Íranar viðbúnir innrás í landið

Íranar hafa hafið að grafa 320,000 grafir í landamærahéröðum sínum sem þeir segja vera fyrir óvinahermenn ef landið verður fyrir árás.  "Til að fullnægja Genfar sáttmálanum ... hafa nauðsynlegar ráðstafnir verið gerðar til að grafa óvinahermenn " er haft eftir Mehr fréttaveitunni sem vitnaði í orð yfirhershöðingjans Mir-Faisal Bagherzadeh.

"Við áætlum að grafa 15.000  til 20,000 grfir í hverju landamærahéraði eða alls 320. 000 þar sem sumar verða óefað fjöldagrafir.   

Hr. Bagherzadeh sagði að Íran vildi gjarnan "minka þjáningar fjölskyldna þeirra sem munu falla í árás á land okkar ...og koma í veg fyrir langar og bitrar deilur eins og urðu í kjölfarið á Viet Nam stríðinu."

Ummæli hans koma í kjölfarið á yfirlýsingum Bandaríkjamanna um að þeir áskilji sér allan rétt til að beita öllum ráðum til að koma í veg fyrir að Íran eignist kjarnakljúfa sem þeir óttast að hægt verði að nota til að þróa kjarnavopn.
Ummælin eru líka túlkuð sem svar við ummælum ísraelskra embættismanna sem töluðu um að þeir væru staðráðnir í að koma í veg fyrir að Íran fengi kjarnavopn.
Haft er eftir fyrrverandi yfirmanni Mossad, leyniþjónustu Ísraela, að Ísrael hefði eitt ár til að eyðileggja kjarnorkuverkefni Írana.
Shabtai Shavit sagði London Weekly að í versta falli mundi  Tehran ráða yfir kjarnavopnum innan árs.
"Tíminn er ætíð að verða skemmri '' sagði hann við Sunday Telegraph.

Ísraelar eru eina, (þótt ekki hafi þeir sjálfir staðfest það,) ríkið í miðaustur löndum sem ráða yfir kjarnavopnum.  

Athugasemdir

[Skattborgari, 2.7.2008 kl. 01:50]

það ríki í miðausturlöndum sem er mest ógn við sína nágranna í dag er Ísrael og það er eina ríkið sem er alltaf stutt af usa.

[Kreppumaður, 2.7.2008 kl. 04:28]

Veit ekki með Ísraela, held að USA sé mesta ógnin við frið almennt í heiminum?

[Nanna Katrín Kristjánsdóttir, 2.7.2008 kl. 11:23]

Ég verð eiginlega bara hrædd þegar ég heyri að USA ætli að vaða blint áfram á lönd sem hljóta að vinna á endanum.  Árás á Íran gæti leitt til heimstyrjaldar og í það minnsta áframhaldandi kreppu og meiri neyð í heimnum.

[AK-72, 2.7.2008 kl. 12:02]

Maður hefur sínar grunsemdir að árásir Búsksins á Íran, eigi að vera til að reyna að ná fylgi við McCain og Repúblikana þegar kemur að kjördegi. Það hefur verið of oft gripið til þess ráð í BNA að ráðast á eitthvað land eða sprengja, til að dreifa annað hvort athyglinni frá vandræðagangi eða í kosningatilgangi einum, að manni sýnist.

Svo má kannski benda á það að Pakistan og Indland eiga einnig kjarnorkuvopn, ekki bara Ísrael, og samkvæmt frétt sem ég heyrði fyrir nokkrum árum, þá voru Indverjar víst tilbúnir í að beita kjarnavopni gegn Pakstönum í einum af fjöldamörgum landamæradeilum þeirra. Hversvegna er ekki reynt að afvopna þá einnig ásamt Ísraelum? 

[Edda Agnarsdóttir, 2.7.2008 kl. 12:07]

Eitt orð dettur mér í hug og það er orðið "ófreskja"!

[Nanna Katrín Kristjánsdóttir, 2.7.2008 kl. 13:30]

AK-72 það er engin auður í Indlandi.  Ekkert bensín þar.

[Svanur Gísli Þorkelsson, 2.7.2008 kl. 16:55]

Það sjá það allir að allsherjar árás á Íran mundi aldrei ganga. Ég held að þeir séu að gæla við "afmarkaðar" aðgerðir eins og Ísraelar framkvæmdu þegar þeir sprengdu upp kjarnorkuver sem var í byggingu í Íran fyrir nokkrum árum. Slíkar aðgerðir mundu auðvitað kalla á einhverjar hefndaraðgerðir.

Ég ætla ekki að fara út í neinar pælingar um samsæriskenningar en McCain og Obama eru báðir búnir að lýsa sig viljuga til að ráðast gegn Íran.