Móðir jörð grætur

Þessi mynd var tekin í Austfonna jöklinum á eynni Nordaustlandet í Noregi í síðast liðnum júlí mánuði af ljósmyndaranum Michael Nolan. Myndinni hefur ekkert verið breytt og höfundurinn að þessari íshöggmynd er sjálf móðir jörð. 

Tár móður jarðar hafa verið vinsælt yrkisefni ljóðskálda, ekki hvað síst upp á síðkastið þegar í ljós hefur komið hversu mjög er gengið nærri náttúrunni af hendi manna. Segja má að þessi mynd sem er af bráðnun í jöklinum, sé afar ljóðræn og jafnframt táknræn. Móðir jörð grætur örlög sín og okkar, harmar röskun mannsins á jafnvægi náttúrunnar.

Illa gengur að stemma stigu við hitnun jarðarinnar og hver sem hlutur mannsins er í því ferli, eru nú líkur á að það sé orðið of seint að hægja á því hvað þá að koma í veg fyrir það. Á næstu áratugum munu afleiðingar þess fyrir menn og lífríki jarðarinnar yfirleitt verða að fullu ljósar.

 

Athugasemdir

[Jón Steinar Ragnarsson, 4.9.2009 kl. 00:41]

Geturðu nefnt mér einhver ljóðskáld, sem hafa ort um tár móður jarðar, sérstaklega upp á síðkastið þá, en eldra mætti gjarnan fylgja með.

[Jenný Stefanía Jensdóttir, 4.9.2009 kl. 01:08]

Hrífandi og táknrænt,  takk fyrir að vekja athygli á þessari mynd.

[Svanur Gísli Þorkelsson, 4.9.2009 kl. 01:46]

Chidi A. Okoye, Muriel, Eygló Daða, sem dæmi. Af gömlu mætti kannski nefna þjóðsöng Íslendinga ;) Fósturjörðin Ísland með sitt titrandi tár o.s.f.r.

Vissi ekki að þú værir áhugamaður um ljóðagerð Jón steinar.

[Svanur Gísli Þorkelsson, 4.9.2009 kl. 02:08]

Jón Steinar; Svo var ég næstum búinn að gleyma grænlenska þingmanninum og skáldinu Aqqaluk Lynge's. sem þú kannski þekkir til. Hann hefur einmitt notað þessa líkingu í ljóðum sínum þar sem hann ásakar hvíta manninn um að hafa   nauðgað náttúru Grænlands.

[Jón Steinar Ragnarsson, 4.9.2009 kl. 04:55]

Nákvæmlega það sem ég googlaði sjálfur Svanur. Þessi Chidi (who?)er firsta hitt á google. Hvort þetta kallist vinsælt yrkisefni ljóðskálda, hvað þá í seinni tíð ætti því að liggja milli hluta.

Er Eygló harðar ljóðskáld? Er það þingkonan? Ég finn annars ekkert ljóð frá henni, sem  hefur þetta beint að yrkisefni þótt henni sé tíðrætt um mæður tár og jörð. Eitt lljóð Lynge hintar beint að þessu.

Fannst fullyrðing þín ansi breið, og eilítið reygingsleg. Þú hlýtur nú að geta gert betur en þetta.

[Jón Steinar Ragnarsson, 4.9.2009 kl. 05:11]

Lynge er raunar líka pólitíkus með ljóðást. Vildi gjarnanfá link á það ljóð, sem þú hefur í huga.

[Jón Steinar Ragnarsson, 4.9.2009 kl. 05:17]

Jú, ég er áhugamaður um ljóðagerð og hef raunar gefið út ljóðabók fyrir mörgum árum. Hef til og með samið sálma, believe it or not. Tilvísunin í titrandi tárið er annars ansi langsótt.  Hér er vísun í sálmana, deyjandi blóm, hringrás lífsins og fallvaltleikann. Ekkert GW sentimentality.

[Svanur Gísli Þorkelsson, 4.9.2009 kl. 09:46]

Já Jón Steinar, það eru sannarlega margir sem nota þessa myndlíkingu.Chidi er bara fyrsta hitt á google af því að ljóðið hans heitir "Tár móður jarðar"

Svo koma hundruð annarra. Og ef þú googlar "móðir jörð grætur" á nokkrum málum, bætist enn í sarpinn. Fullyrðing mín um notkun þessara orða í ljóðagerð er því "breið", ekki af ástæðulausu. skil ekki hvað þér finnst "reygingslegt"/ reigingslegt við hana. Er það ekki bara dagsformið þitt sem þar talar? 

Tilvísunin í þjóðsönginn og þar með Biblíusálminn geturauðvitað  alveg haft "GW" skírskotun. Boðskapur margra íslenskra ættjarðarljóða teygja sig auðveldlega inn á þær brautir.

Jú, ég á erfitt með að trúa því að þú hafir samið sálma Jón Steinar. 

Enginn linkur á ljóðin hans Lynge. Lestu annars grænlensku? Þú varst eitthvað að þvælast þar um slóðir, var það ekki?

[Ólafur í Hvarfi (IP-tala skráð) 4.9.2009 kl. 15:20]

Ég rakst á þessa grein fyrir tilviljun og er gaman þess að geta að ég samdi söngtexta fyrir einhverjum árum við eigið lag og nefnist það Móðir Jörð, lagið var gefið út og flutt af hlkómsveitinni 66.  En söngtextinn byrjar svona:

Jörðin mín grætur nú tárum

menguð af svíðandi sárum

garður sem gleymist að hirða

líf sem verður að virða

[Svanur Gísli Þorkelsson, 4.9.2009 kl. 21:31]

Sæll Ólafur. Þakka þér þetta framlag. Greinilega með tímana tákn á hreinu :)