Þriggja ára drengur ákærður fyrir skemmdarverk

Ég veit ekki á hvaða leið Breska þjóðin er í málefnum barna sinna og unglinga. Samfélagsvandamálum fjölgar dag frá degi án þess að nokkur ráð séu í sjónmáli.

Daily Mail segir frá því að þriggja ára gamall snáði í Skotlandi hafi verið ákærður fyrir skemmdarverk og hafi verið tekinn af lögreglu til yfirheyrslu vegna málsins. Drengurinn fær þann afar vafasama heiður að vera yngsti sakborningur í sögu sakamála í  Bretlandi.

Fimm börn tíu ára eða yngri hafa sætt lögreglusannsókn síðan í maí mánuði fyrir mismunandi glæpi, þar á meðal kynferðisglæpi.

Yngsta barnið er sex ára drengur frá Bedfordshire í Englandi sem er grunaður  um rán í Júní.

Í Englandi og í  Wales, miðast sakhæfi við tíu ár og í  Skotlandi átta ár, það lægsta í Evrópu.

Á síðustu þremur árum hafa 6000 glæpir verið framdir af börnum undir tíu ára aldri.

Þar á meðal er mál níu ára gamals drengs sem er ákærður fyrir nauðgun og annars átta ára sem ákærður er fyrir alvarlega líkamsárás.

Þá eru nokkrir ákærðir fyrir hnífaburð, árásir, þjófnaði og innbrot.

Viðbrögðin við þessu ástandi hafa verið frekar hjáróma. Esther Rantzen, sem að starfar fyrir samtök sem láta sig varða réttindi barna, hvetur til þess að strangari lög verði sett um gáleysi foreldra og að þau verði sótt til saka fyrir glæpi barna sinna.

"Þegar þú heyrir um svona mál þá fær það þig til að undrast hvað gangi eiginlega á hjá fjölskyldu viðkomandi. Þú verður að spyrja sjálfa þig,  hvers vegna?" segir Rantzen.

Þessar tölur hafa verið gerðar opinberar eftir að tveir drengir 12 og 10 ára, viðurkenndu að hafa pyntað tvo aðra drengi í bænum Edlington næri Doncaster í Englandi.

Athugasemdir

[Jón Steinar Ragnarsson, 22.9.2009 kl. 02:57]

Þetta er stjörnubiluð þjóð. Lögregluríki og mekka hysteríunnar.

[Ragnheiður Arna Magnúsdóttir (IP-tala skráð) 22.9.2009 kl. 20:36]

Breskt þjóðfélag er sjúkt! Hvar annars staðar en í Bretlandi eru 3ja ára gömul börn að fremja skemmdarverk! Ekki þarf að minna á mæðgurnar sem létust um daginn (eftir að mamman kveikti í þeim) vegna þess að  unglingsóféti voru búin að leggja þær í einelti svo árum skipti.......talið er að yngsti í hópnum hafi verið um 9 ára!!

Tala ekki um öll barna morðin framin af sadista foreldrum.......

SHOCKING!

[Svanur Gísli Þorkelsson, 23.9.2009 kl. 01:18]

Því betur sem maður kynnist bresku samfélagi því augljósara verður það hvers vegna Bretar sækjast ætíð eftir að deila og drottna með ofbeldi í samskiptum sínum við aðrar þjóðir. Það er eina samskiptaformið sem þeir kunna.