Var það hvaladrápið eða árásin á Pearl Harbor?

Á hraðferð minni um spjallþræði netsins í morgun, rakst ég hvað eftir annað á fyrirsagnirnar; "Er Guð að refsa Japan?" og "Guð er að refsa Japönum." 

Fáránleiki fyrirsagnanna fékk mig til að líta á spjallið og þá komst ég að því mér til mikillar undrunar að fólk er að ræða þá hugmynd af alvöru að Guð væri að refsa Japönum með jarðskjálftunum og flóðbylgjunni sem yfir Japan reið fyrir helgina.

Mest virtust þetta vera krakkar frá Bandaríkjunum og ástæðurnar fyrir því að Guð hefur  horn í síðu Japana segja þeir vera nokkrar.  Bent er á að Japanir séu flestir ekki kristnir en tilheyri Shintó eða Búddisma, að þeir veiði hvali og borði höfrunga og að þeir stjórni barneignum sínum. En flestir eru samt á því að Guð sé að refsa þeim fyrir að ráðast á Pearl Harbor.

Það er auðvelt að gagnrýna bandaríska krakka fyrir fáfræði sína og fordóma en staðreyndin er sú að þeir hafa þessar skoðanir ekki frá sjálfum sér. Inn á milli á spjallþráðunum má sjá fingraför eldra fólks sem kyndir undir með tilvitnunum í Biblíuna og þeirri staðföstu trú að Bandaríkin séu guðs útvalda þjóð. Guð muni því hefna alls þessa sem gert hefur verið á hluta hennar.

Bandarískt herskip varð fyrir geislum

Athugasemdir

[Gunnar Th. Gunnarsson, 14.3.2011 kl. 12:37]

Þetta er skelfilegt. Er "upplýsingaöldin" bara blekking?

[Svanur Gísli Þorkelsson, 14.3.2011 kl. 13:07]

Sannarlega skelfilegt Gunnar. Varðandi upplýsingaöldina er upplýsingar vissulega  aðgengilegri en nokkru sinni fyrr en gæði þeirra er mjög misjafnt. Valfrelsi fólks er einnig stór þáttur. Oftast lætur það sér bara nægja það sem hendi er næst.

[Gunnar Th. Gunnarsson, 14.3.2011 kl. 13:28]

Já, upplýsingaöldin er tvíeggjað sverð.

[Kristján Sigurður Kristjánsson, 14.3.2011 kl. 14:44]

Þurfum við að leita erlendis? Hvað var pretikað á Ómega eftir snjóflóðin á Vestfjörðum 95?

[Axel Jóhann Hallgrímsson, 14.3.2011 kl. 14:54]

Tek undir að þetta er skelfilegur hugsunarháttur og skelfileg fáfræði.

Það er skrítið að þetta fólk skuli trúa á og snúa bænum sínum til Guðs sem tekur  70 ár að taka ákvörðun um að hefna Japan fyrir árásina á Pearl Harbor!

Hvað ætli Bandaríkjamenn eigi þá í vændum fyrir Hiroshima og Nagasaki? Trúlega eftir 4 ár.

[Pétur Guðmundur Ingimarsson (IP-tala skráð) 14.3.2011 kl. 16:29]

Það eru ekki aðeins Bandaríkjamenn sem hafa uppi slík orð

Borgarstjóri Tokyo, Shintaro Ishihara, hefur látið hafa eftir sér í blaðaviðtali að flóðbylgjan sé hefnd guðs fyrir syndugt líferni Japana.

[Svanur Gísli Þorkelsson, 14.3.2011 kl. 16:38]

Já Kristján, ég var nú alveg búinn að gleima þeirri uppákomu. En það er nákvæmlega sami hugsunarhæatturinn sem er þarna á ferðinni.

Axel, þær gjörðir voru auðvitað með vilja Guðs og réttlættar með þeirri siðferðiskenningu að rétt sé að fórna nokkur hundruð þúsundum til að bjarga milljónum o.s.f.r. - Ritningin sem tilfærð er hljómar svona;

 "Drottinn Guð þinn, er vandlátur Guð, sem vitja misgjörða feðranna á börnunum, já í þriðja og fjórða lið, þeirra sem mig hata,  en auðsýni miskunn þúsundum, þeirra sem elska mig og varðveita boðorð mín."

[Páll (IP-tala skráð) 14.3.2011 kl. 16:58]

Fólk á spjallborðum er ekki beint dýpst þenkjandi fólk heims.

[Georg P Sveinbjörnsson, 14.3.2011 kl. 17:16]

Fólk á spjallborðum er eins annað fólk Páll, misdjúpt þenkjandi og hvorki verra né betra en annað.

[Svanur Gísli Þorkelsson, 14.3.2011 kl. 17:19]

Rétt Páll.En það sama verður ekki sagt um rithöfundinn og stjórnmálamanninn hr.  Shintaro sem eins og Péturbendir á, notar orðið "tenbatsu" yfir hörmungarnar. Orðið þýðir orðrétt "Guðleg refsing" enda þó það sé notað í Japanskri menningu á miklu frjálslegri hátt en við gerum á vesturlöndum. Orðið er tengt Teiknimyndahetjum og vinsælu popplagi, svo dæmi séu nefnd.  - En samkvæmt fréttinni talar Hr. Shintaro Ishihara um náttúruhamfarirnar sem tækifæri fyrir Japani til þess að láta af efnishyggju sinni.

[Georg P Sveinbjörnsson, 14.3.2011 kl. 20:17]

Sé nú ekki alveg hve rétt þessi fullyrðing er hjá Páli, raunar með því heimskulegra sem ég hef heyrt í dag.

[Svanur Gísli Þorkelsson, 14.3.2011 kl. 21:15]

Sæll Georg. Mér sýnist þú taka undir orð Páls að fólk á spjallþráðum sé misjafnt. Hann orðar það dálítið neikvætt; -"ekki beint dýpst þenkjandi fólk heims." en þú segir; "misdjúpt þenkjandi".  

En merkingin er sú sama, á spjallþráðum kemur saman allskonar fólk, ekki endilega þeir heimskustu og ekki endilega þeir klárustu.

[Gunnar Th. Gunnarsson, 14.3.2011 kl. 22:42]

Ef einungis heyrðust fallegustu fuglasöngvarnir í skóginum, þá væri þögnin að mestu ríkjandi.

Skógurinn væri fátækari fyrir vikið.

[Svanur Gísli Þorkelsson, 14.3.2011 kl. 22:51]

Ágætlega orðað Gunnar :)

[Helgi Armannsson (IP-tala skráð) 14.3.2011 kl. 23:38]

kanski var tad Haarp

[Svanur Gísli Þorkelsson, 14.3.2011 kl. 23:52]

Mjög áhugaverð kenning Helgi.

Skoðið þetta;

[Svanur Gísli Þorkelsson, 15.3.2011 kl. 00:04]

Og hér er hin hliðin.

[Georg P Sveinbjörnsson, 15.3.2011 kl. 18:20]

En Páll alhæfði um fólk á spjallborðum og gaf sterklega í skyn að þar væri að finna heimskara/ópplýstara fólk en gengur og gerist í samfélaginu...sem er náttúrulega þvættingur, ekkert meira um það á spjallborðum netsins en annarstaðar.