Álfarnir æfir út í Árna Johnsen

Eins og fram kom í fréttum stóð Árni Johnsen á dögunum í steinflutningum eina ferðina enn. Í þetta sinn var um að ræða álfaklett mikinn af Suðurlandi sem hann tók og flutti með sér út í Eyjar.

Nú hefur komið í ljós að Árni tók klettinn, heimili álfana, í algjöru heildarleysi og án þess að spyrja álfana sem nú vilja skiljanlega fá heimili sitt aftur.  Einn álfana sem bjó í klettinum hefur nú vitjað Gísla Oddssonar hins kunna berdreymna bónda á Kumbaravogi og sagði farir sínar ekki sléttar.

Hann sagði að Árni hefði hreinlega stolið heimili sínu og farið með það út Eyjar. Í félagi með Árna hefi verið einhver gervisjáandi úr Hafnarfirði, sem logið hafi því til  að þau sem bjuggu í steininum væru tilbúin til að flytja búferlum til Eyja. - 

Draummaðurinn sagði að það væri mikil fásinna að ætla að álfar væru ekki færir um að sjá um búferlaflutninga sína sjálfir, ef þeir vildu flytja flytja. Þeir væru ekki svo auðveldlega fældir frá bústöðum sínum og hefði ýmis ráð til að koma í veg fyrir spillingu þeirra eins og svo margar sögur vitna um.  Þessi saga  Árna og Ragnhildar sjáanda væri  auk þess augljós ósannindi því allir vita að álfar flytja ekki búferlum nema á ákveðnum tímum ársins, þ.e. á gamlárskvöld, á þrettándanum og á Jónsmessu.

Álfurinn, sem var sjálfur heimilisfaðirinn,  tjáði Gísla að mikið hefði verið reynt til að hafa samband við þessa Ragnhildi  Jónsdóttur sem gæfi sig út fyrir að geta séð og heyrt álfa, en það hafi reynst algjörlega árangurslaust. - Því hafi verið gripið til þess ráðs að hafa samband við hann, Gísla,  sem áður hafði reynst áfunum vel þegar mikið lá við. -

Álfafaðirinn bað Gísla að koma því til skila við Árna að álfarnir væru mjög reiðir honum fyrir þetta uppátæki og að þeir hefðu nú lagt þau álög á Vestmannaeyjar að bræla og óveður muni ætíð skella á í Eyjum skömmu fyrir fyrstu helgi hvers ágústmánaðar og vara fram yfir hana, þar til bústað þeirra verði skilað aftur.

Athugasemdir

[Ásthildur Cesil Þórðardóttir, 18.5.2012 kl. 12:48]

Já það hlaut að vera maðkur í mysunni. Það var með ólíkindum að hægt væri að flytja álfa í körfu, jafnvel þó borgað væri undir þá fargjald.

[DoctorE (IP-tala skráð) 18.5.2012 kl. 12:56]

Mikið væri nú gott ef álfar væru ekki bara geðveila.. og rassskelltu Árna ærlega...það eru ekki margir íslendingar sem þarfnast rassskellingar eins og Árni

Annars finnst mér sorglegt að taka fólk með geðsjúkdóma og láta það koma fram í fjölmiðlum með geðveilu sína.. og láta eins og þetta sé eðlilegt

[Jón Steinar Ragnarsson, 18.5.2012 kl. 13:23]

Doctor, þú mátt ekki segja svona á síðu skámúslima.  Árni er ekki geðbilaður t.d. Hann er með grjótfetish eftir að hann sat í grjótinu. Hann hefur hinsvegar stigið oftar en einusinni með biblíuna í pontu á Alþingi og lagt áherslu á að hvert orð væri satt og rétt í henni. Það gæti vitnað til geðbrests, en ég hugsa að hann viti ekki betur þar sem hann hefur ekki lesið bókina.

[Jón Steinar Ragnarsson, 18.5.2012 kl. 13:27]

Það er eitt og annað sem þó gæti verið satt í bókinni. Trúverðugast er að kanínum vaxi nýtt rassgat á hverju ári og að leðurblökur séu fuglar auk málglaða asnans sem kunni Hebresku upp á sínar átta klaufir. Annað er augljóslega skáldskapur allavega.

[ls (IP-tala skráð) 18.5.2012 kl. 13:51]

Mikið væri gaman ef fordómar gagnvart geðsjúkum færu nú minnkandi.

ls

[Jón Steinar Ragnarsson, 18.5.2012 kl. 14:45]

Er verið að fordæma geðsjúka hér Is? 

[Kolbrún Hilmars, 18.5.2012 kl. 14:46]

Gott hjá álfapabba að útvega sér túlk. :)

[Guðni Ólason, 18.5.2012 kl. 17:44]

Umboðsmaður skuldara...neytenda...barna...er ekki bara málið  fyrir álfana að fá sér einn slíkan...???

Og hvað flutning innan álfaheims varðar, þá hefur maður aldrei heyrt um að heilu grjótin séu flutt, heldur einungis á milli steina. Eða þannig.