags og vinarþels sem boðið er til af þjóð sem virðir mannréttindi að vettugi á svo mörgum sviðum, að þeir skuli bókstaflega verða haldnir í eitruðu andrúmslofti. Það er einnig talandi fyrir afstöðu kínverskra stjórnvalda, að þeir skuli reyna að ljúga til um mengunarstigið í borginni upp í opið geðið á embættismönnum leikanna og heimspressunni allri sem ekki þurfa annað en að reka nefið út um gluggann til að sjá hvað satt er.

Kínverjar segjast vera tilbúnir til að grípa til örþrifaráða ef mengunin hverfur ekki af sjálfdáðum. Þeir hafa þegar látið takmarka bílaumferð í borginni og látið taka eina milljón bíla úr umferð af þeim 3.3. milljónum sem þar fara daglega um. Samt er mettað skýið svo þykkt að sjónmál er aðeins nokkur hundruð metrar. Betur má ef duga skal þótt enn hafi ekki komið fram neinar tillögur um hvernig bæta megi úr. 

Ég legg til að Íslendingar bjargi þessu og bjóði Kínverjum aðstoð með aðferð sem eitt var notað til að plata þjóðina með þann 1. Apríl fyrir mörgum árum.

Þá var mengunin sögð svo slæm í London að ákveðið hefði verið að flytja hreint loft frá Íslandi til borgarinnar í risastórum belgjum sem lyfta mundi menguninni af borginni þegar því yrði sleppt þar. Sagt var að mikill floti flugvéla væri samankomin á Keflavíkurflugvelli til að ferja þessa loftbelgi yfir Atlandshafið. Auðvitað dreif að múg og margmenni til að sjá þetta fyrirbæri. En það var jú 1. Apríl eins og virðist vera alla daga um þessar mundir í Kína.

 

 

Athugasemdir

[Sigurður Árnason, 30.7.2008 kl. 16:15]

Saell Svanur

Er nuna staddur i Kina og var i Beijing um daginn, thad er hraedilegt andrumsloft i flestum kinverskum storborgum og manni finnst madur vera ad anda eiturgasi ad ser, thad er lika ordin svakaleg gaesla a lestarstodum og samgongustodum, thar standa margir logreglumenn med haglabyssur vid inngangana. Their virdast aetla ad reyna sitt besta til ad gera thetta ad godum leikum, en mengunin er ordin stort vandamal her og thad virdist vera stort vandamal ad laga thad vandamal i landi med svo mikin ibuafjolda. 

[Svanur Gísli Þorkelsson, 30.7.2008 kl. 16:46]

Sæll Sigurður:

Frábært að heyra frá þér :)

Ég vona að þú látir frekar í þér heyra ef þú færð tækifæri til. Þú verður væntanlega í Kína á meðan Ólympíuleikarnir standa?

Já, það má mikið vera ef þetta gengur allt stórslysalaust fyrir sig, sem ég auðvitað vona, þótt ég sé ekki hrifinn af mörgu sem Kína viðkemur. Gangi þér allt í haginn.

[Aðalsteinn Baldursson, 30.7.2008 kl. 18:27]

Ég óska engum svo illt að leikarnir misheppnist.
En það er frekar dapurt að loforð kínverskra stjórnvalda halda ekki vatni. Þegar erlendum fréttamönnum tókst ekki að komast inn á "vondar" netsíður var einfaldlega sagt að eitthvað væri að síðunum sjálfum. Eina síðan (einu síðurnar) sem þeir viðurkenndu að lokað væri fyrir tengjast hinum "stórhættulega öfgatrúarhópi" Falun Gong. Ég ætla ekki að halda því fram að Kínverjar séu eitthvað heimskari en gengur og gerist en þarlend stjórnvöld halda greinilega að restin af heiminum sé það heimsk að það megi troða hverri lyginni á fætur annarri í okkur.
Mér finnst ekki rétt að sniðganga leikana af pólitískum orsökum en ég hef áður skrifað um það að íþróttamenn eigi að standa saman ef að kínverjar ætla að mismuna íþróttafólki.

[Svanur Gísli Þorkelsson, 30.7.2008 kl. 19:36]

Sæll Aðalsteinn.

Kínverjar gera nú gangskör að því að hreinsa netið af öllum myndum sem eru vistaðar á þeirra svæði og geta að þeirra mati verið neikvæðar fyrir ímynd leikanna. Þeir skilja eftir sig fullt af dauðum linkum sem náttúrulega segja sitt. - Ég held, þótt ég voni líka ekki, að þessir leikar eigi eftir að fá svipaða stöðu, þegar fram í sækir, og leikarnir í Berlín 1936. - Það hefðu einhverjir betur setið heima þá en að taka þátt í því sjónarspili.