Andlitið sem ætíð mun fylgja Tony Blair

Í september 2003 var Baha Musa, 26 ára afgreiðslumaður á hóteli í Basra í suður Írak, barinn til dauða af breskum hermönnum eftir að hann hafði verið niðurlægður á skelfilegan hátt. Á líkama hans fundust 93 mismunandi áverkar, þar á meðal brákuð rifbein og brotið nef. Þetta er hluti af myndbandinu sem sýnir pyntinga-aðferðirnar sem Baha og aðrir fangar voru beittir.

 

Á þessu myndbandi nota breskir hermenn yfirheyrsluaðferðir sem voru bannaðar af breskum stjórnvöldum árið 1972 en þeir sögðust halda að væru löglegar.

Formleg opinber rannsókn á morðinu er hafinn og í ljós kom í dag að þeir sem börðu og pyntuðu Baha til bana voru ekki einu skemmdu eplin í breska hernum, "Öll tunnan er rotin" kom fram við rannsóknina.

Fangarnir voru látnir öskra í kór og neyddir til að dansa eins og "Michael Jacson" á meðan Donald Payne liðþjálfi öskraði að þeim háðsyrði og kallaði þá "apa".

Í fyrstu var haldið fram að ekkert sem sýnt er á myndbandinu hafi verið ólöglegt.

Það sem við sjáum  er hvernig hermaður reynir að framfylgja því sem hann heldur vera opinbera stefnu hersins við yfirheyrslur. Hann reynir að kúga fangana aftur í streitu-stöðurnar þegar þeir emja af sársauka og geta greinilega ekki haldið stöðunni.

Þeir eru settir í gegnum "aðlögunar ferli" sem felur í sér að halda sér í "streitu stöðu", bera hauspoka, vera neitað um svefn og mat.

Samt hafa Þessar aðferðir verið bannaðar í 30 ár eftir að þeim hafði verið beitt á Norður Írlandi.

Einn af föngunum vitnaði um að hafa heyrt Mousa hrópa; Ó Guð minn, ég er að deyja. Látið mig í friði, gerið það látið mig í friði í fimm mínútur".

Pyntingarnar fóru ekki fram fyrir luktum dyrum. Margir Hermenn sáu hvað um var að vera, komu og fóru án þess að andmæla því sem fram fór á nokkurn hátt.  

Ljóst er að við yfirheyrsluna gengu hermennirnir samt miklu lengra en gert var ráð fyrir í hinum aflögðu leiðbeiningum. Áverkarnir á líkama Mousa gátu ekki verið einungis af völdum þeirra.

Kona Mousa hafði dáið úr krabbameini aðeins 22 ára, nokkru áður en Mousa mætti dauða sínum. Tveir synir þeirra, Hussein og Hassan eru munaðarlausir.

Payne liðþjálfi var dæmdur fyrir stríðsglæpi árið 2006, fyrstur allra breskra hermanna. Honum var gert að yfirgefa herinn og hlaut eins árs fangelsisdóm.

Réttað var yfir sex öðrum hermönnum en þeir allir sýknaðir í mars 2007.

Breska varnarmálráðuneytið greiddi fjölskyldu Mousa og níu öðrum Írökum sem höfðu þurft að þola pyntingar samtals 2.83 millj. punda í skaðabætur .

Athugasemdir

[Sigurður Þór Guðjónsson, 21.9.2009 kl. 21:26]

Ég held að þetta haldi ekki vöku fyrir síkópatanum og blaðurskjóðunni Tony Blair.

[Svanur Gísli Þorkelsson, 21.9.2009 kl. 21:28]

Kannski ekki, en hver veit hvað hann dreymir :)

[DoctorE (IP-tala skráð) 21.9.2009 kl. 21:35]

Ruglukollurinn Tony Blair með sitt fáránlega interfaith dæmi.. þvaður um að trúarbrögð séu lausnin á vandamálum heimsins.
Sagan kennir okkur það að trúarbrögðin eru einmitt stærsta og versta vandamál heimsins, hafa verið það frá því að einhver hellisbúi bjó til fyrstu trúarbrögðin.

Fact

[Svanur Gísli Þorkelsson, 21.9.2009 kl. 22:39]

Það er erfitt að berjast gegn kenndum sem eru harðkóðuð í heilann á mannfólkinu og afurð miljóna ára þróunar eins og trúarþörfin er samkvæmt mekanískri heimsmynd kæri DoctorE. - En af því að þetta er manninum eðlilegt þá ber að hyggja vel að því hverju maður trúir, það skiptir máli rétt eins og það skiptir máli hvað fólk heldur að það viti. -  Eitt sinn héldu vísindamenn að það væru engin tengsl milli þess sem gerðist í raun og veru og þess sem fylgdist með hvað gerðist. Svo kom skammtafræðin og breytti öllu því.

Alvarlegustu vandamál heimsins hafa verið og eru enn eftirsókn mannsins í veraldleg gæði og völd. Flestar styrjaldir hafa verið háðar sem bein afleiðing þeirra kennda og stundum hafa ofbeldisseggirnir reynt að réttlæta gjörðir sínar með því að segjast hafa Guð í sínu liði. - Þeir vitna í gömlu trúarritin sem lýsa stórkostlegum orustum  milli þess góða og hins illa og reyna að klæða það í búning sögulegra staðreynda. Það virkar fyrir þá sem halda að Guð sé eins og þeir, og þeir sem ekki trúa á Guð, fylgja herstjórunum samt af einhverri annarri ástæðu. 

Allir láta stjórnast af því sem hjarta þeirra girnist og þeir girnast yfirleitt mest það sem þeir hafa ekki. Þess vegna berjast menn fyrir Guð, trú, auð, heiður,hamingju, sanngirni eða eitthvað annað sem samt alltaf reynist fánýtið eitt þegar þeir halda sig hafa komist yfir það. Einkum vegna þess að það er ætíð keypt með blóði hinna saklausu.

[Svanur Gísli Þorkelsson, 22.9.2009 kl. 00:03]

Ég fjarlægi hér með athugasemd frá Rögnvaldi Jónssyni sem varðar klárlega við lög að birta. Þeir sem hafa áhuga á að sjá þess athugasemd mega senda mér beyðni um það.

[Jenný Stefanía Jensdóttir, 22.9.2009 kl. 00:41]

Viðbjóðsleg mannvonska, ekki einu sinni dýr merkunnar haga sér svona.

Annars virðast ákveðnir aðilar kenndir við Hádegi dunda sér við að fremja níðingsverk á sálarheill þjóðarinnar, svona til að kanna hvað mikið er eftir af sprengiþráðnum, eða kannski er þetta íslenski húmorinn í algleymingi.

[Óskar Helgi Helgason (IP-tala skráð) 22.9.2009 kl. 01:54]

Heil og sæl; öll sömul !

Dratt halinn; Tony Blair, er jafnt tignaður, af heittrúðu Samfylkingar stóði, hér heima fyrir - eins og af kurfunum, í AGS/ESB og NATÓ þrenningunni, svo ég komi því að, gott fólk.

Hann er; glæsilegt dæmi, um ''yfirburði'' hvíta stofnsins, hér á Heimskringlunni.

Og; gallalaus afurð, vestrænnar heimsvalda stefnu.

Fokk (Fogh) Rasmussen, Baunverji, og þeir Barroso Portúgalski, eru Æðstu prestar þessa illfyglis.

Og; Össur Skarphéðinsson, er fótaþurrka hans, Nr. 1. 

Með beztu kveðjum; sem áður og fyrri /

Óskar Helgi Helgason